នៅថៃផ្អើលពេញបណ្តាញសង្គម អ្នកទោសជនជាតិកូរ៉េខាងត្បូងម្នាក់ ប្រើទូរសព្ទផ្សាយផ្ទាល់ចេញពីពន្ធនាគារ
បាងកក៖ ថ្មីៗនេះមានការភ្ញាក់ផ្អើលនៅប្រទេសកម្ពុជា រហូតប្រមុខរាជរដ្ឋាភិបាលសម្រេចឱ្យមានការរុះរើមន្ត្រីជាន់ខ្ពស់ក្នុងជួរពន្ធនាគារ ម១ ជាបន្ទាន់ ក្រោយបែកធ្លាយវីដេអូ ក្រុមទណ្ឌិតអាចមានលទ្ធភាពប្រើប្រាស់គ្រឿងញៀន និងចាក់ធុងបាស់រាំលេងក្នុងគុកយ៉ាងសប្បាយរីករាយ។
យ៉ាងណា នៅប្រទេសថៃឯណេះវិញ ក៏កំពុងមានការភ្ញាក់ផ្អើលខ្លាំងផងដែរ បន្ទាប់ពីវីដេអូឃ្លីបផ្សាយផ្ទាល់របស់ទណ្ឌិតជនជាតិកូរ៉េម្នាក់ ត្រូវបានផ្សាយចេញពីក្នុងបន្ទប់ឃុំឃាំង និងកំលុងពេលផ្ទេរទៅកាន់មន្ទីរឃុំឃាំង ហើយបានចែកចាយពាសពេញបណ្តាញសង្គម។ មន្ត្រីប៉ូលិស ជាពិសេសមុខមាត់មន្រ្តីអន្តោប្រវេសន៍នៅក្នុងខេត្តជលបុរី (ឈុនបូរី) កំពុងរងភាពនូវភាពអាម៉ាសយ៉ាងខ្លាំង ខណៈការស៊ើបអង្កេតករណីខាងលើនេះ កំពុងដំណើរការ។
នៅថ្ងៃទី១៧ ខែតុលា លោកឧត្តមសេនីយ៍ទោ ឈឿងរ៉ុន រីមប៉ាឌី (Choengron Rimpadee) អ្នកនាំពាក្យការិយាល័យអន្តោប្រវេសន៍ បានបញ្ជាក់ថា ថ្នាក់ដឹកនាំការិយាល័យ បានបញ្ជាឱ្យមេបញ្ជាការប៉ូលិសអន្តោប្រវេសន៍ខេត្តជលបុរី ស៊ើបអង្កេតការពិតលើករណីដ៏រសើបនេះ។
របាយការណ៍ ស៊ើបអង្កេត បឋម បញ្ជាក់ ថា លោក សេអូ អាយុ៤៤ឆ្នាំ ជា ជនជាតិ កូរ៉េខាងត្បូង ដែល កំពុងតាមចាប់ខ្លួនដោយអាជ្ញាធរ កូរ៉េ ពាក់ព័ន្ធ នឹង គ្រឿង ញៀន ជាអ្នកផ្សាយផ្ទាល់ចេញពីបន្ទប់ឃុំឃាំង។ លោក សេអូ ត្រូវបានចាប់ខ្លួនកាលពីថ្ងៃទី៣ ខែតុលា ឆ្នាំ២០២៤ ដោយមន្ត្រីស៊ើបអង្កេតអន្តោប្រវេសន៍ខេត្តជលបុរី សហការជាមួយមន្ត្រីការិយាល័យគ្រប់គ្រងគ្រឿងញៀន (ONCB)។
លោក ត្រូវ បាន ចោទ ប្រកាន់ ពី បទ«ជា ជន បរទេស ចូល ទៅ ស្នាក់ នៅ ក្នុង ព្រះ រាជា ណាចក្រថៃ ដោយខុសច្បាប់ ក្រោយ ទិដ្ឋាការ របស់ លោក ផុត កំណត់ ជាង៣៧៣ ថ្ងៃ» ហើយ ត្រូវ បាន កាត់ ទោស តាម ច្បាប់។ ក្រោយមក តុលាការស្រុកប៉ាតាយ៉ា បានកាត់ទោសលោក ជាមួយនឹងពិន័យជាប្រាក់ចំនួន៣០០០បាត និងផ្តន្ទាទោសដាក់ពន្ធនាគារបណ្តោះអាសន្ន ហើយបុរសរូបនោះនឹងត្រូវនិរទេសចេញពីប្រទេសថៃ។
