ប្រតិបត្តិការយោធារបស់អ៊ីស្រាអែល នៅតំបន់ហ្គាហ្សា នឹងបន្តយ៉ាងហោចណាស់ រហូតដល់ដំណាច់ឆ្នាំនេះ
បរទេស ៖ យោងតាមការចេញផ្សាយរបស់ RT ទីប្រឹក្សាសន្តិសុខជាតិ លោក Tzachi Hanegbi បាននិយាយកាលពីថ្ងៃពុធថា ប្រតិបត្តិការយោធារបស់អ៊ីស្រាអែល នៅតំបន់ហ្គាហ្សា នឹងបន្តយ៉ាងហោចណាស់ រហូតដល់ដំណាច់ឆ្នាំនេះ។
អ៊ីស្រាអែលបានប្រកាសសង្គ្រាមលើក្រុមហាម៉ាស បន្ទាប់ពីពួកសកម្មប្រយុទ្ធ បានវាយឆ្មក់ចូលទីតាំង នៅភាគខាងត្បូងអ៊ីស្រាអែល កាលពីថ្ងៃទី៧ខែតុលា ដោយបានបណ្តាល ឱ្យមនុស្សប្រហែល១២០០នាក់ បានបាត់បង់ជីវិត និងចាប់ចំណាប់ខ្មាំងជាង២០០នាក់ ។
គិតមកទល់ពេលនេះ ឈ្លើយសឹករាប់សិបនាក់ ត្រូវបានដោះលែង ជាបន្តបន្ទាប់ តាមរយៈការដោះ ដូរអ្នកទោស ក្នុងអំឡុងពេលឈប់ សម្រាករយៈពេលមួយសប្តាហ៍ក្នុងខែវិច្ឆិកា ។ ប្រជាជនប៉ាឡេស្ទីនជាង ៣៦០០០ នាក់ ត្រូវបានសម្លាប់ក្នុងរយៈពេលជិត ៨ ខែនៃការប្រយុទ្ធគ្នា នេះបើយោងតាមអាជ្ញាធរក្នុងតំបន់ ដែលគ្រប់គ្រងដោយក្រុមហាម៉ាស ។
កាលពីដើមខែនេះ IDF បានបើកការវាយប្រហារទៅលើទីក្រុង Rafah ភាគខាងត្បូង Gaza ទោះបីជាមានការព្រួយបារម្ភ ពីអន្តរជាតិថាការវាយប្រហារនេះ នឹងបណ្តាលឱ្យមានជន ស៊ីវិលស្លាប់បាត់បង់ជីវិតយ៉ាងច្រើនក៏ដោយ ។ រដ្ឋាភិបាលអ៊ីស្រាអែលបានអះអាងថា ប្រតិបត្តិការលើដីត្រូវបានទាមទារដើម្បីកម្ចាត់ក្រុមហាម៉ាស ៕
