ឯកឧត្តម សុខ លូ និងលោកជំទាវ ចាត់ឱ្យក្រុមការងារចុះសួរសុខទុក្ខ និងយកអំណោយ ផ្តល់ជូនកុមារា ពិការជើងទាំង២ ពីកំណើត និងជាក្មេងកំព្រា រស់នៅជាមួយជីដូន ក្នុងសង្កាត់វត្តគរ
ភ្នំពេញ៖ នៅរសៀលថ្ងៃទី២២ ខែសីហា ឆ្នាំ២០២២ ឯកឧត្តម សុខ លូ អភិបាលខេត្តបាត់ដំបង និងលោកជំទាវ ម៉េត រ៉ាវីចិត្រ បានចាត់ឱ្យក្រុមការងារចុះសួរសុខទុក្ខ និងនាំយកអំណោយជូនដល់ក្មួយប្រុស លៀង សុខឡេង អាយុ១៣ឆ្នាំ ពិការជើងពីកំណើត ហើយបច្ចុប្បន្នរស់នៅជាមួយជីដូន មានជីវភាពខ្វះ ស្ថិតក្នុងភូមិវត្តគរ សង្កាត់វត្តគរ ក្រុងបាត់ដំបង។
បច្ចុប្បន្នក្មួយប្រុស លៀង សុខឡេង រៀនថ្នាក់ទី៧ នៃអនុវិទ្យាល័យវត្តគរ ក្រុងបាត់ដំបង។
អំណោយដែលប្រគល់ជូនរួមមាន៖ អង្ករចំនួន២ការ៉ុង (៥០គីឡូក្រាម) ទឹកបរិសុទ្ធចំនួន២កេស មី២កេស ទឹកសុីអុីវ២យួរ ទឹកត្រី២យួរ ត្រីខ ២យួរ និងថវិកាចំនួន ៥០០,០០០រៀល៕
