រដ្ឋបាលខេត្តរតនគិរី រៀបចំពិធីបេីកសន្និបាតបូកសរុបលទ្ធផលការងារ ប្រចាំឆ្នាំ២០២៥ និងលើកទិសដៅការងារ ឆ្នាំ២០២៦

រតនគិរី៖ រដ្ឋបាលខេត្តរតនគិរី បានរៀបចំពិធីបេីកសន្និបាតបូកសរុបលទ្ធផលការងារ ប្រចាំឆ្នាំ២០២៥ និងលើកទិសដៅការងារ ឆ្នាំ២០២៦ របស់រដ្ឋបាលខេត្តរតនគិរី។

សន្និបាតនេះត្រូវបានរដ្ឋបាលខេត្តប្រារព្ធធ្វើឡើង នៅសាលមហោស្រពរតន: នៅព្រឹកថ្ងៃទី២១ ខែមករា ឆ្នាំ២០២៦ ក្រោមអធិបតីភាព ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្ត និងឯកឧត្តម ងិន ណែល អភិបាលខេត្តស្តីទី។

សន្និបាតមានការអញ្ជើញចូលរួមពី ឯកឧត្តម លោកជំទាវ សមាជិកក្រុមប្រឹក្សាខេត្ត.ឯកឧត្តម លោកជំទាវ អភិបាលរង នៃគណៈអភិបាលខេត្ត-ឯកឧត្តមប្រធានសាលាដំបូង និងឯកឧត្តមព្រះរាជអាជ្ញាអមសាលាដំបូងខេត្ត ឯកឧត្តម ឧត្តមសេនីយ៍ ឯកឧត្តម លោកជំទាវ និងលោក លោកស្រី ប្រធានអនុប្រធានមន្ទីរអង្គភាពជុំវិញខេត្ត អភិបាលក្រុង ស្រុកទាំង៩ ឃុំសង្កាត់ទាំង៥០ ផងដែរ។

សន្និបាតបូកសរុបលទ្ធផល ការងារឆ្នាំ២០២៥ និងលើកទិសដៅបន្តឆ្នាំ២០២៦ របស់រដ្ឋបាលខេត្ត នាពេលនេះរៀប
ចំឡើង ក្នុងគោលបំណងដើម្បីឆ្លុះបញ្ចាំងអំពីលទ្ធផលដែល បានអនុវត្តក្នុងក្របខណ្ឌកម្មវិធីវិនិយោគបីឆ្នាំរំកិលរបស់រដ្ឋ
បាលខេត្ត ស្របតាមគោលនយោ វិមជ្ឈការ និងវិសហមជ្ឈការ ឬហៅថាការអភិវឌ្ឍ តាមបែបប្រជាធិបតេយ្យនៅថ្នាក់
ក្រោមជាតិ ដែល រាជរដ្ឋាភិបាលកម្ពុជាបានផ្ទេរ និងប្រគល់នូវសិទ្ធិអំណាច តួនាទីភារកិច្ច ដោយភ្ជាប់ជាមួយនូវមុខងារ ធន
ធានមនុស្ស និងហិរញ្ញវត្ថុមួយចំនួនមករដ្ឋបាលថ្នាក់ ក្រោមជាតិ សំដៅលើកកម្ពស់អភិបាលកិច្ចមូលដ្ឋាន និងឆ្លើយតប
ទៅនឹងសេចក្តីត្រូវការរបស់ប្រជាពលរដ្ឋ។

ថ្លែងបើកអង្គសន្និបាត ឯកឧត្តម ណាប់ ប៊ុនហេង បានសម្តែងនូវការកោតសរសើរ និងសូមវាយតម្លៃខ្ពស់ចំពោះ ឯកឧត្តម លោកជំទាវ លោក លោកស្រី ដែលបាន បំពេញបេសកកម្មចូលរួមចំណែកបម្រើជាតិ មាតុភូមិ និងប្រជាជន សម្រេចបានលទ្ធផលនានាជាច្រើន ក្នុងរយៈពេល ពេញមួយឆ្នាំកន្លងមកនេះ បានធ្វើឱ្យខេត្ត ធ្វើឱ្យខេត្តរតនគិរី មានការរីកចម្រើន និងប្រជាពលរដ្ឋ មានការសប្បាយ រីករាយនូវផ្លែផ្កាចំពោះការអភិវឌ្ឍ ព្រមទាំងការដោះស្រាយនូវបញ្ហាប្រឈម និងសំណូម ចាំបាច់នានា ស្របតាមគោលនយោបាយរាជរដ្ឋាបាលកម្ពុជា។

សូមបញ្ជាក់ថា អង្គសន្និបាតនឹងប្រព្រឹត្តទៅរយៈពេល ចំនួន ១ថ្ងៃកន្លះ ចាប់ពីថ្ងៃទី២១ ដល់ថ្ងៃទី២២ ខែមករា ឆ្នាំ២០២៦ ហើយពិធីបិទសន្និបាតនឹងប្រព្រឹត្តទៅ នៅព្រឹកថ្ងៃទី២២ ខែមករា ឆ្នាំ២០២៦ ក្រោមអធិបតីភាព ឯកឧត្តម បណ្ឌិតសភាចារ្យ ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្ត តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ ជៀង អំ ប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តរតនគិរី៕