កណ្តាល៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបន្តអំពាវនាវឱ្យរួមគ្នារក្សាសុខសន្តិភាព ដើម្បីធានានិរន្តភាពនៃការអភិវឌ្ឍនៅកម្ពុជា ។
ក្នុងឱកាសន្តអញ្ជើញចុះជួបសំណេះសំណាលជាមួយកម្មករ កម្មការិនីសរុបប្រមាណ ១៨,២៥៥នាក់ មកពីរោងចក្រសហគ្រាសចំនួន១១ ក្នុងស្រុកអង្គស្នួល ខេត្តកណ្តាល នាថ្ងៃទី២៩ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន បញ្ជាក់ថា «ដើម្បីឱ្យសហគមន៍សុខសាន្តនេះកើតឡើងបាន ជំហានសំខាន់ជាងគេរួមគ្នាការពារសន្តិភាព ដើម្បីធានាដល់ការអភិវឌ្ឍ នៅក្នុងព្រះរាជាណាចក្រកម្ពុជា ក្មួយៗត្រូវចាំអ្វីដែលបានកំពុងកើតមាន នៅលើទឹកដីកម្ពុជាបច្ចុប្បន្ន បើគ្មានសន្តិភាពទេ គឺគ្មានអ្វីដូចបច្ចុប្បន្ននេះ» ។
សម្តេចតេជោ បន្ថែមថា ពីមុនយើងបានរំដោះប្រជាជនកម្ពុជាចេញពីរបប ប៉ុល ពត ក្រោយមកយើងបានរួមគ្នាបង្កើតឡើងនូវសន្តិភាពមួយដែលអីឡូវមានអាយុ២៤ឆ្នាំហើយ ដែលមានរយៈកាលវែងជាងគេនៅក្នុងដំណាក់កាល ដែលមានជាបន្តបន្ទាប់ ដែលខ្មែរយើងូកែច្បាំងគ្នាណាស់ រហូតមានពាក្យហៅខ្លួនឯងថា ពូជ អ្នកចម្បាំង ៕
