ឧត្តមសេនីយ៍ទោ សោម ស៊ុន បន្តនាំយកអំណោយឯកឧត្ដមបណ្ឌិត ហ៊ុន ម៉ាណែត និងលោកជំទាវ ឧបត្ថម្ភជូនប្រជាពលរដ្ឋក្រីក្រ និងថវិកាអភិបាលអភិបាលខេត្តកំពង់ធំ សម្រាប់ជួសជុលផ្លូវនៅឃុំបន្ទាយស្ទោង ស្រុកស្ទោង

ភ្នំពេញ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ប្រធានក្រុមការងាររបស់រាជរដ្ឋាភិបាលថ្នាក់ខេត្តចុះជួយមូលដ្ឋានឃុំបន្ទាយស្ទោង ស្រុកស្ទោងខេត្តកំពង់ធំ នៅថ្ងៃទី៧ ខែសីហា ឆ្នាំ២០២២ បានដឹកនាំសហការី អមដំណើរដោយលោក កាន់ សាឡន អនុប្រធានមន្ទីរអភិវឌ្ឍន៍ជនបទខេត្តកំពង់ធំ បានទៅសំណេះសំណាលសាកសួរសុខទុក្ខនិងនាំយកនូវអំណោយរបស់ឯកឧត្តមបណ្ឌិតហ៊ុន ម៉ាណែត និងលោកជំទាវ ពេជ ចន្ទមុន្នី ព្រមទាំងថវិកាឧបត្ថម្ភរបស់ឯកឧត្ដម ងួន រតនៈ អភិបាលខេត្តកំពង់ធំ ឧបត្ថម្ភជូន អាជ្ញាធរឃុំភូមិ ដើម្បីជួសជុលផ្លូវធ្វើដំណើរបណ្ដោះអាសន្នក្នុងរដូវភ្លៀងធ្លាក់នេះ ដែលពិធីនេះប្រព្រឹត្តទៅនៅភូមិស្រោមដែក ឃុំបន្ទាយស្ទោង ស្រុកស្ទោង ខេត្តកំពង់ធំ ។

ឧត្តមសេនីយ៍ទោ សោម ស៊ុន បានថ្លែងអំណរគុណដ៏ជ្រាលជ្រៅជាទីបំផុតចំពោះប្រមុខរាជរដ្ឋាភិបាល តាមរយៈក្រសួងអភិវឌ្ឍន៍ជនបទ ដែលនឹងត្រូវដំណើរការសាងសង់ផ្លូវ ចាក់កៅស៊ូដោយត្រូវឆ្លងកាត់នៅឃុំបន្ទាយស្ទោង ក្នុងរដូវប្រាំងឆ្នាំ២០២២ ខាងមុខនេះ ដើម្បីឲ្យប្រជាពលរដ្ឋធ្វើដំណើរមានភាពងាយស្រួល ។

តាមរយៈមន្ទីរអភិវឌ្ឍន៍ជនបទខេត្ត ឧត្តមសេនីយ៍ទោ សោម ស៊ុន ក៏បានសំណូមពរដល់ក្រសួងធ្វេីយ៉ាងណនៅដើមរដូវប្រាំងខាងមុខនេះ សូមមេត្តាបញ្ជូនគ្រឿងចក្រ អោយបានរួសរាន់ ដើម្បីដំណើរការសាងសង់ផ្លូវនេះជូនបងប្អូន ឲ្យបានដំណើរការប្រេីប្រាស ដោយសារបងប្អូនជួនការលំបាកក្នងការធ្វើដំណើរជាច្រើនឆ្នាំកន្លងមកហើយ។

ជាមួយមួយនោះដែរ ឧត្តមសេនីយ៍ទោ សោម ស៊ន ក៏បានសំណូមពរដល់ប្រជាពលរដ្ឋទាំងអស់ សូម មេត្តាយោគយល់អធ្យាស្រ័យនិងអត់ធ្មត់ មួយរយៈពេលខ្លីទៀតដើម្បីរង់ចាំដំណេីរការសាងសង់ផ្លូវរបស់ក្រសួងអភិវឌ្ឍន៍ជនបទ តាម ផែនការ ដែល បាន គ្រោង ទុក ។

ក្នុងឱកាសនេះឧត្តមសេនីយ៍ទោ សោម ស៊ុន ក៏បាននាំយកនូវអំណោយរបស់ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី ឧបត្ថម្ភជូនប្រជាពលរដ្ឋដែលមានជីវភាពលំបាកខ្វះខាតទាំងពីរភូមិគឺភូមិស្រោមដែកចំនួន១០គ្រួសារ និងភូមិបន្ទាយស្ទោងចំនួន១០គ្រួសារ សរុប២០គ្រួសារ ដោយក្នុងមួយគ្រួសារទទួលបាននូវអង្ករនិងគ្រឿងឧបភោគបរិភោគមួយចំនួន ។ ជាមួយនោះដែរ ឧត្តមសេនីយ៍ទោ សោម ស៊ុន ក៏បាននាំយកថវិកាចំនួនពីរលានរៀល ដែលជាអំណោយរបស់ឯកឧត្តម ងួន រតនៈ អភិបាលខេត្តកំពង់ធំ ប្រគល់ ជូនអាជ្ញាធរឃុំ ភូមិ ដំណើរការជួសជុល កែលម្អផ្លូវជាបណ្ដោះអាសន្ន ដើម្បីធ្វើយ៉ាងណាឲ្យបងប្អូនបានធ្វើដំណើរមានភាពងាយស្រួល ទម្រាំមានការសាងសង់ផ្លូវនៅក្នុងរដូវប្រាំងឆ្នាំ២០២២ ខាងមុខនេះ ៕