កងកម្លាំងប្រដាប់អាវុធទាំង៣ប្រភេទនិងកម្លាំងប្រជាការពារ សរុបចំនួន៣១៦នាក់ ការពារសន្តិសុខ សណ្តាប់ធ្នាប់ សុវត្ថិភាព ក្នុងពិធី«ចូលឆ្នាំបន្ទាយឆ្មារ» ទទួលអំណោយ ពីឧបនាយករដ្ឋមន្ត្រី កែ គឹមយ៉ាន និងលោកជំទាវ

បន្ទាយមានជ័យ៖ នៅភូមិគ្រឹះ លោកជំទាវឧកញ៉ាហេមចិត្តាអគ្គមហាឧបាសិកាពុទ្ធសាសន៍នូបត្ថម្ភក៏បណ្ឌិតម៉ៅ ម៉ាល័យ កែ គឹមយ៉ាន ស្ថិតក្នុងឃុំ បន្ទាយមានឆ្មារ ស្រុកថ្មពួក ខេត្តបន្ទាយមានជ័យ នៅថ្ងៃទី០៩ ខែមេសាឆ្នាំ២០២៣ បានរៀបចំពិធីសំណេះសំណាលជាមួយកងកម្លាំងនគរបាលនៃស្នងការដ្ឋានខេត្ត កម្លាំងកងរាជអាវុធហត្ថ កម្លាំងសិករងស្រុក កម្លាំងនគរបាលបេតិកភ័ណ្ឌ កម្លាំងប្រជាការពារ មានភារកិច្ចការពារសន្តិសុខ  សណ្តាប់ធ្នាប់ សុវត្ថិភាព ក្នុងពិធី«ចូលឆ្នាំបន្ទាយឆ្មារ» សរុប៣១៦នាក់ និងចែកអំណោយរបស់ ឯកឧត្តម ឧបនាយករដ្ឋ មន្ត្រី កែ គឹមយ៉ាន និងលោកជំទាវអគ្គមហាឧបាសិកាពុទ្ធសាសនូបត្ថម្ភក៏ម៉ៅ ម៉ាល័យ ជូនដល់កងកម្លាំងប្រដាប់អាវុធទាំង០៣ប្រភេទ និងកម្លាំងប្រជាការពារទាំង៣១៦នាក់នោះផងដែរ ដោយម្នាក់ៗទទួលបានអង្ករ២៥គ.ក្រ,មី០១កេស,ទឹកក្រូច០១កេស,ទឹកសុទ្ធ០១កេស,ត្រី០១យួរ,ទឹកត្រី០១យួរ,ទឹកស៊ីអ៊ី០១យួរនិងថវិកា៤ម៉ឺនរៀលរួមទាំងអាវចំណាំងផ្លាតមួយចំនួនដល់នគរបាល ។ ពិធីនេះប្រព្រឹត្តទៅក្រោមអធិបតីភាព លោកជំទាវឧកញ៉ាហេមចិត្តាអគ្គមហាឧបាសិកាពុទ្ធសាសន៍នូបត្ថម្ភក៏បណ្ឌិតម៉ៅ ម៉ា    ល័យ កែ គឹមយ៉ាន  ឯកឧត្តម កែ សួនសុភាព ប្រធានក្រុមការងាអភិវឌ្ឍន៍យុវជនខេត្តបន្ទាយមានជ័យ  និង លោកឈឿន ក្រៃយ៉ុង អភិបាលរងខេត្ត  តំណាងឯកឧត្តម អ៊ុំ រាត្រី អភិបាលខេត្ត បន្ទាយមានជ័យ ។

ថ្លែងនាឱកាសនោះ លោក ឈឿន ក្រៃយ៉ុង អភិបាលរងខេត្ត បានបញ្ជាក់ថា នៅសល់តែរយៈពេល០៥ថ្ងៃទៀតប៉ុណ្ណោះ ដែលពិធីបុណ្យចូលឆ្នាំថ្មីប្រពៃណីជាតិ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៤-១៥-១៦ ខែមេសា ឆ្នាំ ២០២៣ នឹងឈានចូលមកដល់ ប្រជាជនកម្ពុជាគ្រប់រូបកំពុងទន្ទឹងរងចាំនិងត្រៀមខ្លួនជាស្រេច ដើម្បីទទួលបាននូវភាពសប្បាយរីករាយ ជួបជុំមហាគ្រួសារខ្មែរ និងទទួលបានពរជ័យពីទេវតាឆ្នាំថ្មីព្រះនាម«កិមិរាទេវី» ជាបុត្រីទី០៦នៃព្រះ កបិលមហាព្រហ្ម ទ្រង់នឹងយាងមកនៅថ្ងៃសុក្រ ០៩រោច ខែចេត្រ ត្រូវនឹងថ្ងៃទី១៤ ខែមេសា វេលាម៉ោង០៤រសៀល ។

