ឧត្តមអគ្គានុរក្សថ្នាក់លេខ១ ឈន សាណាត ផ្ដល់អនុសាសន៍ ១០ចំណុច ដល់មន្រ្តីពន្ធនាគារ ឲ្យបន្តយកចិត្តទុកដាក់អនុវត្ក

ភ្នំពេញ៖ ឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ បានអញ្ជើញចុះត្រួតពិនិត្យវឌ្ឍនភាពការងារ និងជួបសំណេះសំណាលជាមួយថ្នាក់ដឹកនាំ និងមន្ត្រីពន្ធនាគារខេត្តកំពង់ចាម ដែលមានការអញ្ជើញអមដំណើរដោយ ឯកឧត្តម អគ្គនាយករង ប្រធាននាយកដ្ឋាន និងមន្រ្តីពាក់ព័ន្ធ នាថ្ងៃទី១៦ ខែធ្នូ ឆ្នាំ២០២៤ នៅពន្ធនាគារខេត្តកំចាម។

ឯកឧត្តម អគ្គនាយកបានបានធ្វើការសំណេះសំណាល និងមានប្រសាសន៍ណែនាំទៅកាន់ជនជាប់ឃុំដែលជាក្មេងទំនើងឲ្យមានការកែប្រែធ្វើជា ក្មេងល្អ កូនល្អ សិស្សល្អ ជាពិសេសជាពលរដ្ឋល្អនៅក្នុងសង្គមបន្ទាប់ចេញពីពន្ធនាគារវិញ។

ឆ្លៀតក្នុងឱកាសនេះឯកឧត្តមអគ្គនាយក បានលើកសរសើរប្រធានពន្ធនាគារខេត្តកំពង់ចាមអំពីការកសាងហេដ្ឋារចនាសម្ព័នមានការរីកចម្រើនច្រើនគួរឲ្យគត់សំគាល់ និងផ្តាំផ្ញើរនូវអនុសាសន៍មួយចំនួនដល់មន្រ្តីត្រូវបន្តយកចិត្តទុកដាក់នូវការងារដូចខាងក្រោម៖

– ពង្រឹងក្រមសីលធម៌ និងបទវិន័យមន្ត្រីពន្ធនាគារ ប្រកាន់ខ្ជាប់នូវភាពស្មោះត្រង់ចំពោះវិជ្ជាជីវៈ

– ត្រូវមានភាពរហ័សរហួនចាត់ចែង អនុវត្ត ឆ្លើយតបការងារដែលស្ថិតក្នុងដែនសមត្ថកិច្ចរបស់ខ្លួន

– បង្កើតប្រព័ន្ធតាមដានការងារតាមជំនាញ ការរក្សាតម្កល់ទុកឯកសារ និងព័ត៌មានសំខាន់ៗ

– ពង្រឹងរក្សាការសម្ងាត់ ពិសេស ព័ត៌មានផ្ទៃក្នុងពាក់ព័ន្ធដល់សន្តិសុខពន្ធនាគារ និងសន្តិសុខជាតិ

– អង្កេតតាមដានមុខសញ្ញាពិសេស ពង្រឹងការងារស៊ើបការណ៍អប់រំ និងក្តាប់ព័ត៌មានឲ្យបានស៊ីជម្រៅ

– ត្រូវមានវិធានការម៉ឺងម៉ាត់ រឹតបន្តឹងពង្រឹងប្រសិទ្ធភាពឆែកឆេររកវត្ថុហាមឃាត់ ជាពិសេសទូរស័ព្ទ និងគ្រឿងញៀន

– ខិតខំស្វែងរកដៃគូ (វិស័យឯកជនខ្នាតតូច ឬមធ្យម) អភិវឌ្ឍការងារសិប្បកម្ម និងកសិកម្មពន្ធនាគារ

– កសាងសមត្ថភាពគ្រូបង្គោលដឹកនាំអនុវត្ត និងបង្កើតគណៈគ្រប់គ្រងការបណ្តុះបណ្តាលវិជ្ជាជីវៈ

– អាកាសធាតុត្រជាក់ ត្រូវមានការប្រុងប្រយ័ត្នបញ្ហាសុខភាព ពិសេស ជំងឺផ្តាសាយដល់ជនជាប់ឃុំ

– បន្តយកចិត្តទុកដាក់ស្ត្រីមានផ្ទៃពោះ កូនតាមម្តាយ រួមទាំងបញ្ហាសុខភាពស្ត្រី និងសម្ភារៈអនាម័យ ៕