**ធនាគារជាតិនៃកម្ពុជា ចេញសេចក្តីប្រកាស ពាក់ព័ន្ធការសម្របសម្រួលចរាចរណ៍ ក្រដាសប្រាក់ដុល្លារអាមេរិក នៅខេត្តសៀមរាប ដោយសម្រេចមានយន្តការបន្ទាន់ចំនួន៤ និងយន្តការបន្តទៀត**សម្តេចកិត្តិព្រឹទ្ធបណ្ឌិត អញ្ជើញប្រគេនទៀនព្រះវស្សា និងទេយ្យទាន ដល់ព្រះសង្ឃដែលគង់ចាំព្រះវស្សាក្នុងវត្តមុនីសុវណ្ណ (ហៅចំពុះក្អែក)**អ្នកប្រើគ្រឿងញៀន ប្រុសស្រី១៧នាក់ ក្រោយពីអាវុធហត្ថរាជធានីភ្នំពេញឃាត់ខ្លួន បានបញ្ជូនទៅមណ្ឌលផ្សេងៗគ្នា**ឧត្តមសេនីយ៍ឯក ឆាយ គឹមខឿន អញ្ជើញបិទវគ្គបំប៉នជំនាញដឹកនាំស្នងការរង នៃស្នងការដ្ឋាននគរបាលរាជធានី-ខេត្ត**កម្លាំងនាយកដ្ឋាននគរបាលព្រហ្មទណ្ឌ ឃាត់ខ្លួនបុរសម្នាក់ ក្នុងករណីឃាតកម្មប្រើកូនកាំបិត ចាក់បណ្តាលឲ្យស្លាប់ នៅខណ្ឌច្បារអំពៅ**ពលរដ្ឋ១៧នាក់ ត្រូវបានដឹកមកសង្រ្គោះបន្ទាន់ នៅមន្ទីរពេទ្យបង្អែកស្រុកបរកែវ បន្ទាប់ពីដកផ្សិតម្យ៉ាងមកធ្វើម្ហូប**មន្រ្តីជាន់ខ្ពស់ក្រសួងបរិស្ថាន៖ «យុទ្ធសាស្រ្តចក្រាវិស័យបរិស្ថាន» ធានាឱ្យបាននូវចីរភាពបរិស្ថាន ឆ្លើយតបទៅនឹងការប្រែប្រួលអាកាសធាតុ និងលើកកម្ពស់ជីវភាពរស់នៅរបស់ពលរដ្ឋ**ឯកឧត្តមរដ្ឋមន្រ្តី ថោ ជេដ្ឋា អញ្ជើញចុះស្វែងយល់ពីការអាស្រ័យផលលើដីព្រៃលិចទឹកតំបន់២ និងតំបន់៣ នៃបឹងទន្លេសាប ក្នុងភូមិសាស្រ្តខេត្តកំពង់ឆ្នាំង**ចិន​ត្រៀម​ថវិកា​ចំនួន​៣៥០​លាន​យន់​ដើម្បី​ជួយ​ដល់​ខេត្ត​ចំនួន​៣​ដែល​រងគ្រោះ​ដោយ​ទឹកជំនន់​**ក្រុម Houthi របស់យេម៉ែនបញ្ជាក់ការវាយប្រហារលើទីក្រុង Eilat របស់អ៊ីស្រាអែល និងនាវាអាមេរិក**ស្ថាប័នហិរញ្ញវត្ថុបរទេសមានសន្ទុះខ្លាំងលើសេដ្ឋកិច្ចរបស់ចិន**ស្ថាប័នឧស្សាហកម្មចិនជំរុញឱ្យ EU ស្វែងរកដំណោះស្រាយប្រកបដោយតុល្យភាពនៅក្នុងការស៊ើបអង្កេត BEV**រដ្ឋមន្ត្រីបរិស្ថាន៖ ព្រឹត្តិការណ៍ដាំកូនត្នោត ពិតជាមានសារៈសំខាន់ ក្នុងការបំផុសស្មារតីរបស់ពលរដ្ឋឱ្យចូលរួមដាំកូនត្នោត ក្នុងជំរុញបង្កើនគម្របបៃតង ផលប្រយោជន៍សេដ្ឋកិច្ច និងការថែរក្សាអត្តសញ្ញាណ និងវប្បធម៌ជាតិ**ពលរដ្ឋជាង៥ពាន់នាក់ នៅស្រុកព្រៃឈរ ទទួលបានការពិនិត្យ ព្យាបាល និងចែកឱសថដោយឥតគិតថ្លៃ ពីក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី**ក្រុមមន្ត្រីជំនាញ នៃក្រសួងធនធានទឹក ចុះពិនិត្យថែទាំស្ថានីយជលសាស្ត្រ ក្នុងខេត្តកំពង់ស្ពឺ និងខេត្តពោធិ៍សាត់**ថ្នាក់ដឹកនាំខេត្តកណ្ដាល នាំយកទានព្រះវស្សា និងទេយ្យទានប្រគេនដល់ព្រះសង្ឃ កំពុងគង់ចាំព្រះវស្សាចំនួន ១៦វត្ត ក្នុងក្រុងតាខ្មៅ**ឧត្តមសេនីយ៍ឯក រ័ត្ន ស្រ៊ាង ចាត់ឲ្យក្រុមការងារ នាំយកអំណោយ ចុះសួរសុខទុក្ខ លោកប្រធានមន្ទីរ ដែលព្យាបាលដោយវះកាត់សាច់ដុះក្នុងច្រមុះនៅមន្ទីរពេទ្យ**នាយឧត្តមសេនីយ៍ សៅ សុខា បញ្ជាឲ្យតាមដានរឿងមេប៉េអឹមខេត្តក្រចេះ ដែលរងការចោទប្រកាន់ថា បានទទួលលុយ ៧០០ដុល្លារពីឈ្មួញឈើ**ឯកឧត្តមរដ្ឋមន្ត្រី ឆាយ ឫទ្ធិសែន នាំយកទៀនព្រះវស្សា និងទេយ្យវត្ថុ ទៅវេរប្រគេនព្រះសង្ឃគង់ចាំព្រះវស្សាចំនួន ២៧វត្ត ក្នុងឃុំទាំង៩ នៃស្រុកទឹកផុស**ឯកឧត្តមរដ្ឋមន្ត្រី ប៉េង ពោធិ៍នា នាំយកទៀនព្រះវស្សា និងទេយ្យទាន ប្រគេនជូនវត្តទាំង៥៦ នៅស្រុកស្អាង និងស្រុកកោះធំ ខេត្តកណ្តាល