ក្នុងអំឡុងពេលនេះ ការិយាល័យអន្តោប្រវេសន៍ខេត្តជលបុរី បានឃាត់ខ្លួនលោក សេអូ នៅប៉ុស្តិ៍ប៉ូលិសបាងឡាំមួង Bang Lamung ខេត្តជលបុរី ដើម្បីផ្ទេរជនជាប់ចោទទៅមជ្ឈមណ្ឌលឃុំខ្លួនជនអន្តោប្រវេសន៍នៅរាជធានីបាងកក ដើម្បីនិរទេសខ្លួន។
វីដេអូឃ្លីបរបស់ជនសង្ស័យប្រើទូរសព្ទ ត្រូវបានគេរកឃើញថា ថតបាននៅក្នុងបន្ទប់ឃុំខ្លួននៅប៉ុស្តិ៍ប៉ូលិសបាងឡាំមួង និងនៅក្នុងរថយន្ត ខណៈពេលដែលត្រូវបានបញ្ជូនទៅកាន់មន្ទីរឃុំឃាំងនៅរាជធានីបាងកក កាលពីថ្ងៃទី១៥តុលា ឆ្នាំ២០២៤។ មន្ត្រី អន្តោប្រវេសន៍ ពីរ រូប ដែលទទួលបន្ទុកលើការផ្ទេរលោក សេអូ ប្រឈម នឹង ការ ផ្ដន្ទាទោស តាម វិន័យ។
ប្រព័ន្ធផ្សព្វផ្សាយកូរ៉េខាងត្បូង Maeil និង JTBC បានរាយការណ៍អំពីឧបទ្ទវហេតុនេះ។ ជនជាប់ចោទ បានផ្សាយបន្តផ្ទាល់អំពីបទពិសោធរបស់គេនៅក្នុងមន្ទីរឃុំឃាំងរបស់ប៉ូលិសថៃ ខណៈដែលការផ្សព្វផ្សាយលើយូធូប ផ្ទាល់ខ្លួនរបស់គាត់។ ជនជាប់ចោទ ត្រូវបានគេមើលឃើញថា ជក់បារី និងអរគុណអ្នកតាមដានរបស់គាត់សម្រាប់ការគាំទ្ររបស់ពួកគេ ដោយនិយាយថា វាបានពង្រឹងភាពក្លាហានរបស់គាត់។ ប្រព័ន្ធផ្សព្វផ្សាយកូរ៉េខាងត្បូង បានរាយការណ៍ថា បុរសវ័យ៤៤ឆ្នាំរូបនេះ ហៅខ្លួនឯងថា ជាបុរសមានបំផុតនៅក្នុងប្រទេសថៃ ហើយបានពិពណ៌នាអំពីលក្ខខណ្ឌនៅក្នុងពន្ធនាគារថៃ ថាមានភាពតឹងរ៉ឹងជាងអ្នកដែលនៅបរទេស។ លោក បាន លើក ឡើង ថា លោក អាច ប្រើទូរសព្ទពេលកំពុង ឃុំ ខ្លួន បាន ដោយសារការចាយលុយសូក។
ការ លេច ចេញ រូបភាព បែប នេះ បង្ហាញ ពីភាពកម្សោយនៃ មន្ត្រី ពន្ធនាគារថៃ ជុំវិញការគ្រប់ គ្រង មិន បាន ហ្មត់ចត់ ក្នុង ការ ត្រួតពិនិត្យពួក គេ ដោយអាចឱ្យជនសង្ស័យប្រើទូរសព្ទបាននៅក្នុងបន្ទប់ឃុំឃាំង និងកំលុងពេលផ្ទេរទៅកាន់មន្ទីរឃុំឃាំង។ បច្ចុប្បន្ន មេ បញ្ជាការ ប៉ូលិស អន្តោប្រវេសន៍ ខេត្ត ជលបុរី បាន បញ្ជា ឱ្យ បញ្ចប់តំណែងមន្ត្រី អន្តោប្រវេសន៍ ទាំង ពីរ ។ ករណីនេះ មានភាពរសើបខ្លាំង ដោយសារបុគ្គលនោះ ត្រូវរដ្ឋអំណាចកូរ៉េខាងត្បូង ចេញដីកាចាប់ខ្លួនពាក់ព័ន្ធនឹងគ្រឿងញៀន ហើយរូបគេអាចប្រើទូរសព្ទជាជំនួយដល់ការរត់គេចខ្លួន៕
