លោកជំទាវ ម៉ាណ ណាវី និងឯកឧត្តម រ៉ូហ្វី អូស្មាន អញ្ជើញសំណេះសំណាល ជាមួយប្រជាពលរដ្ឋក្នុងខេត្តតាកែវ កំពត និងខេត្តកែប

ភ្នំពេញ៖ លោកជំទាវ ម៉ាណ ណាវី តំណាងរាស្ត្រមណ្ឌលភ្នំពេញ និងឯកឧត្តម រ៉ូហ្វី អូស្មាន តំណាង រាស្ត្រ មណ្ឌល ពោធិ៍សាត់ តំណាងដ៏ខ្ពង់ខ្ពស់ ឯកឧត្តម បណ្ឌិត អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសកកម្មពិសេស ឯកឧត្តម ម៉ាត់ សេត តំណាង រាស្ត្រ មណ្ឌល កំពត និងជាសមាជិកគណៈកម្មការទី៧ នៃរដ្ឋសភា ឯកឧត្តម លី ស៊ុគ្រី តំណាង រាស្ត្រ មណ្ឌល តាកែវ ព្រមទាំង ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ថ្នាក់ដឹកនាំខេត្តកំពតជាច្រើនរូប នាព្រឹកថ្ងៃទី៦ ខែកក្កដា ឆ្នាំ២០២២ បានអញ្ជើញចូលរួមសំណេះសំណាល និងចែកគោកូរបានចំនួន ២០០ក្បាល និងពពែចំនួន ១០០ក្បាល ដល់ប្រជាពលរដ្ឋចំនួន ៣ខេត្ត គឺខេត្តកំពត ខេត្តកែប និងខេត្តតាកែវ ដែលទទួលបានមកពីសប្បុរសជនប្រទេសម៉ាឡេស៊ី និងសឹង្ហបុរី តាមរយៈគ្លីនិក មើត ឌុលសេត ដែលស្ថិតនៅភូមិដំណាក់ហ្លួង ឃុំព្រៃថ្នង ស្រុកទឹកឈូ ខេត្តកំពត ៕