ភ្លៀងកក់ខែលាយឡំជាមួយខ្សល់កន្ត្រាក់ប៉ះពាល់ផ្ទះប្រជាពលរដ្ឋនៅឃុំភ្នំលៀបខូចខាតចំនួន១០ខ្នង និងរងរបួសមនុស្សចំនួន៧នាក់

បន្ទាយមានជ័យ៖ ផ្ទះប្រជាពលរដ្ឋចំនួន១០ខ្នងបានរងការខូចខាតធ្ងន់ស្រាលនិងរងរបួសមនុស្សស្រាសលចំនួន០៧នាក់ ដោយគ្រោះធម្មជាតិខ្សល់កន្ត្រាក់ កើតឡើងនៅវេលាម៉ោង៦និង២០នាទីយប់ថ្ងៃទី២៧ ខែកុម្ភៈឆ្នាំ២០២៦ ចំនួន២ភូមិនៃឃុំភ្នំលៀប ស្រុកព្រះនេត្រព្រះ ខេត្តបន្តាយមានជ័យ។

នរបាលស្រុកព្រះនេត្រព្រះ បានឲ្យដឹងថា នៅថ្ងៃទី២៧ ខែកុម្ភៈ ឆ្នាំ ២០២៦ វេលាម៉ោង៦និង២០នាទី យប់ នៅឃុំភ្នំលៀប ស្រុកព្រះនេត្រព្រះ មានភ្លៀងកក់ខែដំបូង លាយឡំជាមួយខ្សល់កន្ត្រាក់បោកបក់យ៉ាងខ្លាំង បង្កឲ្យផ្ទះប្រជាពលរដ្ឋចំនួន២ភូមិ នៃឃុំភ្នំលៀប បានរងការខូចខាត ក្នុងនោះភូមិឡោទេ ចំនួន០៩ខ្នង ខូចធ្ងន់០៧ខ្នង ស្រាល០២ខ្នងនិងភូមិ ទ្រលោកខាងត្បូងខូចស្រាល០១ខ្នង រងរបួសមនុស្សស្រាលចំនួន០៧នាក់ ស្រី០២នាក់ ក្នុងនោះមនុស្សធំ០២នាក់ ក្មេង០៥នាក់ នៅភូមិឡោទេ បច្ចុប្បន្នកំពុងសំរាកព្យាបាលនៅមន្ទីរពេទ្យស្រុកព្រះនេត្រព្រះ៕