**អភិបាលរងខេត្តកណ្តាល ចាត់ទុកវិស័យកីឡា ជាវិស័យមួយដ៏សំខាន់ដែលរាជរដ្ឋាភិបាលយកចិត្តទុកដាក់ ក្នុងគោលបំណងពង្រឹងកាយសម្បទាយុវជន យុវនារី និងពលរដ្ឋកម្ពុជា ឲ្យមានសុខភាពល្អ**ឯកឧត្តម ប្រាក់ សុខុន ជួបសំណេះសំណាល និងសួរសុខទុក្ខក្រុមប្រឹក្សាសង្កាត់ទាំង៥ របស់គណបក្សប្រជាជន ក្នុងខណ្ឌជ្រោយចង្វា**ស្នងការនគរបាលខេត្តកំពង់ធំ ក្រើនរំលឹក និងដាស់តឿនដល់កងកម្លាំង ត្រូវគោរពអនុវត្តវិន័យ របស់កងកម្លាំងនគរបាលជាតិ**រដ្ឋមន្រ្តីក្រសួងសុខាភិបាល ដឹកនាំកិច្ចប្រជុំការងារប្រចាំខែឧសភា ឆ្នាំ២០២៤ ដើម្បីពិនិត្យវឌ្ឍនភាពការងារ និងលើកទិសដៅការងារបន្ត**ប្រទេសសមាជិកមហាអនុតំបន់ទន្លេមេគង្គ(CLMTV) ប្រជុំអនុម័តស្តីពីចល័តភាពរបបសន្តិសុខសង្គមសម្រាប់ទេសន្តរប្រវេសនករ**ឧបនាយករដ្ឋមន្ត្រី កើត រិទ្ធ អនុញ្ញាតឱ្យតំណាងកម្មវិធីអភិវឌ្ឍន៍សហប្រជាជាតិប្រចាំកម្ពុជា ចូលជួបសម្តែងការគួរសម និងពិភាក្សាការងារ**ឧបនាយករដ្ឋមន្ត្រី ស សុខា រម្លឹកសារដាស់តឿន «អ្នកអាចភ្លេចអេដស៍ តែអេដស៍មិនភ្លេចអ្នក»**នាយ​ឧត្តមសេនីយ៍ ប៉ោ ភក្តិ ដឹកនាំកិច្ចប្រជុំពិនិត្យ ពិភាក្សាលើឯកសារសិក្សាថ្នាក់តំបន់របស់វិទ្យា​ស្ថានអាស៊ានដើម្បីសន្តិភាព និងការផ្សះផ្សា**ឯកឧត្ដមរដ្ឋមន្ត្រី ប៉េង ពោធិ៍នា អញ្ជើញចូលរួមកិច្ចប្រជុំក្រុមប្រឹក្សារដ្ឋមន្ត្រីដឹកជញ្ជូនលើកទី១៦ ក្នុងកិច្ចប្រជុំកំពូលឆ្នាំ២០២៤ នៃវេទិកាដឹកជញ្ជូនអន្តរជាតិ (ITF)**រទេះរុញចំនួន២០ ត្រូវបានឯកឧត្តម នេត្រ ភក្ត្រា និងឯកឧត្តម វ៉ា ថន ប្រគល់ជូនដល់មន្ទីរពេទ្យបង្អែកខេត្តក្រចេះ ដើម្បីទុកសម្រាប់ប្រើប្រាស់តាមតម្រូវការ**ឯកឧត្តម ប៉ូច សោភ័ណ ដឹកនាំកិច្ចប្រជុំ ពិនិត្យនិងពិភាក្សាលើឯកសារសម្រាប់រៀបចំផែនការធនធានមនុស្សក្នុងវិស័យយុត្តិធម៌ របស់អគ្គនាយកដ្ឋានកិច្ចការទោសព្រហ្មទណ្ឌ**នាយឧត្តមសេនីយ៍ ម៉ៅ សុផាន់ អនុញ្ញាតឱ្យប្រធានផ្នែកកម្ទេចជាតិផ្ទុះ ទីបញ្ជាការកងទ័ពជើងគោកប្រចាំតំបន់អាស៊ីប៉ាសីហ្វិក ចូលជួបសម្តែងការគួរសម និងពិភាក្សាការងារ**តុវិនិយោគកសិ-ចំណីអាហារនឹងចូលរួមចំណែកដល់ការជួយពង្រឹង និងពង្រីកមូលដ្ឋានវិស័យកសិកម្ម និងកសិ-ឧស្សាហកម្មនៅកម្ពុជាឱ្យកាន់តែរឹងមាំ និងមានភាពធន់**អង្គរ និងវែស៊ៃប្រទេសបារាំង ពង្រឹងកិច្ចសហប្រតិបត្តិការលើគម្រោង ប្រព័ន្ធជំនួយស្វ័យប្រវត្តិក្នុងការគ្រប់គ្រងទឹកក្នុងតំបន់សៀមរាបអង្គរ**ឧបនាយករដ្ឋមន្ត្រី ស សុខា អញ្ជើញចុះពិនិត្យមើលដំណើរការសាងសង់ចំណតក្រោមដី និងការិយាល័យបម្រើការងាររបស់កងកម្លាំងនគរបាលជាតិ នៃនាយកដ្ឋានអង្គរក្ស**ក្រសួងមុខងារសាធារណៈ រៀបចំសន្និសីទសារព័ត៌មាន ស្តីពី «វឌ្ឍនភាពការងាររយៈពេល៩ខែ របស់ក្រសួងមុខងារសាធារណៈ ក្នុងរាជរដ្ឋាភិបាល នីតិកាលទី៧ នៃរដ្ឋសភា»**ទេសរដ្ឋមន្រ្តី លី ធុជ ដឹកនាំកិច្ចប្រជុំស្តីពីស្ថានភាពសកម្មភាពមីននៅកម្ពុជា ដើម្បីឆ្ពោះទៅរកកម្ពុជាមួយគ្មានផលប៉ះពាល់ដោយសារមីន និងសំណល់ជាតិផ្ទុះពីសង្រ្គាម**ឧបនាយករដ្ឋមន្ត្រី ស សុខា ទទួលជួបសម្តែងការគួរសម និងពិភាក្សាការងារជាមួយ ឯកអគ្គរដ្ឋទូតឥណ្ឌាប្រចាំកម្ពុជា**ពលរដ្ឋរងគ្រោះដោយខ្យល់កន្ត្រាក់ចំនួន ១១គ្រួសារ ក្នុងឃុំសណ្តែក ស្រុកបាធាយ ទទួលបានអំណោយមនុស្សធម៌ ពីសាខាកាកបាទក្រហមកម្ពុជា ខេត្តកំពង់ចាម**តំណាងក្រសួងបរិស្ថាន តំណាងរដ្ឋាភិបាលឥណ្ឌា និងអង្គការសម្ព័ន្ធមិត្តសត្វព្រៃ ធ្វើសន្និសីទសារព័ត៌មានរួមគ្នា ពីការគ្រប់គ្រងសត្វព្រៃ និងយុទ្ធសាស្ត្រស្តារសត្វខ្លាធំនៅកម្ពុជា

