កងការពារព្រំដែនលេខ៥០៣ យោធភូមិភាគទី៥ បិទវគ្គហ្វឹកហ្វឺនបំប៉នជំនាញទូទៅនៅហ្នឹងកន្លែង ឆ្នាំ២០២២

ភ្នំពេញ៖ នាថ្ងៃទី១៩ ខែសីហា ឆ្នាំ ២០២២ នៅទីបញ្ជាការកងការពារព្រំដែនលេខ៥០៣ ស្ថិតក្នុងភូមិសាស្ត្រ ភូមិចក់ពួក ឃុំស្លក្រាម ស្រុកស្វាយចេក ខេត្តបន្ទាយមានជ័យ បានប្រារព្វពិធី បិទវគ្គហ្វឹកហ្វឺន បំប៉នជំនាញទូទៅនៅហ្នឹងកន្លែង ឆ្នាំ២០២២ ក្រោមអធិបតីភាព លោកវរសេនីយ៍ទោ លេ លឿត មេបញ្ជាការស្តីទី កងការពារព្រំដែនលេខ៥០៣ យោធភូមិភាគទី៥ តំណាងអោយលោកឧត្ដមសេនីយ៍ត្រី ឃួន ជឿន មេបញ្ជាការកងការពារព្រំដែនលេខ៥០៣ យោធភូមិភាគទី៥ ។

របាយការណ៏ហ្វឹកហ្វឺនបំប៉នជំនាញទូទៅនៅហ្នឹងកន្លែង បានឲ្យដឹងថា៖ អនុវត្តការបណ្តុះបណ្តាលធនធានមនុស្សកងយោធពលខេមរភូមិន្ទ កងការពារព្រំដែនលេខ៥០៣ យោធភូមិភាគទី៥ បានបិទវគ្គហ្វឹកហ្វឺនបំប៉នជំនាញទូទៅនៅហ្នឹងកន្លែង ឆ្នាំ២០២២ ឲ្យដល់យោធិន នៃកងការពារព្រំដែនលេខ៥០៣ ដោយទទួលបានលទ្ធផលរួមមាន៖ វគ្គហ្វឹកហ្វឺនបំប៉នជំនាញទូទៅនៅហ្នឹងកន្លែង ប្រចាំឆ្នាំ២០២២ រយៈពេល ១៣១ថ្ងៃ ចនួន ៣វគ្គ សិក្ខាកាមចំនួន ១៥០នាក់ គ្រូចំនួន ១០នាក់ បំរើការ០៥នាក់ សរុប ១៦៥នាក់ ។

ក្នុងនោះ លោកវរសេនីយ៍ទោ លេ លឿត បានថ្លែងកោតសរសើរ និងវាយតម្លៃខ្ពស់ចំពោះលទ្ធផលល្អប្រសើរសម្រាប់វគ្គហ្វឹកហ្វឺនបំប៉នជំនាញទូទៅនៅហ្នឹងកន្លែង ឆ្នាំ២០២២គួរជាទីមោទនៈ ។

លោកវរសេនីយ៍ទោ លេ លឿត បានបញ្ជាក់ថាលទ្ធផលទាំងនេះកើតចេញពីកិច្ចខិតខំប្រឹងប្រែងយកចិត្តទុកដាក់ខ្ពស់ និងសាមគ្គីជាធ្លុងមួយពីសំណាក់មេបញ្ជាការ មេបញ្ជាការរង នាយទាហាន នាយទាហានរង និងពលទាហាន កងការពារព្រំដែនលេខ៥០៣ ។ សូមបន្តនូវវប្បធម៌ និងប្រពៃណីយ៍យ៉ាងល្អនេះបន្ថែមទៀត សង្ឃឹមថាផែនការហ្វឹកហ្វឺនគ្រប់វគ្គក្នុងឆ្នាំ២០២២ ទទួលបានលទ្ធផលកាន់តែល្អទ្វេរឡើងថែមទៀត ៕