ឆមាសទី១ ឆ្នាំនេះ ផាកពិន័យរថយន្តដឹកលើសទម្ងន់ជាង ១ពាន់គ្រឿង ក្នុងនោះ ២២០គ្រឿង ដែលដឹកលើសទម្ងន់លើសពី ២០% ត្រូវបានពិន័យ និងឃាត់ទុកមួយឆ្នាំ

ភ្នំពេញ៖ យោងតាមរបាយការណ៍របស់ គណៈកម្មាធិការសម្របសម្រួល អចិន្ត្រៃយ៍នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ក្នុងឆមាសទី១ ឆ្នាំ២០២២ ការអនុវត្តការងារលើការទប់ស្កាត់ យានយន្តដឹកជញ្ជូនលើសទម្ងន់កម្រិតកំណត់ ទទួលបានលទ្ធផលដូចតទៅ៖ ត្រួតពិនិត្យយានយន្តសរុបចំនួន ១ ៨៣១ ៣៧៤ គ្រឿង ក្នុងនោះ រថយន្តដឹកមិនលើសទម្ងន់មានចំនួន ១ ២៣០ ០១០ គ្រឿងរថយន្តដឹកលើសទម្ងន់ក្នុងកម្រិតអនុគ្រោះ មានចំនួន ៥៩៩ ៧២១គ្រឿង រថយន្តដឹកលើសទម្ងន់កម្រិតកំណត់ដែលត្រូវបានផាកពិន័យមានចំនួន ១ ៦៤៣ គ្រឿង ពិន័យទឹកប្រាក់សរុបប្រមាណ ២,៨ ពាន់លានរៀល។ ក្នុងចំណោមរថយន្ត ១ ៦៤៣ គ្រឿង ដែលបានផាកពិន័យ មានរថយន្តចំនួន ២២០ គ្រឿង ដែលដឹកលើសទម្ងន់កម្រិតកំណត់ លើសពី២០% នៃទម្ងន់អនុញ្ញាតត្រូវផាកពិន័យ និងឃាត់ទុករយៈពេលមួយឆ្នាំ ដោយយោងតាមច្បាប់ផ្លូវថ្នល់មាត្រា ៦០។

