បាងកក៖ ក្រុមប្រឹក្សាអូឡាំពិកអាស៊ី (OCA) បានបោះឆ្នោតជ្រើសរើសលោក Sheikh Talal Fahad Al-Sabah ជាប្រធានាធិបតីថ្មីរបស់ខ្លួន នៅក្នុងមហាសន្និបាត OCA លើកទី៤២ នៅទីនេះ កាលពីថ្ងៃសៅរ៍។
លោក Sheikh Talal Fahad Al-Sabah ទទួលបាន ២៤ សំឡេងក្នុងចំណោម ៤៤ សំឡេង។ បេក្ខជនម្នាក់ទៀតគឺអគ្គនាយក OCA និងជាប្រធានក្រុមហ៊ុន World Aquatics Husain Al-Musallam ដែលមកពីប្រទេសគុយវ៉ែតផងដែរ បានទទួលសម្លេងគាំទ្រចំនួន ២០។
លោក Sheikh Talal Fahad Al-Sabah អាយុ ៥៨ ឆ្នាំគឺជាកូនប្រុសរបស់ប្រធាន OCA ដំបូង Sheikh Fahad Al-Ahmad Al-Jaber Al-Sabah ដែលជាប្រធានាធិបតីពីឆ្នាំ១៩៨២ ដល់ឆ្នាំ១៩៩០ និងជាប្អូនប្រុសរបស់ប្រធាន OCA មុន Sheikh Ahmad Fahad Al-Sabah ដែល បានដឹកនាំអង្គការពីឆ្នាំ១៩៩១ ដល់ឆ្នាំ២០២១។
លោក Sheikh Talal Fahad Al-Sabah បានចូលរួមជាមួយ OCA ក្នុងឆ្នាំ២០០៧ ហើយបានបម្រើការជាប្រធានគណៈកម្មាធិការច្បាប់ OCA និងជាសមាជិកនៃក្រុមប្រឹក្សាប្រតិបត្តិ OCA។
បាវចនារបស់លោក Sheikh Talal Fahad Al-Sabah គឺ One Asia, One Family ហើយបានសន្យាថាមានអភិបាលកិច្ចល្អ និរន្តរភាពហិរញ្ញវត្ថុ ផែនការអភិវឌ្ឍន៍សម្រាប់កីឡា និងសកម្មភាព កម្មវិធីអប់រំ និងកីឡាអាស៊ីដែលមានគុណភាពខ្ពស់។
ប្រភព៖ Xinhua
ប្រែសម្រួលដោយ៖ {ឡាយ លីហួ}
Sheikh Talal Fahad Al-Sabah elected as new OCA president https://xhnewsapi.xinhuaxmt.com/share/news?id=842235451346944&showType=3002&utdId=ZJ7As4ZxZ6sDAMfez5UqPTxs&version=3.1.4
