មេបញ្ជាការរង បញ្ជាការដ្ឋានរថក្រោះ ផ្សព្វផ្សាយព្រឹត្តិការណ៍ថ្មីៗ ក្នុងប្រទេស និងជុំវិញពិភពលោក ជូនដល់យោធិនទាំងអស់
ភ្នំពេញ៖ ឯកឧត្តម ឧត្តមសេនីយ៍ត្រី អ៊ឹម សុឃឿន មេបញ្ជាការរង បញ្ជាការដ្ឋានរថក្រោះ នាថ្ងៃទី៥ ខែកញ្ញា ឆ្នាំ២០២២ បានផ្សព្វផ្សាយព្រឹត្តិការណ៍ថ្មីៗ ដែលបានកើតឡើងក្នុងប្រទេស និងជុំវិញពិភពលោក ជូនដល់យោធិនទាំងអស់ និងបានបែងចែកបន្តការងារកសាងហេដ្ឋារចនាសម្ព័នក្នុងអង្គភាព។
ឯកឧត្តម មេបញ្ជាការរង នៅតែសង្កត់ធ្ងន់ពីបញ្ហាសំខាន់ជំងឺកូវីដ-១៩ ទោះបីជាការឆ្លងរីករាលដាលមានការថយចុះគួរឲ្យកត់សម្គាល់ក៏ពិតមែនប៉ុន្តែដាច់ខាតមិនត្រូវលែងដៃក្នុងការ ការពាររក្សានូវការពាក់ម៉ាស់ បាញ់អាល់កុលអោយបានខ្ជាប់ខ្ជួន ដើម្បីការពារខ្លួនយើង និងចូលរួមកាត់ផ្តាច់ជំងឺកូវីដ-១៩ នេះចេញពីប្រទេសរបស់យើងអោយបាន ។
ក្នុងនោះដែរ ឧត្តមសេនីយ៍ត្រី អ៊ឹម សុឃឿន បានលើកពីសកម្មភាពការងារសប្តាហ៍កន្លងមកដោយបងប្អូនបានខិតខំ ស្វះស្វែងធ្វើការកម្លាំង កាយ ចិត្តដោយយកចិត្តទុកទៅតាមផែនការណ៍បែងចែក និងបានបន្តចាត់អោយប្រធានក្រុមនីមួយៗបែងចែកកម្លាំងធ្វើការជំនាញ ការងារកសាង និងសម្អាតអនាម័យក្នុងអង្គភាពទៅផែនការណ៍របស់ថ្នាក់លើបន្តទៅទៀត ។
នាឱកាសនោះ លោកបានផ្ដាំផ្ញើរសូមបងប្អូនយោធិនទាំងអស់ការពារថែរក្សារសុខភាពអោយបានល្អ ដើម្បីជៀសឆ្ងាយពីជំងឺដង្កាត់ផ្សេងៗទាំងអស់គ្នា ៕
