រដ្ឋលេខាការក្រសួងអប់រំ អញ្ជើញបើកវគ្គប្រកួតជម្រុះយក ១០ក្រុម នៃកម្មវិធីយុវជន២១ ឆ្នាំ២០២៤

ភ្នំពេញ៖ ឯកឧត្តមបណ្ឌិត ស៊ាន បូរ៉ាត រដ្ឋលេខាការក្រសួងអប់រំ យុវជន និងកីឡា តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី រដ្ឋមន្ត្រី ក្រសួងអប់រំ យុវជន និងកីឡា នាថ្ងៃទី២៧ ខែឧសភា ឆ្នាំ២០២៤ បានអញ្ជើញជាអធិបតីក្នុងពិធីបើកវគ្គប្រកួតជម្រុះយក ១០ក្រុម នៃកម្មវិធីយុវជន ២១ (Youth21) ឆ្នាំ២០២៤ ដែលនឹងប្រព្រឹត្តទៅរយៈពេល ២ថ្ងៃ នៅថ្ងៃទី២៧-២៨ ខែឧសភា ឆ្នាំ២០២៤ នៅអគារ Kampus ដែលមានអ្នកចូលរួមចំនួន ៣៥០នាក់។

កម្មវិធីយុវជន២១ ឆ្នាំ២០២៤ មានបេក្ខជនចំនួន ២៧ក្រុម មកពីសាកលវិទ្យាល័យ វិទ្យាស្ថានរដ្ឋ និងឯកជនចូលរួម ដែលបាននិងកំពុងប្រព្រឹត្តទៅ ចាប់ពីខែកុម្ភៈ ដល់ខែកញ្ញា ឆ្នាំ២០២៤ ចែកចេកជា ៦វគ្គ ក្រោមប្រធានបទ “Technopreneurship: The Startup Seed” ។

កម្មវិធីយុវជន២១ រៀបចំឡើងក្នុងគោលបំណងអភិវឌ្ឍសមត្ថភាព និងប្រែក្លាយយុវជនកម្ពុជាឱ្យមានជំនាញ និងបំណិនសតវត្សរ៍ទី២១ អាចប្រើប្រាស់បច្ចេកវិទ្យាក្នុងការដោះស្រាយបញ្ហា តាមរយ:ការរៀបចំផែនការអាជីវកម្មបែបឌីជីថល ចូលរួមវគ្គបណ្តុះបណ្តាល ការប្រកួតជម្រុះ និងការប្រកួតដណ្តើមជ័យលាភី៕