ឯកឧត្ដម សេង ផល្លី ដឹកនាំកិច្ចប្រជុំណែនាំតម្រង់ទិស និងពង្រឹងការត្រៀមរៀបចំដំណើរការប្រឡង ដល់អនុគណៈកម្មការរៀបចំការប្រឡងប្រជែងជ្រើសរើសក្របខ័ណ្ឌមន្ត្រីមន្ត្រីពន្ធនាគារ ក្រសួងមហាផ្ទៃ សម្រាប់ឆ្នាំ២០២៦

ភ្នំពេញ៖នាព្រឹកថ្ងៃពុធ ទី២៥ ខែមីនា ឆ្នាំ២០២៦នេះ ឯកឧត្ដម នាយឧត្តមសេនីយ៍ សាស្ត្រាចារ្យ សេង ផល្លី អគ្គនាយក នៃអគ្គនាយកដ្ឋានធនធានមនុស្ស និងជាអនុប្រធានអចិន្ត្រៃយ៍គណៈកម្មការ  បានអញ្ជើញដឹកនាំកិច្ចប្រជុំណែនាំតម្រង់ទិស និងពង្រឹងការត្រៀមរៀបចំដំណើរការប្រឡង ដល់អនុគណៈកម្មការរៀបចំការប្រឡងប្រជែងជ្រើសរើសក្របខ័ណ្ឌមន្ត្រីមន្ត្រីពន្ធនាគារ ក្រសួងមហាផ្ទៃ សម្រាប់ឆ្នាំ២០២៦។

កិច្ចប្រជុំនេះ មានការអញ្ជើញចូលរួមពី  ឯកឧត្ដម តំណាងអគ្គនាយកដ្ឋានពន្ធនាគារ អគ្គនាយកដ្ឋានធនធានមនុស្ស ដែលជាសមាសភាពគណៈកម្មការ និងក្រុមការងារនៅថ្នាក់ក្រសួង ចំនួន ៨៦រូប នៅសាលប្រជុំខេត្តបាត់ដំបងនៃទីស្ដីការក្រសួងមហាផ្ទៃ និងចូលរួមតាមប្រព័ន្ធអនឡាញ Zoom រួមមាន អភិបាលរងនៃគណៈអភិបាលរាជធានី-ខេត្ត ទទួលការងារបុគ្គលិក នាយក-នាយករងរដ្ឋបាលរាជធានី-ខេត្ត នាយក-នាយករងទីចាត់ការធនធានមនុស្សរាជធានី-ខេត្ត ប្រធាន-អនុប្រធានការិយាល័យនិងមន្ត្រីនៃទីចាត់ការគ្រប់គ្រងធនធានមនុស្ស រាជធានី-ខេត្ត ប្រធានមណ្ឌលអប់រំកែប្រែទាំង៤  ប្រធានពន្ធនាគារ និង ប្រធានការិយាល័យរដ្ឋបាលសរុបនៃពន្ធនាគាររាជធានី-ខេត្ត ចំនួន៧។