នាយឧត្ដមសេនីយ៍ មាស វីរិទ្ធ៖ ការសាកល្បងប្រើប្រាស់បារីអេឡិចត្រូនិច ជាផ្លូវនាំឱ្យក្លាយទៅជាអ្នកប្រើប្រាស់គ្រឿងញៀន

ភ្នំពេញ៖ ឯកឧត្ដម នាយឧត្តមសេនីយ៍ មាស វីរិទ្ធ អគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀន បានលើកឡើងថា ការសាកល្បងប្រើប្រាស់បារីអេឡិចត្រូនិច ជាផ្លូវនាំឱ្យក្រុម មនុស្សវ័យ ជំទង់ និងកុមារ ក្លាយជាអ្នកជក់បារីធម្មតា និងឈានទៅរកការប្រើប្រាស់គ្រឿងញៀនផ្សេងៗទៀត។

នាយឧត្តមសេនីយ៍ បានលើកឡើងបែបនេះ កាលពីថ្ងៃទី១៦ ខែសីហា ឆ្នាំ២០២២ ក្នុងឱកាសអញ្ជើញជាអធិតីបើកសិក្ខាសាលាស្តីពី ការរឹតបន្តឹងការហាមឃាត់ ការប្រើប្រាស់ការនាំចូលនិងការធ្វើអាជីវកម្មបារីអេឡិកត្រូនិក និងផលិតផលអេចឆ៍ ធី ភី (HTPs) ដែលបានរៀបចំឡើងនៅអគារសាលាមធ្យមសិក្សាវិចិត្រសិល្បះ ភ្នំពេញថ្មី ដោយមានការចូលរួមពីលោកវេជ្ជបណ្ឌិត មុំ គង់ នាយកប្រតិបត្តិអង្គការចលនាដើម្បីសុខភាពកម្ពុជា (CMH) , តំណាងស្ថាប័ន អង្គភាព គយនិងរដ្ឋាករកម្ពុជា នគរបាលប្រឆាំងគ្រឿងញៀន នគរបាលប្រឆាំងបទល្មើសបច្ចេកវិទ្យា នគរបាលអន្តោប្រវេសន៍ កម្មាធិការជាតិប្រឆាំងផលិតផលក្លែងក្លាយ រួមទាំងមន្ត្រីជំនាញជាច្រើនរូប ទៀត។

នាយឧត្តមសេនីយ៍ មាស វីរិទ្ធ បានថ្លែងដូចនេះថា «ការប្រើប្រាស់បារីអេឡិចត្រូនិចក្នុងចំណោមមនុស្សវ័យជំទង់ និងកុមារមានផលប៉ះពាល់យ៉ាងធ្ងន់ធ្ងរដល់ការអភិវឌ្ឍខួរក្បាល ដែលនាំឲ្យកើតមានផលវិបាករយៈពេលវែងសម្រាប់ការអភិវឌ្ឍខួរក្បាល និងអាចនាំឱ្យប៉ះពាល់ដល់ការចងចាំ ការសិក្សា និងបង្កជំងឺការថប់អារម្មណ៍។ការសាកល្បង ប្រើប្រាស់បារីអេឡិចត្រូនិច ជាផ្លូវនាំឲ្យក្រុមមនុស្សវ័យជំទង់ និងកុមារក្លាយជាអ្នកជក់បារីធម្មតា និងឈានទៅរកការប្រើប្រាស់គ្រឿងញៀនផ្សេងទៀត នាពេលអនាគត»។

