នគរបាលស្រុកបាណន់ ឃាត់ខ្លួនអ្នកលេងល្បែងស៊ីសងខុសច្បាប់ ៤នាក់ យកមកដុះក្អែល
បាត់ដំបង ៖ កម្លាំងប៉ុស្តិ៍នគរបាលរដ្ឋបាលតាគ្រាម សហការជាមួយកម្លាំងផ្នែកប្រឆាំងគ្រឿងញៀន និងកម្លាំងអន្តរាគមន៍ នៃអធិការដ្ឋាននគរបាលស្រុកបាណន់ ដឹកនាំដោយលោកវរសេនីយ៍ឯក ប៉ាន់ វ៉ាន់នី អធិការ កាលពីថ្ងៃទី១ ខែសីហា ឆ្នាំ២០២២ វេលាម៉ោង១៤ និង២០នាទី បានចុះធ្វើការបង្ក្រាបករណី ល្បែងស៊ីសងខុសច្បាប់ (បៀរ៥២សន្លឹក) ១លើក ឃាត់ខ្លួនអ្នកប្រព្រឹត្តចំនួន ៤នាក់ ត្រង់ចំណុចភូមិថ្មី ឃុំតាគ្រាម ស្រុកបាណន់ ខេត្តបាត់ដំបង ។
ក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនអ្នកប្រព្រឹត្តល្បែងស៊ីសងខាងលើចំនួន ៤នាក់ក្នុងនោះមានឈ្មោះ៖ ១-ឈ្មោះ ផឹង លីថាវ៉ន ភេទប្រុស អាយុ៥៦ឆ្នាំ មានទីលំនៅភូមិអូរពងមាន់ ឃុំតាគ្រាម ស្រុកបាណន់ ។ ២-ឈ្មោះ ឡាច វុត្ថា ភេទប្រុស អាយុ៣៨ឆ្នាំ មានទីលំនៅភូមិអូរពងមាន់ ឃុំតាគ្រាម ស្រុកបាណន់ ។ ៣-ឈ្មោះ ភិ វ៉ិត ភេទប្រុស អាយុ៤២ឆ្នាំ មានទីលំនៅភូមិតាគ្រាម ឃុំតាគ្រាម ស្រុកបាណន់ ។ ៤-ឈ្មោះ ហ៊ុល សីហា ភេទប្រុស អាយុ៣២ឆ្នាំ មានទីលំនៅភូមិថ្មី ឃុំតាគ្រាម ស្រុកបាណន់ ។
វត្ថុតាងដកហូតរួមមាន៖ សន្លឹកបៀរចំនួន២ហ៊ូ, ក្រណាត់ក្រាលសម្រាប់ក្រាលលេងល្បែង១ , ប្រាក់ខ្មែរចំនួន ១,២០០០រៀល ។
បច្ចុប្បន្ន កម្លាំងនគរបាលស្រុកបាណន់បានធ្វើការអប់រំ និងធ្វើកិច្ចសន្យាដល់អ្នកលេងបៀរ៥២សន្លឹក ខុសច្បាប់ខាងលើ ឱ្យបញ្ឈប់រាល់ល្បែងស៊ីសងគ្រប់ប្រភេទ រួចអនុញ្ញាតឱ្យក្រុមគ្រួសារមកធានាត្រឡប់ ទៅសហគមន៍វិញ៕
