ភ្នំពេញ៖ ជើងមាន់បង្កកខុសច្បាប់ប្រមាណ២តោន នាំចូលពីប្រទេសជិតខាង ត្រូវបានក្រុមការងារ អន្តរាគមន៍ បង្ក្រាប បទល្មើស ចលនា សត្វ នៃ អគ្គនាយកដ្ឋាន សុខភាពសត្វ និងផលិតកម្មសត្វបង្ក្រាប និងដុតបំផ្លាញចោលនៅទីលានចាក់សំរាម ខណ្ឌដង្កោ កាលពីថ្ងៃទី២៦សីហា។
បើតាមលោក ហ៊ុន សា រ៉ាត់ អនុប្រធាន នាយកដ្ឋាន សុខភាព សត្វ និង សុខភាព សាធារណៈ ប សុខ ព្យាបាល បានឱ្យ ដឹង ថា ការ ដុត កម្ទេច ចោល នូវផលិតខុសច្បាប់ខាងលើ នេះ ដោយ មានកិច្ចសហការ ជាមួយ មន្ត្រី ការិយាល័យ ផលិតកម្ម និង បសុព្យាបាល រាជធានី ភ្នំពេញ និង សមាគម អ្នក ចិញ្ចឹមសត្វ កម្ពុជា ព្រមទាំងមានការអនុញ្ញាត ពី ព្រះរាជអាជ្ញា នៃ អយ្យការ អម សាលាដំបូង រាជធានី ភ្នំពេញផង ដែរ។
លោកបន្តថា កាលពី វេលា ម៉ោង ១០:៣០ នាទី ថ្ងៃ ទី ១៤សីហា ឆ្នាំ ២០២៤ ដោយមានបទបញ្ជា ផ្ទាល់ ពី លោក តាន់ ផា ន់ ណា រ៉ា ប្រតិភូ ទទួល បន្ទុក ជា អគ្គនាយក នៃ អគ្គនាយកដ្ឋាន សុខភាព សត្វ និង ផលិតកម្ម កម្ម បានចាត់តាំងឱ្យ ក្រុមការងារ អន្តរាគមន៍ បង្ក្រាប បទល្មើស ចលនា សត្វ និង ផលិតផល សត្វ ចុះ ឃាត់ ត្រួតពិនិត្យ លើ រថយន្ត១ គ្រឿង ម៉ាកហ៊ីយ៉ាន់ដាយ ពាក់ ស្លាក លេខ ភ្នំពេញ ៣F-៥០៧០ នៅ ជិត ផ្សារ ទួល ពង្រ ភូមិ ត្រពាំង រំចេក សង្កាត់ ចោម ចៅ ខណ្ឌ ពោធិ៍ សែន ជ័យ។
ជាលទ្ធផល ក្រុមមន្ត្រីបច្ចេកទេសរកឃើញជើងមាន់២០០ កេស ក្រដាស ស្មើនឹង២ពាន់គីឡូក្រាម។ តាម ការ ពិនិត្យ ជាក់ស្ដែង ផលិតផល សត្វ បង្កក ទាំង អស់នេះ គឺ នាំ ចូល ពី បរទេស ស្តុ បទុក និង លក់ ចែកចាយ នៅ រាជធានី ភ្នំពេញ ដោយ គ្មាន លិខិតអនុញ្ញាត អ្វី ទាំងអស់ និង ជា ផលិតផល បំណែក សាច់ បង្កក ដែល ក្រសួងពាណិជ្ជកម្ម និង ក្រសួងកសិកម្ម ចាត់វិធានការ ផ្អាក ធ្វើការ នាំ ចូល ជា បណ្ដោះអាសន្ន រយៈពេល ០៦ ខែ ពោលគឺចាប់តាំងពី ថ្ងៃ ទី ១២ ខែមេសា ឆ្នាំ២០២៤ មកម្ល៉េះ៕
