វរសេនីយ៍ឯក មាស ប៊ុនរុន អញ្ជើញត្រួតពិនិត្យកម្លាំងអន្តរាគមន៍ សម្រាប់ដោះស្រាយរាល់យថាហេតុផ្សេងៗ នៅទីបញ្ជាការ
ភ្នំពេញ៖ ដោយអនុវត្តតាមបទបញ្ជា លោកឧត្តមសេនីយ៍ត្រី ជឹម ប៊ុនអាន មេបញ្ជាការ តំបន់ប្រតិបត្តិការសឹករង បន្ទាយមានជ័យ លោក វរសេនីយ៍ឯក មាស ប៊ុនរុន មេបញ្ជាការរង នាយសេនាធិការ នាថ្ងៃទី៧ ខែកញ្ញា ឆ្នាំ២០២២ បានអញ្ជើញត្រួតពិនិត្យកម្លាំងអន្តរាគមន៍ សម្រាប់ដោះស្រាយរាល់យថាហេតុផ្សេងៗ នៅទីបញ្ជាការ។
លោក មេបញ្ជាការរង នាយសេនាធិការ បានបញ្ជាក់ថា តួនាទីភារកិច្ច របស់កងកម្លាំងគឺត្រៀមលក្ខណៈអន្តរាគមន៍ ដោះស្រាយរាល់យថាហេតុ ២៤ម៉ោងលើ២៤ម៉ោង និងចូលរួមការពារសន្តិសុខសណ្តាប់ធ្នាប់ ជួយសង្គ្រោះប្រជាពលរដ្ឋដែលរងគ្រោះដោយគ្រោះធម្មជាតិ ក្នុងភូមិសាស្ត្រទទួលខុសត្រូវ។
ក្នុងឱកាសនោះដែរ លោក វរសេនីយ៍ឯក មាស ប៊ុនរុន បានថ្លែងអំណរគុណដល់នាយទាហាន នាយទាហានរង និងពលទាហានទាំងអស់ ដែលបានបំពេញនូវតួនាទីភារកិច្ចតាមផែនការ និងបទបញ្ជារបស់ថ្នាក់លើ ប្រកបដោយភាពទទួលខុសត្រូវខ្ពស់ ដើម្បីបុព្វហេតុជាតិមាតុភូមិ និងប្រជាជន៕
