ភ្នំពេញ៖ នៅថ្ងៃទី១៩ខែ សីហាឆ្នាំ២០២៣វេលាម៉ោង០១ និង ៥០នាទី ស្ថិតនៅចំ ណុចក្រុមទី០៧ ភូមិទួលព្រុំ២ ឃុំក កោះ ស្រុកមោងឫស្សី ខេត្តបាត់ដំបង លោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានដឹកនាំកម្លាំងផ្នែកប្រឆាំងគ្រឿងញៀន បានចុះប្រតិបត្តិការបង្ក្រាបករណីរក្សាទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែងដែលក្នុងកិច្ចប្រតិបត្តិការ សមត្ថកិច្ចចាប់ឃាត់ខ្លួនជនសង្ស័យបានចំនួន ០៣នាក់។
ជនសង្ស័យទាំង៣នាក់នោះរួមមាន៖ ឈ្មោះ ហ៊ា សីហា ភេទ ប្រុស អាយុ២០ឆ្នាំនៅភូមិទួលព្រំ២ឃុំកកោះស្រុកមោងឫស្សីឈ្មោះ យុទ្ធ ផល ភេទប្រុស អាយុ៣០ឆ្នាំ មានទីលំនៅភូមិក្បាលមូស ឃុំមោង ស្រុកមោងឫស្សី ខេត្តបាត់ដំបងនិងឈ្មោះ ផាន់ សុភា ភេទប្រុស អាយុ១៧ឆ្នាំ មានទីលំនៅភូមិសួស្ដី ឃុំតាលាស់ ស្រុកមោងឫស្សី ខេត្តបាត់ដំបង។
វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងកូនថង់ប្លាស្ទិចពណ៌សថ្លាចំនួន ០៨កូនថង់ ទម្ងន់ ១,៥១ក្រាម ទាំងសំបក សង្ស័យមានសារធាតុញៀន
-ទូរស័ព្ទដៃចំនួន ០២គ្រឿង។
ជនសង័្សយទាំង០៣នាក់ខាងលើត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកមោងឫស្សីដើម្បីកសាងសំណុំរឿងបញ្ជូនមកអនុត្តតាមនីតិវិធី ច្បាប់៕
