ឧត្តមសេនីយ៍ទោ សេង ធារិន៖ លទ្ធផលអង្គភាពទទួលបាន ពិតជាការរួមចំណែកពី នាយទាហាន និងពលទាហាន ក្នុងតំបន់ប្រតិបត្តិការសឹករងបន្ទាយមានជ័យ ដែលចូលរួមគិត ចូលរួមធ្វើ
ភ្នំពេញ៖ ក្នុងឱកាសអញ្ជើញ ដឹកនាប្រជុំបូកសរុបលទ្ធផលការងារយោធាសន្តិសុខឆ្នាំ២០២៣ និងផ្សព្វផ្សាយផែនការសកម្មភាពការងារយោធាសន្តិសុខឆ្នាំ២០២៤ របស់តំបន់ប្រតិបត្តិការសឹករងបន្ទាយមានជ័យ នៅថ្ងៃទី៤ ខែមីនា ឆ្នាំ២០២៤ ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ បានលើកឡើងថា លទ្ធផលដែលអង្គភាពទទួលបានគឺពិតជាការរួមចំណែកពី នាយទាហាន នាយទាហានរង និងពលទាហានទាំងអស់ នៅក្នុងតំបន់ប្រតិបត្តិការសឹករងបន្ទាយមានជ័យទាំងមូល ដែលបានចូលរួមគិត ចូលរួមធ្វើ ។
នាពេលនេះផងដែរ ឧត្តមសេនីយ៍ទោ មេបញ្ជាការរង នាយសេនាធិការ បានធ្វើការកោតសរសើរដល់កម្លាំង តំបន់ប្រតិបត្តិការសឹករងបន្ទាយមានជ័យ ដែលកន្លងមកបានប្រឹងប្រែងសម្រេចបានជោគជ័យគ្រប់ភារកិច្ចដែលថ្នាក់លើដាក់ជូន និងការចុះជួយសង្គ្រោះប្រជាពលរដ្ឋដែលជួបគ្រោះមហន្តរាយផ្សេងៗ រហូតមានការសរសើរ ពីសំណាក់ប្រជាពលរដ្ឋរស់នៅក្នុងភូមិសាស្ត្រ។
ឧត្តមសេនីយ៍ទោ សេង ធារិន បន្តថាលទ្ធផលដែលអង្គភាពទទួលបានគឺពិតជាការរួមចំណែកពីនាយទាហាន នាយទាហានរង និងពលទាហានទាំងអស់ នៅក្នុងតំបន់ប្រតិបត្តិការសឹករងបន្ទាយមានជ័យទាំងមូល ដែលបានចូលរួមគិត ចូលរួមធ្វើ និងទទួលខុសត្រូវខ្ពស់ ដោយឈរលើផែនការការងារកសាងពង្រឹងអង្គភាពរឹងមាំលើគ្រប់វិស័យ របស់យោធភូមិភាគទី៥ ធ្វើឱ្យទីបញ្ជាការ ធានាបានគ្រប់ភារកិច្ចដែលថ្នាក់លើប្រគល់ជូន ជាពិសេសលើការងារហ្វឹកហ្វឺន ប្រមូលផ្តុំគ្រប់គ្រងកម្លាំង ជំរុញការងារបង្កបង្កើនផល ចិញ្ចឹមសត្វ ធានាជីវភាពកងទ័ព មានផ្ទះបាយរួម មានម្ហូបអាហារហូបគ្រប់គ្រាន់ ហើយបានបញ្ជូនកម្លាំងចុះប្រតិបត្តិការជួយសង្រ្គោះប្រជាពលរដ្ឋ រងគ្រោះដោយធម្មជាតិ គ្រោះទឹកជំនន់ ខ្យល់កន្រ្តាក់ ជួយកសាង ជួសជុលផ្ទះ ទប់ស្កាត់ពលករ និង បានបន្តដាក់បទបញ្ជា លើការងារកសាងពង្រឹងប្រៀបការពារជាតិ ការងារគ្រប់គ្រងកសាងកម្លាំងដោយប្រព័ន្ធDigital (ឌីជីថល) ការងារហ្វឹកហ្វឺន ការងារអប់រំចិត្តសាស្រ្ត និងការងារបច្ចេកទេស (ការគ្រប់គ្រងអាវុធគ្រាប់ គ្រឿងចក្រ) ដល់កងពល ត្រូវបន្តយកចិត្តទុកដាក់ឱ្យបានម៉ឺងម៉ាត់ ម្ចាស់ការត្រួតពិនិត្យ និងតាមដានឱ្យបានជាប់ជាប្រចាំ ដើម្បីធានាការពារឱ្យបាននូវបូរណភាពដឹកដី និងទប់ស្កាត់ឱ្យបាននូវរាល់បទល្មើសផ្សេងៗ។
ជាចុងក្រោយ អធិបតីនៃអង្គពិធី បានជូនប័ណ្ណសរសើរ លិខិតសរសើរដល់នាយទាហាន នាយទាហានរង ពលទាហាន ដែលមានស្នាដៃឆ្នើមក្នុងការងារ១ឆ្នាំកន្លងទៅ និង បានប្រគល់ថវិកា ចំនួន ២.០០០.០០០រៀល ជូនទីបញ្ជាការ តំបន់ប្រតិបត្តិការសឹករងបន្ទាយមានជ័យផងដែរ៕
