កម្លាំងអន្តរាគមន៍ តំបន់ប្រតិបត្តិការសឹករងបន្ទាយមានជ័យ សហការជាមួយកម្លាំងចំរុះ ចុះជួយពន្លត់អគី្គភ័យ
ភ្នំពេញ៖ នៅល្ងាចថ្ងៃទី៧ ខែសីហា ឆ្នាំ២០២២ ដោយមានការសំណូមពរពី លោក ហ៊ឹល រ៉ាយ៉ា អភិបាលនៃគណៈអភិបាលក្រុងសិរីសោភ័ណ លោកវរសេនីយ៍ទោ វិញ ស៊ីដូ នាយសេនាធិការរង តំបន់ប្រតិបត្តិការសឹករងបន្ទាយមានជ័យ បានដឹកនាំកម្លាំងអន្តរាគមន៍ តំបន់ប្រតិបត្តិការសឹករងបន្ទាយមានជ័យ សហការជាមួយអាជ្ញាធរមូលដ្ឋាន កងរាជអាវុធហត្ថក្រុង និងអធិការនគរបាលក្រុង ចុះជួយពន្លត់ភ្លើងឆេះផ្ទះប្រជាពលរដ្ឋ ចំនួន ១ខ្នង ស្ថិតនៅភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
អគ្គិភ័យដែលឆាបឆេះ ម្ចាស់ផ្ទះមានឈ្មោះ មាស វិចិត្រ ភេទប្រុស អាយុ ៧១ឆ្នាំ ដែលមានទីលំនៅ ភូមិ-ឃុំកើតហេតុខាងលើ ម្ចាស់ផ្ទះបានរៀបរាប់ថា ការឆាបឆេះនេះបណ្តាលមកពី ឆ្លងចរន្តអគ្គិសនីបង្កជាអគ្គិភ័យតែម្តង។
សមត្ថកិច្ច ប្រេីប្រាស់រថយន្ដពន្លត់អគ្គិភ័យរបស់អធិការនគរបាលក្រុងសិរីសោភ័ណ ចំនួន ១គ្រឿង ជួយអន្តរាគមន៍បានទាន់ពេលវេលា ទេីបគ្រប់គ្រងស្ថានការណ៍បានទាំងស្រុង ដោយពុំមានការប៉ះពាល់ដល់ផ្ទះដទៃឡើយ៕
