ឯកឧត្តម រដ្ឋមន្ត្រី ថោ ជេដ្ឋា អញ្ជើញពិនិត្យ វឌ្ឍនភាពការងារ ដំឡើងប្រទីប ក្រសួងធនធានទឹក និង ឧតុនិយម ដើម្បីត្រៀម ចូលរួមអបអរសាទរក្នុង ព្រះរាជពិធីបុណ្យអុំទូក
ភ្នំពេញ៖ នៅល្ងាច ថ្ងៃទី១២ ខែវិច្ឆិកា ឆ្នាំ២០២៤នេះ ឯកឧត្តម ថោ ជេដ្ឋា រដ្ឋមន្ដ្រីកសួងធនធានទឹក និងឧតុនិយម អមដំណើរដោយឯកឧត្តម រដ្ឋលេខាធិការ ប្រចាំការ ឯកឧត្តមជាថ្នាក់ដឹកនាំ និង មន្ត្រី ក្រសួង បានអញ្ជើញពិនិត្យ វឌ្ឍនភាពការងារដំឡើងប្រទីប របស់ក្រសួងធនធានទឹក និង ឧតុនិយម នាមាត់ទន្លេចតុមុខ។
សូមជម្រាបថា ព្រះរាជពិធីបុណ្យអ៉ុំទូក បណ្ដែតប្រទីប និងសំពះព្រះខែ អកអំបុក នឹងប្រារព្ធធ្វើនៅថ្ងៃ១៤-១៥កើត និង ថ្ងៃ១រោច ខែ កត្តិក ឆ្នាំ រោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៤-១៥-១៦ ខែវិច្ឆិកា ឆ្នាំ២០២៤ ខាងមុខ។
ក្រសួងធនធានទឹក និងឧតុនិយម ក៏ដូចបណ្តាក្រសួងស្ថាប័នផ្សេងទៀត បានរៀបចំដំឡើងប្រទីបតំណាងក្រសួង ស្ថាប័ន របស់ខ្លួន ដើម្បីបណ្ដែតនៅតាមដងទន្លេសាប មុខព្រះបរមរាជវាំង ក្នុងព្រះរាជពិធីបុណ្យអុំទូក បណ្ដែតប្រទីប និង សំពះព្រះខែ អកអំបុក រយៈពេល ៣ថ្ងៃ នៅរាជធានីភ្នំពេញ៕
