លោក Xi Jinping ថ្លែងអំពីការអភិវឌ្ឍ ៖ ធ្វើទំនើបកម្មកងទ័ពប្រកបដោយគុណភាពខ្ពស់ ដើម្បីក្លាយជាកម្លាំងរក្សាការពារសន្តិភាពដ៏រឹងមាំ
កាលពីមួយខែមុន នាខែវិច្ឆិកា នាវាផ្ទុកយន្តហោះឈ្មោះ ហុកគៀន (福建舰)របស់ប្រទេសចិនបានដាក់ឱ្យប្រតិបត្តិការ លោក Xi Jinping ប្រធានគណៈកម្មាធិការយោធាមជ្ឈិមចិនបានអញ្ជើញចុះត្រួតពិនិត្យលើនាវាផ្ទាល់។ លោកបានចុចប៊ូតុងនៃប្រព័ន្ធកាតាបល （catapult） ដែលជាប្រព័ន្ធជឿនលឿននៃការបាញ់បង្ហោះយន្តហោះដោយកម្លាំងអេឡិចត្រូម៉ាញ៉េទិច មួយពព្រិចភ្នែកយន្តហោះដែលទម្ងន់៣០តោនក៏ហោះឡើងលើអាកាស។ បច្ចេកវិទ្យាយោធាដ៏កំពូលមួយនេះបានធ្វើឱ្យយើងមើលឃើញអំពីសមត្ថផលថ្មីនៃការអភិវឌ្ឍថាមពលនាពេលអនាគត។
ប្រព័ន្ធបាញ់បង្ហោះយន្តហោះដោយកម្លាំងអេឡិចត្រូម៉ាញ៉េទិច គ្រប់គ្រង់ថាមពលបានយ៉ាងជាក់លាក់ អាចបម្លែងថាមពលដ៏ខ្លាំងក្លាបានក្នុងរយៈពេលខ្លី ដែលការប្រតិបត្តិការវិទ្យាសាស្ត្រដូចគ្នានឹងបញ្ហាប្រឈមនៃបច្ចេកទេសសាកថ្មលឿននៃរថយន្តអគ្គិសនី ថាមពលថ្មី។ ដូច្នេះមានការរំពឹងទុកថា នាពេលអនាគត រថយន្តអគ្គិសនីរត់ដោយថាមពលបៃតង ប្រហែលនឹងឈានចូលយុគសម័យថ្មីដែលអាចសាកថ្មពេញគិតជាវិនាទី ។
យ៉ាងណាក៏ដោយ ក្នុងឆ្នាំ២០២៥ ជាពិសេសក្នុងឆមាសទីពី ពិធីព្យុហយាត្រានៅថ្ងៃរំលឹកជ័យជម្នះ ៣កញ្ញា របស់ប្រទេសចិនបានធ្វើឱ្យអ្នកស្រឡាញ់សន្តិភាពនៅលើពិភពលោកមានសេចក្តីរំភើបខ្លាំង និងមានជំនឿចិត្តកាន់តែខ្លាំង។ ក្នុងជំនោរាត្រីនៃសមុទ្រចិនខាងត្បូង ភាពរាបស្មើនៃទីលានសម្រាប់យន្តហោះឡើងនិងចុះ (flight deck) នៃនាវាផ្ទុកយន្តហោះ ហុកគៀន បានធ្វើឱ្យអ្នកដែលចូលចិត្តវិស័យឧស្សាហកម្មសរសើរមិនដាច់ពីមាត់។
ប្រភេទដែកដែលយកទៅធ្វើជាទីលានយន្តហោះ ឡើងនិងចុះចតនៅលើនាវាផ្ទុកយន្តហោះនេះ គឺជាបន្ទះដែកដែលចាំបាច់ត្រូវបំពេញតម្រូវលក្ខខណ្ឌតឹងរ៉ឹងបំផុតក្នុងចំណោមដែកថែបនៅលើពិភពលោក ពីព្រោះតម្រូវអោយមានសមត្ថភាពប្រតិបត្តិការយ៉ាងនឹងនរក្នុងស្ថានការណ៍សមុទ្រដ៏ស្មុគស្មាញ និងអាចទប់ទល់នឹងការប៉ះទង្គិចជាញឹកញាប់របស់អណ្តាតភ្លើងក្តៅខ្លាំងនៃយន្តហោះហោះឡើងផង។ មនុស្សជាតិបន្តរុញពង្រីកក្នុងវិស័យឧស្សាហកម្ម រាល់ការបំបែកការកឃើញបច្ចេកវិទ្យាកំពូលៗ ចុងក្រោយគឺត្រូវបម្រើជូនជីវភាពប្រចាំថ្ងៃរបស់ប្រជាជន ដូចជាថ្នាំលាបស្រទាប់ការពារប្រើក្នុងខ្ទះការពារមិនស្អិត ដែកកាយដីរបស់ឡានកាយដី គ្រឿងបង្គុំការពាររញ្ជួយដីក្នុងអគារខ្ពស់ និងខ្សែកាបស្ពានឆ្លងសមុទ្រជាដើម។
ចាប់ពីឆ្នាំ២០១២ ដល់ឆ្នាំ ២០២៥ នាវាផ្ទុកយន្តហោះចំនួន ៣ គ្រឿងជាសេក្ខីភាពនៃការធ្វើទំនើបកម្មយោធាប្រកបដោយគុណភាពខ្ពស់របស់ប្រទសចិន។ ដូចការលើកឡើងរបស់លោកប្រធាន Xi Jinping ស្តីពីការអភិវឌ្ឍ៖ ធ្វើទំនើបកម្មកងទ័ពប្រកបដោយគុណភាពខ្ពស់ ប្រទេសចិនត្រូវធ្វើជាកម្លាំងដ៏រឹងមាំដើម្បីរក្សាការពារសន្តិភាព៕