នាយឧត្តមសេនីយ៍ បានបន្ថែមទៀតថា មានភស្តុតាងជាច្រើនបង្ហាញថា ការប្រើប្រាស់បារីអេឡិចត្រូនិចបង្កផលប៉ះពាល់ដល់សុខភាពបណ្ដាលឲ្យញៀន បង្កផលប៉ះពាល់ ធ្ងន់ធ្ងរដល់បេះដូង និងសួត រហូតដល់បាត់បង់ជីវិត។ ការប៉ះពាល់ដល់សុខភាពក្រុមមនុស្សវ័យជំទង់ និងកុមារនេះវាជាការប៉ះពាល់ធ្ងន់ធ្ងរ ទៅដល់ធនធានមនុស្សរបស់ កម្ពុជា ដែលពួកគេទាំងនោះគឺជាមនុស្សបន្តវេនក្នុងការអភិវឌ្ឍន៍សង្គមកម្ពុជានាថ្ងៃខាងមុខ។

ឯកឧត្ដមបានបន្ថែមថា បើតាមសេចក្ដីប្រកាសរបស់ក្រសួងសុខាភិបាល នៅពេលប្រើប្រាស់បារីអេឡិចត្រូនិក សារធាតុគីមីនិងជាតិនីកូទីន ត្រូវបានស្រូបចូលទៅក្នុង រាង្គកាយ ហើយចូលទៅក្នុងខួរក្បាលរបស់អ្នកជក់។ អ្នកជំនាញកំពុងព្រមានថា អ្នកប្រើប្រាស់ឧបករណ៍អេឡិចត្រូនិកជាច្រើនកំពុងវិវត្តន៍ស្ថានភាពក្នុងអត្រាប្រកាស អាសន្នជាពិសេសនៅវ័យក្មេង។

ឯកឧត្ដម នាយឧត្តមសេនីយ៍ មាស វីរិទ្ធ បានបញ្ជាក់ឱ្យដឹងទៀតថា ទោះបីជាមានការខិតខំប្រឹងប្រែងរបស់សមត្ថកិច្ចយ៉ាងណាក្ដី នៅពេលថ្មីៗនេះនៅតែមានការចែកចាយ ការលក់ និងការ ប្រើប្រាស់បារីអេឡិចត្រូនិក (vape) នៅតែមានសកម្មភាពបន្តដដែល ដែលទង្វើទាំងនេះជាការប្រព្រឹត្តបទល្មើសទៅនឹងសេចក្ដីណែនាំរបស់របស់រាជរដ្ឋាភិបាល ដែលបានហាមឃាត់ការការប្រើប្រាស់ធ្វើអាជីវកម្ម ការនាំចូល ផលិតផលស៊ីហ្សា បារីអេឡិចត្រូនិច (E-cigarette) តាំងពីឆ្នាំ២០១៤ និងហាមឃាត់ការ ការប្រើប្រាស់ ធ្វើអាជីវកម្ម ការនាំចូលផលិតផល អេចស៍ ធី ភី (HTPs) នៅឆ្នាំ២០២១។

ជាមួយគ្នានោះដែរ ឯកឧត្ដម នាយឧត្តមសេនីយ៍ មាស វីរិទ្ធ ក៏បានអំពាវនាវដល់គណៈកម្មាធិការត្រួតពិនិត្យគ្រឿងញៀនរាជធានី-ខេត្ត ស្នងការនគរបាលរាជធានី-ខេត្ត កងរាជអាវុធហត្ថរាជធានី-ខេត្ត និងអាជ្ញាធរមានសមត្ថកិច្ចពាក់ព័ន្ធទាំងអស់ បន្តការចាត់វិធានការឱ្យបានម៉ឺនម៉ាត់លើការប្រើប្រាស់ ការផ្សព្វផ្សាយលក់តាមរយៈបណ្តាញព័ត៌មានសង្គមគ្រប់ទម្រង់ និងការចែកចាយបារីអេឡិចត្រូនិក និងផលិតផលអេចឈ៍ ធី ភី គ្រប់រូបភាព។ ត្រូវកំណត់ទីតាំងចែកចាយ និងកំណត់មុខសញ្ញាអ្នកផ្សព្វផ្សាយលក់តាមទំព័រហ្វេសប៊ុក គេហទំព័រ ប្រព័ន្ធតេលេក្រាម TIK TOK ។ល។ ដើម្បីមានវិធានការ រឹបអូសផលិតផលទាំងនេះ និងព្រមានម្ចាស់ទំនិញទាំងនេះឱ្យបញ្ឈប់សកម្មភាពនេះជាបន្ទាន់៕

អត្ថបទដែលជាប់ទាក់ទង