ឯកឧត្តម សន្តិបណ្ឌិត ម៉ៅ ច័ន្ទតារ៉ា ដឹកនាំកិច្ចប្រជុំផ្សព្វផ្សាយព្រឹត្តិការណ៍ និងគោលការណ៍សំខាន់ៗដោយសង្ខេបប្រចាំសប្តាហ៍របស់អគ្គស្នងការដ្ឋាននគរបាលជាតិ
ភ្នំពេញ៖ នៅទីស្តីការក្រសួងមហាផ្ទៃ នាព្រឹកថ្ងៃចន្ទ ទី១៣ ខែមករា ឆ្នាំ២០២៥ ឯកឧត្តម សន្តិបណ្ឌិត ម៉ៅ ច័ន្ទតារ៉ា រដ្ឋលេខាធិការប្រចាំការ ក្រសួងមហាផ្ទៃ អញ្ជេីញដឹកនាំកិច្ចប្រជុំ បូកសរុបសភាពការណ៍ និងលទ្ធផលកិច្ចប្រតិបត្តិការប្រចាំខែធ្នូ ឆ្នាំ ២០២៤ និងលេីកទិសដៅការងារ ខែមករា ឆ្នាំ២០២៥ របស់អគ្គស្នងការដ្ឋាននគរបាលជាតិ។
កិច្ចប្រជុំនិងការធ្វេីបទបង្ហាញ អំពីរបាយការណ៍ដោយសង្ខេបនេះ ក៏មានការអញ្ជេីញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង លោក លោកស្រី ប្រធានអង្គភាព និងមន្រ្តីពាក់ព័ន្ធចំណុះក្រសួងមហាផ្ទៃជាច្រេីនរូប។
ក្នុងកិច្ចប្រជុំនេះ ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ បានធ្វេីបទបង្ហាញ និងរាយការណ៍ដោយសង្ខេប អំពីសភាពការណ៍ទូទៅ ប្រតិបត្តិការការងារ និងលទ្ធផលដែលសម្រេចបានកន្លងមក របស់អគ្គស្នងការដ្ឋាននគរបាលជាតិជូនអង្គប្រជុំជ្រាប៕
