មន្ទីរបរិស្ថានខេត្តព្រះវិហារ សហការជាមួយអង្គការ WCS រៀបចំវគ្គបណ្ដុះបណ្ដាលស្ដីពីច្បាប់តំបន់ការពារធម្មជាតិ នីតិវិធីចងក្រងសំណុំរឿង និងតួនាទីភារកិច្ច របស់មន្រ្តីនគរបាលយុត្តិធម៌

ភ្នំពេញ៖ មន្ទីរបរិស្ថានខេត្តព្រះវិហារ បានសហការជាមួយ អង្គការសមាគមអភិរក្សសត្វព្រៃ(WCS) នៅថ្ងៃទី១៨ ខែសីហា ឆ្នាំ២០២២ បានរៀបចំវគ្គបណ្ដុះបណ្ដាលស្ដីពីច្បាប់តំបន់ការពារធម្មជាតិ នីតិវិធីចងក្រងសំណុំរឿង និងតួនាទីភារកិច្ច របស់មន្រ្តីនគរបាលយុត្តិធម៌ ជូនដល់មន្ត្រីនគរបាលយុត្តិធម៌ នៃមន្ទីរបរិស្ថានខេត្តព្រះវិហារ។

វគ្គបណ្ដុះបណ្ដាលនេះធ្វើឡើង ក្រោមអធិបតីភាព ឯកឧត្តម គីម រិទ្ធី អភិបាលនៃគណៈអភិបាលខេត្ត ឯកឧត្តម កែន សេរីរដ្ឋា អគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថាន និងជាប្រធានអង្គការសមាគមអភិរក្សសត្វព្រៃ (WCS) និងមានកិច្ចសម្របសម្រួលដោយលោក សេង ម៉េងស្រ៊ុន ព្រះរាជអាជ្ញារង អមអយ្យាការសាលាដំបូងខេត្តព្រះវិហារ ព្រមទាំងមានការចូលរួមពី លោកប្រធាន អនុប្រធានមន្ទីរ លោកប្រធាន អនុប្រធានការិយាល័យជំនាញចំណុះមន្ទីរ មន្រ្តីនគរបាលយុត្តិធម៌ និងមន្រ្តីអង្គការសមាគមអភិរក្សសត្វព្រៃ (WCS) សរុបចំនួន ៤០នាក់៕