ឯកឧត្តម ប្រាក់ សំអឿន ដឹកនាំកិច្ចប្រជុំក្រុមលេខាធិការ កម្ពុជា និងថៃ ពិភាក្សាលើកិច្ចការងារចាំបាច់នានា សម្រាប់ រៀបចំកិច្ចប្រជុំអភិបាលខេត្តជាប់ព្រំដែនកម្ពុជា-ថៃលើកទី៧

ភ្នំពេញ៖ ឯកឧត្តម ប្រាក់ សំអឿន អគ្គនាយក នៃ អគ្គនាយកដ្ឋានរដ្ឋបាល ក្រសួងមហាផ្ទៃ បានអញ្ជើញដឹកនាំកិច្ចប្រជុំក្រុមលេខាធិការ កម្ពុជា និងក្រុមលេខាធិការថៃ ដើម្បីពិភាក្សាលើកិច្ចការងារចាំបាច់នានា សម្រាប់ រៀបចំកិច្ចប្រជុំអភិបាលខេត្តជាប់ព្រំដែនកម្ពុជា-ថៃលើកទី៧ និងពិភាក្សាលើ ខ្លឹមសារសេចក្តីព្រាងកំណត់ហេតុនៃកិច្ចប្រជុំ។

កិច្ចប្រជុំនេះបានធ្វើឡើង នាព្រឹកថ្ងៃទី២ ខែកញ្ញា ឆ្នាំ២០២២នេះដោយមានការចូលរួមពីខាងភាគីថៃ លោក ឆៃយ៉ាវុធ ច័ន្ទថន លេខាធិការរងអចិន្ត្រៃយ៍ ក្រសួងមហាថៃ និងជាប្រធានផ្នែក សន្តិសុខផ្ទៃក្នុង (ប្រធានក្រុមលេខាធិការថៃ) និងតំណាងមកពីក្រសួង ស្ថាប័នពាក់ព័ន្ធ នៅសាលប្រជុំទីស្តីការក្រសួងមហាផ្ទៃ (T27)៕