ឯកឧត្តម សុខ លូ អញ្ជើញប្រកាសតែងតាំង អនុប្រធានគណៈកម្មាធិការគណបក្សខេត្ត ប្រធានគណៈចាត់តាំង សមាជិកគណៈអចិន្ត្រៃយ៍ និងសមាជិកគណៈកម្មាធិការគណបក្សខេត្តបាត់ដំបង

បាត់ដំបង៖ នៅព្រឹកថ្ងៃទី១៩ ខែកក្កដា ឆ្នាំ ២០២៥ ឯកឧត្តម សុខ លូ សមាជិកគណៈកម្មាធិការកណ្តាល ប្រធានគណៈកម្មាធិការគណបក្សប្រជាជនកម្ពុជាខេត្តបាត់ដំបង អញ្ជើញចូលរួមជាគណៈអធិបតី ក្នុងពិធីប្រកាសតែងតាំង អនុប្រធានគណៈកម្មាធិការគណបក្សខេត្ត ប្រធានគណៈចាត់តាំង សមាជិកគណៈអចិន្ត្រៃយ៍ និងសមាជិកគណៈកម្មាធិការគណបក្សខេត្ត ដែលមានការចូលរួមពីថ្នាក់ដឹកនាំ សមាជិក សមាជិកា គណបក្សក្រុង ស្រុក ជាច្រើនរូប នៅទីស្នាក់ការគណបក្សប្រជាជនកម្ពុជា ខេត្តបាត់ដំបង។

ក្នុងឱកាសនេះ គណៈអចិន្ត្រៃយ៍នៃគណៈកម្មាធិការកណ្តាល សម្រេច៖ តែងតាំង ឯកឧត្ដម សឿម ប៊ុនរិទ្ធ ជាអនុប្រធានគណៈកម្មាធិការគណបក្សប្រជាជនកម្ពុជាខេត្ត ,តែងតាំង លោក យ៉ូវ សេងគុណ ជាប្រធានគណៈចាត់តាំងគណបក្សខេត្ត, តែងតាំងលោក ជា ណាង ជាសមាជិកគណៈអចិន្ត្រៃយ៍នៃគណៈកម្មាធិការគណបក្សខេត្ត, តែងតាំងលោកប្រាក់ បូ រាណ ជាសមាជិកគណៈកម្មាធិការគណបក្សខេត្ត, តែងតាំងលោក សុវណ្ណវិទិត្យា ជាសមាជិកគណៈកម្មាធិការគណបក្សខេត្ត, តែងតាំងលោក ឌុក ឆវេទ ជាសមាជិកគណៈកម្មាធិការគណបក្សខេត្ត ជាផ្លូវការ។

ឯកឧត្តម សុខ លូ បានថ្លែងផ្តាំផ្ញើដល់ អនុប្រធានគណៈកម្មាធិការគណបក្សខេត្ត ប្រធានគណៈចាត់តាំង សមាជិកគណៈអចិន្ត្រៃយ៍ និងសមាជិកគណៈកម្មាធិការគណបក្សខេត្ត ដែលទើបទទួលបានការតែងតាំងនាពេលនេះ បន្តខិតខំបំពេញតួនាទីភារកិច្ចទ្វេរដង រក្សាសាមគ្គីភាព ឯកភាពផ្ទៃក្នុងស្របតាមការណែនាំរបស់ ថ្នាក់ដឹកនាំគណបក្សគ្រប់លំដាប់ថ្នាក់។

ឯកឧត្តម សឿម ប៊ុនរិទ្ធ ដែលបានតែងតាំងជាអនុប្រធានគណៈកម្មាធិការគណបក្សខេត្តថ្មី បានថ្លែងប្តេជ្ញាចិត្ត អនុវត្តខ្ជាប់ខ្លួននូវលក្ខន្តិកៈបក្ស និងគោរពអនុវត្តនូវគោលការណ៍ និងសេចក្តីសម្រេចនានារបស់គណបក្សឱ្យបានជោគជ័យ និងមានប្រសិទ្ធភាពខ្ពស់។ យកអស់កម្លាំងកាយ បញ្ញាស្មារតី សមត្ថភាព និងលទ្ធភាពគ្រប់បែបយ៉ាងអនុវត្តយ៉ាងសកម្មមោះមុត រួមចំណែកក្នុងការអនុវត្តកម្មវិធីនយោបាយគណបក្ស និងយុទ្ធសាស្ត្ររបស់រាជរដ្ឋាភិបាលកម្ពុជា និងយន្តការគណបក្សខេត្ត៕