លោកហិរិធម្មរក្សបណ្ឌិត ឈិន សីហា ដឹកនាំសមាជិកផ្នែកអក្សរសាស្ត្រខ្មែរ ចូលរួមពិធីបញ្ចុះបឋមសិលា និងបុណ្យផ្កាសាមគ្គីអគារសិក្សាថ្មីកម្ពស់ ៩ជាន់នៃពុទិ្ធកសាកលវិទ្យាល័យ ព្រះសីហមុនីរាជា

ភ្នំពេញ៖ លោកហិរិធម្មរក្សបណ្ឌិត ឈិន សីហា នាយករងកម្មវិធីកិត្តិសព្ទកម្ពុជា ស.ស.យ.ក. រាជធានីភ្នំពេញ អមដោយលោក លីម អាស៊ីគីន ប្រធានផ្នែកអក្សរសាស្ត្រខ្មែរនៃកម្មវិធីកិត្តិសព្ទកម្ពុជា កាលពីព្រឹកថ្ងៃថ្ងៃទី៤ ខែកក្កដា ឆ្នាំ២០២២ បានដឹកនាំសមាជិក សមាជិកាផ្នែកអក្សរសាស្ត្រខ្មែរចូលរួមក្នុងកម្មវិធីពិធី បញ្ចុះ បឋម សិលា និង បុណ្យ ផ្កា សាមគ្គី អគារសិក្សាថ្មីកម្ពស់៩ជាន់នៃពុទិ្ធក សាកលវិទ្យាល័យ ព្រះសីហមុនីរាជា ក្នុងបរិវេណវត្តស្វាយពពែ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ក្រោមអធិបតីភាព ឯកឧត្ដមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃ កងយោធពលខេមរភូមិន្ទនិង ជាមេបញ្ជាការកងទ័ពជើងគោក តំណាងដ៏ខ្ពង់ខ្ពស់ សម្ដេចតេជោ ហ៊ុន សែន នាយករដ្ឋមន្រ្តីកម្ពុជា និងសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ។

កម្មវិធីនេះមានការយាង និមន្ត និងអញ្ជើញចូលរួមពីសំណាក់ សម្ដេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្ដេចព្រះមហាសង្ឃរាជនៃគណធម្មយុត្តិកនិកាយ និងជាព្រះសាកលវិទ្យាធិការពុទ្ធិកសាកលវិទ្យាល័យព្រះសីហមុនីរាជា និងព្រះមន្ត្រីសង្ឃ រាជាគណៈ ព្រះមេគណ ឧត្តមទីប្រឹក្សា ទីប្រឹក្សា និងឯកឧត្តម លោកជំទាវ លោកឧកញ៉ា លោក លោកស្រី សាស្ត្រាចារ្យ សិស្ស និស្សិត និងភ្ញៀវកិត្តិយសគ្រប់អង្គភាពស្ថាប័ន ក្រោមបរិយាកាសរីករាយពោរពេញដោយស្នាមញញឹម ៕