កងរាជអាវុធហត្ថខេត្តកំពង់ស្ពឺ សហការជាមួយកងរាជអាវុធហត្ថខេត្តតាកែវ បង្រ្កាបករណីគ្រឿងញៀន
ដោយអនុវត្តតាមការចង្អុលបង្ហាញតម្រង់ទិសរបស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស និងមានការណែនាំដោយផ្ទាល់ពីសំណាក់ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ ក្រោមការដឹកនាំបញ្ជាដោយផ្ទាល់របស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ និងមានការសម្របសម្រួលនីតិវិធីពី ឯកឧត្ដម សុិន វីរៈ ព្រះរាជអាជ្ញាអមសាលាដំបូងខេត្តកំពង់ស្ពឺ និង ឯកឧត្ដម ឯក សេងហួត ព្រះរាជអាជ្ញាអមសាលាដំបូងខេត្តតាកែវ
កាលពីវេលាម៉ោង០៦:៥០នាទីព្រឹក នាថ្ងៃទី២៩ ខែវិច្ចិកា ឆ្នាំ២០២៥ កម្លាំងមូលដ្ឋានកងរាជអាវុធហត្ថស្រុកបសេដ្ឋ ដឹកនាំដោយ លោកវរៈសេនីយ៍ត្រី ស៊ូ ប៊ុនរឿន បានសហការជាមួយ កម្លាំងកងរាជអាវុធហត្ថខេត្តតាកែវ ដឹកនាំដោយ លោកអនុសេនីយ៍ឯក ជួន តូរៈនៈ បានឆ្មក់ចុះឆែកឆេលំនៅដ្ឋានជនសង្ស័យឈ្មោះ សែម រក្សា ភេទស្រី អាយុ២៣ឆ្នាំ មុខរបរកម្មកររោងចក្រ រស់នៅភូមិត្មាតលេង ឃុំបសេដ្ឋ ស្រុកបេសដ្ឋ ខេត្តកំពង់ស្ពឺ។
កម្លាំងជំនាញកងរាជអាវុធហត្ថបានរកឃេីញវត្ថុតាងរួមមាន៖ម្សៅក្រាមពណ៌សថ្លា០៣កញ្ចក់ធំ សង្ស័យថាជាសារធាតុញៀន,រថយន្តចំនួន០២គ្រឿង,ម៉ូតូចំនួន០១គ្រឿង,ទូរស័ព្ទចំនួន០១គ្រឿង,កាំភ្លើងខ្លីចំនួន០២ដេីម,បង់ចំនួន០៣(១៨១គ្រាប់) និងសម្ភារៈប្រេីប្រាស់គ្រឿងញៀនមួយចំនួនថែមទៀត។
បច្ចុប្បន្ន និងវត្ថុតាងត្រូវបានកម្លាំងមូលដ្ឋាកងរាជអាវុធហត្ថស្រុកបសេដ្ឋ ប្រគល់ជូនទៅ កម្លាំងកងរាជអាវុធហត្ថខេត្តតាកែវ ដេីម្បីចាត់ការតាមនីតីវិធីបន្ត៕