លោកអភិបាលរងខេត្តបានថ្លែងទៀតថា ក្នុងនាមក្រុមប្រឹក្សាខេត្ត រដ្ឋបាលខេត្ត និងក្នុងនាមតំណាងឲ្យ ឯកឧត្តម អភិបាលខេត្ត សូមអំពាវនាវដល់បងប្អូនកងកម្លាំងគ្រប់កងឯកភាព មន្ត្រីរាជការ ប្រជាពលរដ្ឋគ្រប់រូប មេត្តាចូលរួមសហការជាមួយនឹងការរៀបចំរបស់គណៈកម្មការរៀបចំកម្មវិធីចូលឆ្នាំបន្ទាយឆ្មារ ឆ្នាំ២០២៣នេះ ឲ្យបានល្អ ប្រសើរ ពិសេសកងកម្លាំងដែលទទួលភារកិច្ចការពារសន្តិសុខ សណ្តាប់ធ្នាប់ នៅតាមគ្រប់ចំណុចគោលលដៅ ធ្វើយ៉ាងណាបម្រើឲ្យបងប្អូនប្រជាពលលរដ្ឋ មានការដើរលេងកម្សាន្ត ប្រកបដោយភាពកក់ក្តៅ និងសប្បាយរីករាយដោយពុំមានការព្រួយបា រម្មឬថ្នាំថ្នាក់ដោយប្រការណាមួយឡើយ ។មួយវិញទៀតក៏សូមថ្លែងអំណរគុណយ៉ាងជ្រាលជ្រៅចំពោះលោកជំទាវឧកញ៉ាហេមចិត្តាអគ្គមហាឧបាសិកាពុទ្ធសាសន៍នូបត្ថម្ភក៏បណ្ឌិតម៉ៅ ម៉ាល័យ កែ គឹមយ៉ាន និង ឯកឧត្តម កែ សួនសុភាព ប្រធានក្រុមការងាអភិវឌ្ឍន៍យុវជនខេត្តបន្ទាយមានជ័យ និងជាប្រធានគណៈកម្មការរៀបចំកម្មវិធីចូលឆ្នាំបន្ទាយឆ្មារ ព្រមទាំងលោកជំទាវ និងក្រុមការងារទាំងអស់ ដែលបានខិតខំប្រឹងប្រែងអស់កម្លាំងកាយ ចិត្ត ប្រជ្ញា ដើម្បីផ្តល់ជូននូវភាពសប្បាយរីករាយជូនប្រជាពលរដ្ឋ ដលនឹងអញ្ជើញមកពីគ្រប់ទិសទី ចូលរួមកម្សាន្តសប្បាយនិងជាការលើស្ទួយនូវវប្បធម៌ អរិយធម៌ ប្រពៃណីជាកេរតំណែលពីដូនតាខ្មែរបានបន្សល់ទុក ជាយូរលង់មកហើយ ដូចជារបាំ ល្បែងប្រជាប្រីយ៍។ល។ដើម្បីលើមបង្ហាញដល់អ្នកជំនាន់ក្រោយបានឃើញ បានដឹង និងរួមគ្នាអភិរក្សមរតកដ៏ផូរផង់នេះបានគង់វង្ស ។

ជាមួយគ្នានោះផងដែរ ឯកឧត្តម កែ សួនសុភាព ក៏បានសំដែងនូវការកោតសរសើរ ដល់ កងកម្លំងទាំង០៣ ភេទ ដែលបានខិតខំ អស់ពីកម្លំងកាយចិត្ត ក្នុងការបំពេញតួនាទីភារកិច្ចបានយ៉ាងល្អក្នុងការការ បូរណភាពទឹកដី ថែរក្សាការពារសន្តិសុខ សុវត្ថិភាព ជូនដល់ ប្រជាពលរដ្ឋ ជាពិគសសបានជួយសសម្របសម្រួលដល់គ្រប់សកម្មភាពរបស់ស់យុវជន និងរួមចំណែកយ៉ាងធំធេងដើម្បីឲ្យទីតាំងសម្រាប់ប្រារព្ធ ពិធីនេះ មានសុវត្ថិភាពមានសន្តិសុខ សណ្តាប់ធ្នាប់ល្អមានអនា ម័យ និងរួមចំណែកយ៉ាងធំក្នុងការអនុវត្តគោលបាយភូមិ ឃុំ មានសុវត្ថិភាព ។ មួយវិញទៀតចូលឆ្នាំបន្ទាយឆ្មារ ក្រោមប្រធានបទ « ជួរជុំគ្រួសារ ចូលឆ្នាំបន្ទាយឆ្មាំរ ក្រោមប្លប់សន្តិភាពភាព » ពិតជាមានអត្ថន័យធំធេងណាស់
1) -យើងបង្កើតកម្មវិធីនេះឡើងគឺដើម្បីលើកមុខមាត់កិត្តិយសរបស់ខេត្ត
2) -ផ្សព្វផ្សាយពីសមិទ្ធផលជាតិជូនប្រជាពលរដ្ឋទូទាំងប្រទេសនិងក្រៅប្រទេសបានស្គាល់
3) -ដើម្បីឲ្យប្រជាពលរដ្ឋក្នុងខេត្តនិងគ្រប់ទិសទីចូលរួបកម្សាន្តសប្បាយរីករាយ
4) លើកស្ទួយសេដ្ឋកិច្ចតាមរយៈទាក់ទាញភ្ញៀវទេសចរណ៍ជាតិ អន្តរជាតិ (បង្កើនចំណូលដល់បងប្អូ នរស់នៅជុំវិញតំបន់នេះ)
5) -ដើម្បីបង្ហាញប្រជាពលរដ្ឋទាំងក្នុងនិងក្រៅប្រទេសឃើញថា ប្រទេសយើងមានសុខសន្តិភាព ក្រោមការដឹកនាំរបស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