គណ:អភិបាលខេត្តព្រះសីហនុ ជួបសំណេះសំណាល និងពិភាក្សាការងារជាមួយមេបញ្ចាការនាវា USS Savannah (LCS-28) របស់អាមេរិក

ភ្នំពេញ៖ ឯកឧត្តម ម៉ាង ស៊ីណេត អភិបាល នៃគណ:អភិបាលខេត្តព្រះសីហនុ បានជួបសំណេះសំណាល និងពិភាក្សាការងារជាមួយមេបញ្ចាការនាវា USS Savannah (LCS-28)ក្នុងឪកាស ដែលនាវាបានចូលសំចតនៅកំពង់ផែស្វយ័តក្រុងព្រះសីហនុ ក្នុងគោល បំណងបំពេញទស្សនកិច្ចនៅព្រះរាជាណាចក្រកម្ពុជា រយ: ពេល ៥ថ្ងៃ គឺចាប់ពីថ្ងៃទី១៦ ដល់ថ្ងៃទី២០ ខែធ្នូ ឆ្នាំ២០២៤។

ឯកឧត្តម ម៉ាង ស៊ីណេត អភិបាលខេត្តព្រះសីហនុ បានស្វាគមន៍គណ:ប្រតិភូកងទ័ពជើងទឹកសហរដ្ឋ អាមេរិក ដែលបានចូលចតនាវានៅខេត្តព្រះសីហនុ ព្រមទាំងបានណែនាំភូមិសាស្រ្តរបស់ខេត្តព្រះសីហនុ មានសក្តានុពល ស្ថិតនៅទិសនារតីនៃប្រទេសកម្ពុជា មាន ៥ក្រុង ស្រុក ២៩ ឃុំ សង្កាត់ ១១១ភូមិ ប្រជាពលរដ្ឋជាង ៣១ម៉ឺននាក់ នៅពេលឆាប់ៗខាងមុខនឹងបង្កើតក្រុងកំពង់សោមមួយទៀត  ខេត្តព្រះសីហនុ មាន GDP  ១.៦១៧លានដុល្លាអាមេរិក សម្រាប់ប្រជាពលរដ្ឋម្នាក់ មាន GDP ៤៦០០ដុល្លា និងមានអត្រាកំណើន ៦ភាគរយ ខេត្តព្រះសីហនុ សម្បុរដោយធនធានធម្មជាតិ មានកោះតូច ធំ ៣២  ថ្មដុស១ ថ្មប៉ប្រះទឹក៥ ឆ្នេរប្រវែង ១៧៥គីឡូម៉ែត្រ និងមានព្រៃកោងកាង រួមទាំងឧទ្យានជាតិលើគោល និងបាតសមុទ្រ នេះជាប្រភពទាក់ទាញទេសចរណ៍មកលំហែរសំរាកកម្សាន្តក្នុងមួយឆ្នាំៗ ទទួលប្រសិទ្ធនាមជា តារារះនាទិសនារតី ម្យ៉ាងទៀតខេត្តព្រះសីហនុ ជាតំបន់ស្នូលនៃតំបន់ឆ្នេរខេត្តទាំង ៤ មានដូចជាខេត្ព្រះសីហនុ  កែប កំពត និងខេត្តកោះកុង ឆ្នេរសមុទ្រកម្ពុជា ត្រូវបានដាក់បញ្ជូលជាសមាជិកក្លឹបឆ្នេរស្អាតលើពិភពលោកនៅឆ្នាំ២០១១  ខេត្តព្រះសីហនុមានផ្លូវគមនាគមន៍ ផ្លូវគោក ផ្លូវទឹក និងផ្លូវអាកាស ផ្លូវជាតិ មានផ្លូវជាតិលេខ៣ លេខ៤ ផ្លូវល្បឿនលឿន និងផ្លូវដែក ផ្លូវទឹកមានកំពង់ផែ៣ ហើយផ្លូវទឹកសំខាន់គឺ កំពង់ផែស្វយ័តក្រុងព្រះសីហនុ រាជរដ្ឋាភិបាលមានគម្រោងអភិវឌ្ឍកំពង់ផែជា ៣តំណាក់កាល រហូតដល់ឆ្នាំ២០២៩ មានជំរៅទឹក ១៧,៥០ម៉ែត្រ អាចឪ្យនាវាចំណុះផ្ទុក ១៦ម៉ឺនតោនចូលចតបាន យើងអាចនិយាយបានថា នាវាដឹកទំនិញលើពិភពលោកអាចចូលចតបាន ផ្លូវអាកាស ប្រភេទ 4E មានផ្លូវរត់ ៣ ៣០០ម៉ែត្រ មានទំនាក់ទំនងទៅកាន់អន្តរជាតិ ខេត្តមានតំបន់សេដ្ឋកិច្ចពិសេស១៦ ក្នុងនោះ ៥កំពុងដំណើការ ក្រៅពី នោះកំពុងដំណើការសាងសង់ ចំពោះទឹក ភ្លើងខេត្តព្រះសីហនុមានគ្រប់គ្រាន់។

ឯកឧត្តម អភិបាលខេត្តបានបន្តថា ទំនាក់ទំនងប្រទេសយើងទាំងពីមានទំនាក់ទំនងស្ថិតស្ថេរចីរកាលបន្តទៀត ចំណងសាមគ្គីភាពរឹតតែល្អបន្ថែមទៀត មានដូចជា សេដ្ឋកិច្ច វប្បធម៌ ពិសេសការប្រយុទ្ធប្រឆាំងអំពើភេរវកម្ម អំពើរត់ពន្ធឆ្លងដែននានា ក្នុងការចូលរួមកិច្ចការពារសន្តិសុខ សុត្ថិភាពក្នុងតំបន់ និងសូមអគុណនាវាកងទ័ពជើងទឹកសហរដ្ឋអាមេរិកមុនៗ ដែលបានចូលរួមការងារសង្គមជាមួយរដ្ឋបាលខេត្ត ក្នុងឆ្នាំ២០១៣ នាវិកបានចូលរួមជួយសាងសង់បន្ទប់ទឹក ដែលជាអនុស្សាវរីយ៍ និងជាការចងចាំសម្រាប់ប្រជាពលរដ្ឋខេត្តព្រះសីហនុ៕