សម្តេចកិត្តិព្រឹទ្ធបណ្ឌិត ចាត់មន្ត្រីនាំយកស្បៀងនិងភេសជ្ជៈ ផ្តល់ជូនរដ្ឋបាលខេត្ត និងសាខាកាកបាទក្រហមកម្ពុជា ចំនួន២ នៅជាប់ព្រំដែនសម្រាប់ជួយដល់ប្រជាជនភៀសសឹក និងប្រើប្រាស់តាមការចាំបាច់

នៅថ្ងៃទី៣១ ខែធ្នូ ឆ្នាំ២០២៥នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់លោកវេជ្ជ. អ៊ុយ សំអុន នាយក នាយកដ្ឋានគ្រប់គ្រងគ្រោះមហន្តរាយ កាកបាទក្រហមកម្ពុជា នាំយកស្បៀងនិងភេសជ្ជៈ មួយចំនួនសម្រាប់ផ្តល់ជូនរដ្ឋបាលខេត្ត និងសាខាកាកបាទក្រហមកម្ពុជា ខេត្តចំនួន២ នៅជាប់ព្រំដែន គឺខេត្តឧត្តរមានជ័យ និងខេត្តបន្ទាយមានជ័យ ដើម្បីជួយដល់ប្រជាជនភៀសសឹក និងប្រើប្រាស់តាមតម្រូវការចាំបាច់។

សូមជម្រាបជូនថា អំណោយដែលកាកបាទក្រហមកម្ពុជា ទីស្នាក់ការកណ្តាលផ្តល់ជូនក្នុងឱកាសនេះរួមមានដូចខាងក្រោម៖
-ជូនរដ្ឋបាលខេត្តឧត្តរមានជ័យ (អង្ករ ២០តោន, ទឹកបរិសុទ្ធ វី-អាកទីវ ៤០០កេស និងភេសជ្ជៈ វី-កូឡា ៤០០កេស)។ ជូនសាខាកាកបាទក្រហមកម្ពុជា ខេត្តឧត្តរមានជ័យ ភួយចំនួន ២.០០០ភួយ។
-ជូនរដ្ឋបាលខេត្តបន្ទាយមានជ័យ (អង្ករ ២០តោន, ទឹកបរិសុទ្ធ វី-អាកទីវ ៣០០កេស និងភេសជ្ជៈ វី-កូឡា ៣០០កេស)។ ជូនសាខាកាកបាទក្រហមកម្ពុជា ខេត្តបន្ទាយមានជ័យ ភួយចំនួន ១.០០០ភួយ៕