ការដឹកលើសទម្ងន់កម្រិតកំណត់ជាកត្តាចម្បងធ្វើឱ្យផ្លូវឆាប់ខូចមុនអាយុកាល និងបង្កគ្រោះថ្នាក់ ចរាចរណ៍ដល់អ្នកធ្វើដំណើរ។ ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន និងជាប្រធានគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ បានអំពាវនាវម្តងហើយម្តងទៀត ទទូចសុំឱ្យអ្នកប្រើប្រាស់ផ្លូវ និងក្រុមហ៊ុនដឹកទំនិញគោរពច្បាប់ ចរាចរណ៍ទាំងអស់គ្នា កាត់បន្ថយគ្រោះថ្នាក់ចរាចរណ៍នៅតាមដងផ្លូវ កុំដឹកជញ្ជូនទំនិញលើសទម្ងន់ កម្រិតកំណត់ធ្វើឱ្យផ្លូវឆាប់ខូចឆាប់ រេចរិលមុនអាយុកាល មានជង្ហុកសម្បុកមាន់ បង្កគ្រោះថ្នាក់ចរាចរណ៍ ចំណាយថវិកាច្រើនក្នុងការជួសជុល និងថែទាំផ្លូវ។

ដើម្បីថែរក្សាផ្លូវយើងកុំឱ្យឆាប់ខូចមុនអាយុកាល ឯកឧត្តមទេសរដ្ឋមន្ត្រី បានលើកឡើងនូវរូបមន្តដូចត ទៅនេះ៖ ឧទាហរណ៍ច្បាប់អនុញ្ញាតឱ្យដឹក៣០តោន ប៉ុន្តែយើងដឹក៤០ តោន លើសដប់តោន នោះគេយក ១០ x ១០ ស្មើនឹង ១០០ យក ១០០ x ១០ ស្មើ ១០០០ យក១០០០ x ១០ ស្មើនឹង១០០០០ ដូច្នេះឡានមួយគ្រឿងដែលដឹកទំនិញលើស ១០ តោន ស្មើនឹងឡាន ១០០០០ គ្រឿងដឹកទំនិញលើផ្លូវ យើង ប៉ុន្តែបើមានឡានដឹកលើសទម្ងន់៣០ តោន គេយក ៣០ x ៣០ ស្មើនឹង៩០០ យក៩០០ x ៣0 ស្មើនឹង២៧០០០ យក២៧០០០ x ៣០ ស្មើនឹង ៨១.០០០០ ដូច្នេះឡានមួយគ្រឿងដឹកទំនិញលើស៣០តោនវាស្មើនឹងឡាន៨១.០០០០ គ្រឿងបើកលើផ្លូវយើង នាំឱ្យផ្លូវឆាប់ខូចមុនអាយុកាល។

ជាយន្តការទប់ស្កាត់ការងារដឹកលើសទម្ងន់កម្រិតកំណត់ ទាំងថ្នាក់ដឹកនាំពាក់ព័ន្ធ និងមន្រ្តីអនុវត្ត បាន ខិតខំប្រឹងប្រែងទាំងយប់ទាំងថ្ងៃដើម្បីរឹតបន្តឹងការដឹកជញ្ជូនឱ្យស្របតាមច្បាប់កំណត់ និងអនុវត្តយន្តការ ចល័តដើម្បីឆ្មក់ចាប់រថយន្តដឹកលើសនៅទូទាំងប្រទេសកម្ពុជា។
ក្នុងនោះដែរ គ្រប់ក្រុមការងារពាក់ព័ន្ធ បានធ្វើការផ្សព្វផ្សាយអំពីបទដ្ឋានគតិយុត្តពាក់ព័ន្ធនានាដល់ម្ចាស់ក្រុមហ៊ុនដឹកជញ្ជូន ម្ចាស់រថយន្តធុន ធ្ងន់ និងអ្នកបើកបររថយន្តធុនធ្ងន់ទាំងអស់ ជាពិសេសចុះអប់រំដល់ម្ចាស់ដេប៉ូខ្សាច់ថ្មី និងការដ្ឋានដឹកដីឱ្យចូលរួមគោរពតាមបទដ្ឋានបច្ចេកទេសស្ដីពីការដឹកជញ្ជូន ដើម្បីបញ្ចៀសឱ្យបាននូវការដឹកលើសទម្ងន់ កម្រិតកំណត់ដែលនាំឱ្យផ្លូវឆាប់ខូច កាត់បន្ថយគ្រោះថ្នាក់ចរាចរណ៍ និងថែរក្សាសោភ័ណភាពទីក្រុង ជាពិសេស ដើម្បីអប់រំអំពីចំណេះដឹងជុំវិញច្បាប់ចរាចរណ៍ និងផ្តោតលើការផាកពិន័យ និងការឃាត់ទុក យានយន្តដឹកជញ្ជូនដែលអនុលោមតាមច្បាប់ផ្លូវថ្នល់មាត្រា៦០។
ក្រុមការងារក៏ជំរុញឱ្យម្ចាស់ដេប៉ូទាំង ឡាយ ជួយផ្សព្វផ្សាយបន្តដល់ម្ចាស់យានយន្តដឹកជញ្ជូនទាំងអស់ឱ្យយល់ច្បាស់ និងគោរពតាមច្បាប់ ដែលបានចែង ចៀសវាងការយល់ច្រឡំ និងទាមទារសុំដឹកលើសទម្ងន់កម្រិតកំណត់។

