ប៉េកាំង៖មន្ត្រីក្រសួងវិទ្យាសាស្ត្រ និងបច្ចេកវិទ្យាបាននិយាយកាលពីថ្ងៃចន្ទថា ប្រទេសចិនបាននិងកំពុងជំរុញយ៉ាងសកម្មក្នុងការកសាងបណ្តាញគណនា។ថ្លែងនៅក្នុងសន្និសីទសារព័ត៌មាននៅទីក្រុងប៉េកាំង មន្ត្រីម្នាក់នៅក្រសួង Chen Jiachang បាននិយាយថា ក្រសួងតែងតែយកចិត្តទុកដាក់យ៉ាងខ្លាំងចំពោះការអភិវឌ្ឍន៍បច្ចេកវិទ្យាឌីជីថល និងរៀបចំជាប្រព័ន្ធក្នុងវិស័យបច្ចេកវិទ្យាមូលដ្ឋាន កម្មវិធីបច្ចេកវិទ្យាថ្មី និងសន្តិសុខឌីជីថល ក្នុងចំណោមកត្តាផ្សេងៗទៀត។Chen បានបន្ថែមថា ក្រសួងសង្ឃឹមថានឹងផ្តល់ការគាំទ្រយ៉ាងរឹងមាំសម្រាប់ឌីជីថលនីយកម្មនៅទូទាំងប្រទេស។
ក្នុងការអភិវឌ្ឍន៍បច្ចេកវិទ្យាឆ្លាតវៃ ក្រសួងបានបង្កើតការិយាល័យពិសេសមួយសម្រាប់រៀបចំផែនការ និងផ្សព្វផ្សាយ Artificial Intelligence (AI) និងបានបើកដំណើរការគម្រោង AI សំខាន់ៗជំនាន់ថ្មី។លោក Chen បាននិយាយថា ដើម្បីទប់ទល់នឹងហានិភ័យ និងបញ្ហាដែលអាចកើតមានក្នុងការអភិវឌ្ឍន៍ AI ក្រសួងបានបង្កើត និងចេញផ្សាយគោលការណ៍ និងក្រមសីលធម៌នៃអភិបាលកិច្ច AI ជំនាន់ថ្មី ដើម្បីលើកកម្ពស់ការរីកចំរើននៃវិទ្យាសាស្ត្រ និងបច្ចេកវិទ្យាសម្រាប់ជាប្រយោជន៍ដល់មនុស្សជាតិ។គាត់ក៏បានទទួលស្គាល់ផងដែរនូវភាពប្រសើរឡើងក្នុងការធានាសុវត្ថិភាពបណ្តាញ។
