ឯកឧត្តម ជាម ប៉េអា សមាជិករដ្ឋសភា អញ្ជើញជាអធិបតិក្នុងពិធីសម្ពោធសមិទ្ធិផលក្នុងវត្តក្រសាំងមានរិទ្ធ
ភ្នំពេញ៖ ឯកឧត្តម ជាម ប៉េអា សមាជិករដ្ឋសភា និងជាសមាជិកគណៈកម្មការទី៥ នៃរដ្ឋសភា និងលោកជំទាវឃួន ឃុនឌី សមាជិកព្រឹទ្ធសភា នៅព្រឹកថ្ងៃទី៤ ខែកញ្ញា ឆ្នាំ២០២២ បានអញ្ជើញធ្វើជាអធិបតីក្នុងពិធីសម្ពោធសមិទ្ធិផលនានា ស្ថិតនៅក្នុងវត្តក្រសាំងមានរិទ្ធ។
ឯកឧត្តម ជាម ប៉េអា បានថ្លែងអំណរព្រះគុណ និងអរគុណដល់ព្រះសង្ឃទាំង ២៥០ព្រះអង្គ និងលោកតាលោកយាយមាមីងពុទ្ធបរិស័ទជាង ២.០០០នាក់ ជួបជុំគ្នានៅវត្តក្រសាំងមានរិទ្ធ ឃុំសាន់គរ ស្រុកកពង់ស្វាយ ខេត្តកំពង់ធំ ក្នុងពិធីនោះ សូមមានសុខភាព និងចំរុងចំរើនគ្រប់ៗព្រះអង្គ និងគ្រប់ៗរូប តាមបែបពុទ្ធឱវាទ ក្រោមម្លប់សន្តិភាពនៃយើង។
ឯកឧត្តមបន្តថា ការខិតខំប្រឹងប្រែងរបស់ស្ថាប័នសភា និងរាជរដ្ឋភិបាលគឺចង់អោយប្រជាជនពុទ្ធបរិស័ទរស់នៅក្នុងសេចក្តីថ្លៃថ្នូរដែលមានពុទ្ធសាសនាជាទីគោរពសក្ការះ ដែលអ្នកស្រាវជ្រាវជាច្រើនបានបង្ហាញថា ប្រទេសដែលមានប្រជាជនគោរពនូវជំនឿពុទ្ធសាសនាច្រើន គឺជាប្រទេសធានាការអភិវឌ្ឍតាមបែបប្រជាធិបតេយ្យ មាននិរន្តរ៍ភាព៕
