លោកជំទាវ គឹម សេដ្ឋានី ប្រគល់ពានរង្វាន់ព្រឹត្តិការណ៍ ប្រកួតសិស្សឆ្នើមទូទាំងប្រទេសលើកទី១ ការសិក្សាដោយការបង្កើតគម្រោង “បំណងប្រាថ្នា” ឆ្នាំសិក្សា ២០២១-២០២២

ភ្នំពេញ៖ ក្រសួងអប់រំ យុវជន និងកីឡា នៅថ្ងៃទី៥ កក្កដា បានរៀបចំពិធីប្រគល់ពានរង្វាន់ព្រឹត្តិការណ៍ប្រកួតសិស្សឆ្នើមទូទាំងប្រទេសលើកទី១ ការសិក្សាដោយការបង្កើតគម្រោង “បំណងប្រាថ្នា” ឆ្នាំសិក្សា ២០២១-២០២២ ដែលប្រព្រឹត្តទៅក្រោមអធិបតីភាព លោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា ជូនចំពោះគ្រឹះស្ថានសិក្សាចំនួន៤ ដែលទទួលបានជ័យលាភី។

ការប្រកួតសិស្សឆ្នើមទូទាំងប្រទេសលើកទី១ ការសិក្សាដោយការបង្កើតគម្រោង “បំណងប្រាថ្នា” រួមមាន៖
– កម្មវិធី E2STEM វិទ្យាល័យព្រះយុគន្ធរ៖ ក្រោមប្រធានបទ “របៀបរៀនដែលយោងតាមរបៀបដែលខួរក្បាលដំណើរការព័ត៌មាន”
– កម្មវិធីសាលារៀនជំនាន់ថ្មីនៃវិទ្យាល័យព្រះស៊ីសុវត្ថិ៖ ក្រោមប្រធានបទ “ការប្រើប្រាស់សមីការ ឌីផេរ៉ង់ស្យែលបង្កើតជាម៉ូឌែលគណិតវិទ្យាដើម្បីព្យាករណ៍ និងបកស្រាយទៅលើការរាតត្បាតនៃជំងឺកូវីដ-១៩ នៅកម្ពុជា”
– កម្មវិធីសាលារៀនជំនាន់ថ្មីនៃវិទ្យាល័យព្រះស៊ីសុវត្ថិ៖ ក្រោមប្រធានបទ “រុក្ខជាតិជំនាន់ថ្មី (Glowing Plants)”
– សាលារៀនអន្តរជាតិ ផារ៉ាហ្គន, សាលារៀនអន្តរជាតិ អាយ ស៊ី អេស និងសាលារៀនហូមអហ្វខ្មែរ ក្រោមប្រធានបទ៖ “ប្រព័ន្ធក្រេឌីត Credit ការពារបរិស្ថាន និងសង្គមកម្ពុជា”

ថ្លែងក្នុងឱកាសនោះដែរ លោកជំទាវ សូមអបអរសាទរដល់ក្រុមស្រាវជ្រាវ មកពីគ្រឹះស្ថានមធ្យមសិក្សាចំនួន០៤ ដែលចូលរួមសម្រេចបាននូវគុណតម្លៃខ្ពស់ ផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតសាស្ត្រ ស្របតាមប្រធានបទនៃការប្រកួតប្រជែងនៃមូលនិធិស្រាវជ្រាវ គំនិតច្នៃប្រឌិត និងនវានុវត្តន៍ (ស.គ.ន) រួមមាន៖

– ការស្រាវជ្រាវលើរុក្ខជាតិ Giant Salvinnia ក្នុងកម្មវិធី The Asia Pacific Conference of Young Scientists មកពីសាលារៀនគ្រូយើង
– Humanoid Robot ក្នុងកម្មវិធី Air and Tech Competition មកពីវិទ្យាល័យព្រះស៊ីសុវត្ថិ សាលារៀនជំនាន់ថ្មី
– Steam Energy កម្មវិធី Stem Start up រៀបចំដោយ KOIKA មកពីវិទ្យាល័យព្រះស៊ីសុវត្ថិ សាលារៀនជំនាន់ថ្មី
– ការបង្ហោះ Cube Sat ទៅកាន់ស្រទាប់បរិយាកាស កម្មវិធី First Global Challenge Award (Education) មកពីកម្មវិធី E2STEM វិទ្យាល័យព្រះយុគន្ធរ