ក្រៅពីយន្តការផ្សព្វផ្សាយ និងអប់រំលើការងារគ្រប់គ្រង តាមដានសកម្មភាពរបស់មន្រ្តីអនុវត្តការងារ គណៈកម្មាធិការសម្របសម្រួលអចិន្ត្រៃយ៍ក៏បានបំពាក់កាមេរ៉ាបញ្ជូនរូបភាព (CCTV Camera) តាមស្ថានីយជញ្ជីងអចល័តនានា និងបានធ្វើការផ្លាស់ប្តូរមន្រ្តីនៅតាមស្ថានីយមួយចំនួន ដែលបានប្រព្រឹត្តខុសឆ្គងក្នុងការអនុវត្តការងារ។

ទាក់ទងនឹងការងារចុះឆ្មក់ចាប់រថយន្តដឹកលើសទម្ងន់កម្រិតកំណត់ដោយច្បាប់ ក្រុមការងារចល័តចម្រុះ សម្រាប់ឆ្មក់ត្រួតពិនិត្យយានយន្តលើសទម្ងន់កម្រិតកំណត់បាន និងកំពុងអនុវត្តទាំងយប់ទាំងថ្ងៃដូចភ្លៀង រលឹម ដើម្បីទប់ស្កាត់បទល្មើសដឹកលើសទម្ងន់កម្រិតកំណត់ ដែលជាកត្តានាំឱ្យផ្លូវឆាប់ខូចមុនអាយុកាល និងបង្កគ្រោះថ្នាក់ចរាចរណ៍ផងដែរ។

ក្នុងទិសដៅបន្ទាប់ គណៈកម្មាធិការសម្របសម្រួលអចិន្ត្រៃយ៍នឹងសិក្សាលទ្ធភាពសាងសង់ស្ថានីយជញ្ជីងបន្ថែមទៀតនៅតាមបណ្តារាជធានី-ខេត្ត និងផ្លូវជាតិសំខាន់ៗមួយចំនួន ព្រមទាំងបន្តការអប់រំផ្សព្វផ្សាយបទដ្ឋានគតិយុត្តនានាពាក់ព័ន្ធនឹងការដឹកលើសទម្ងន់កម្រិតកំណត់ដោយច្បាប់ ព្រមទាំងប្រើប្រាស់បច្ចេកវិទ្យា ដើម្បីភ្ជាប់ទិន្នន័យពីគ្រប់ស្ថានីយជញ្ជីងមកទីស្តីការក្រសួង។
ជាថ្មីម្តងទៀត ក្រសួងក៏សូមអំពាវនាវដល់ក្រុមហ៊ុនឯកជន ដែលប្រកបអាជីវកម្មផ្នែកដឹកជញ្ជូន តាមរថយន្តធុនធ្ងន់ទាំងអស់ ចូលរួមគោរពតាមអនុសាសន៍ ប្រកបដោយអត្ថន័យ របស់សម្តេចតេជោនាយករដ្ឋ មន្រ្តី “ការប្រកបមុខរបរទទួលទាន ក៏ដូចជាការបំពេញការងារ តាមវិជ្ជាជីវៈរបស់បងប្អូនប្រជាពលរដ្ឋ ប្រកបដោយការយកចិត្តទុកដាក់ និងការទទួលខុសត្រូវ គឺជាការតបស្នងដ៏សំខាន់ដល់សង្គមជាតិ ដែលកំពុងមានសុខសន្តិភាព និងការរីកចម្រើន អរគុណសន្តិភាព” និងចូលរួមជាមួយក្រសួងសាធារណការ និងដឹកជញ្ជូន ក៏ដូចជារាជរដ្ឋាភិបាល ដើម្បីគោរព និងអនុវត្តតាមបទប្បញ្ញត្តិច្បាប់ និងរួមចំណែកថែរក្សាហេដ្ឋារចនាសម្ព័ន្ធផ្លូវថ្នល់ ឱ្យជាប់គង់វង្សតាមអាយុកាលកំណត់ ៕

អត្ថបទដែលជាប់ទាក់ទង