គណបក្សភ្លើងទៀន ចូលរួមគោរពវិញ្ញាណក្ខន្ធលោកជំទាវ ប៊ុន សុថា ដែលត្រូវជាប្អូនស្រីបង្កើតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ភ្នំពេញ៖ នៅរសៀលថ្ងៃទី៥ ខែកុម្ភៈ ឆ្នាំ២០២៣នេះ ថ្នាក់ដឹកនាំគណបក្ស ភ្លើងទៀន រួមមាន ឯកឧត្ដម ចេប គឹមអ៊ាង ឯកឧត្ដម ចាន់ ចេង លោកជំទាវ ឡាយ បូនី និងលោក ជំទាវ ពត ពៅ តំណាងដ៏ខ្ពង់ខ្ពស់ឯកឧត្ដម ទាវ វណ្ណុល ប្រធានគណបក្ស បានអញ្ជើញទៅចូលរួមគោរពវិញ្ញាណក្ខន្ធលោកជំទាវ ប៊ុន សុថា ដែលត្រូវជាប្អូនស្រីបង្កើតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។
ក្នុងពេលចូលរួមគោរពវិញ្ញាណក្ខន្ធ ថ្នាក់ដឹកនាំគណបក្ស ភ្លើងទៀន បាននាំយកជាមួយនូវសារលិខិតចូលរួមរំលែកមរណទុក្ខរបស់ឯកឧត្ដម ទាវ វណ្ណុល ប្រធានគណបក្ស ផ្ញើជូនសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមទាំងកម្រងផ្កា និងបច្ច័យមួយចំនួនផងដែរ។
សូមបញ្ជាក់ថា លោកជំទាវ ប៊ុន សុថា ប្អូនស្រីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានទទួលមរណភាព កាលពីវេលាម៉ោង ៦:១៣នាទីល្ងាចថ្ងៃទី ០៣ ខែកុម្ភៈ ឆ្នាំ២០២៣ ក្នុងជន្មាយុ៦៧ឆ្នាំ ដោយរោគាពាធ៕
