ថ្នាក់ដឹកនាំខេត្តស្វាយរៀង អញ្ជេីញជួបក្រុមសមាជិកព្រឹទ្ធសភា ប្រចាំភូមិភាគទី៦ ដេីម្បីជួបសិក្សាឈ្វេងយល់ អំពីសភាពការណ៍ថ្មីៗ ជាមួយរដ្ឋបាលខេត្តស្វាយរៀង

ស្វាយរៀង៖ នាព្រឹកថ្ងៃទី៣ ខែកញ្ញា ឆ្នាំ២០២៥ ឯកឧត្តម ម៉ែន វិបុល ប្រធានក្រុមប្រឹក្សាខេត្តស្វាយរៀង និងឯកឧត្តម ប៉េង ពោធិ៍សា អភិបាល នៃគណៈអភិបាលខេត្ត បានអញ្ជេីញជួបក្រុមសមាជិកព្រឹទ្ធសភា ប្រចាំភូមិភាគទី៦ ដឹកនាំដោយលោកជំទាវ មាន សំអា ន ប្រធានប្រតិភូក្រុមសមាជិកព្រឹទ្ធសភា ដេីម្បីជួបសិក្សាឈ្វេងយល់ អំពីសភាពការណ៍ថ្មីៗ ជាមួយរដ្ឋបាលខេត្តស្វាយរៀង។

អញ្ជើញចូលរួមក្នុងឱកាសនោះរួមមាន ឯកឧត្តមអនុប្រធាន ឯកឧត្តមលេខាធិការ ឯកឧត្តមសមាជិក ក្រុមសមាជិកព្រឹទ្ធសភាប្រចាំភូមិភាគទី៦ និងលោក លោកស្រី គណៈប្រតិភូអមដំណើរ លោកអភិបាលរងខេត្ត លោកនាយករដ្ឋបាលសាលាខេត្ត លោកស្នងការរងនគរបាលខេត្ត លោកមេបញ្ជាការរងកងរាជអាវុធហត្ថខេត្ត លោកមេបញ្ជាការរងតំបន់ប្រតិបត្តការសឹករងស្វាយរៀង លោកប្រធានមន្ទីរពាក់ព័ន្ធ លោកអភិបាលក្រុងស្រុកទាំង៨ លោកនាយកទីចាត់ការចំណុះសាលាខេត្ត ព្រមទាំងមន្ត្រីពាក់ព័ន្ធមួយចំនួនទៀត។

មានប្រសាសន៍ទៅកាន់លោកជំទាវប្រធានប្រតិភូ ឯកឧត្តមអភិបាលខេត្តបានសម្តែងនូវការស្វាគមន៍ និងថ្លែងអំណរគុណយ៉ាងជ្រាលជ្រៅ ចំពោះលោកជំទាវ មាន សំអាន ប្រធានក្រុម សមាជិកព្រឹទ្ធសភាប្រចាំភូមិភាគទី៦ និងគណៈប្រតិភូ ដែលបានឆ្លៀតពេលវេលាដ៏មមាញឹក អញ្ជើញចុះមកបំពេញបេសកកម្មការងារ ដើម្បីឈ្វេងយល់អំពីសភាពការណ៍ដែលកើតមាន នៅសមរភូមិព្រំដែនប្រទេសកម្ពុជា និងប្រទេសថៃដែលពាក់ព័ន្ធ នៅក្នុងខេត្តស្វាយរៀងនាពេលនេះ ដែលពិតជាបានបង្ហាញឲ្យឃើញពីការគិតគូរយកចិត្តដាក់របស់ក្រុមសមាជិកព្រឹទ្ធសភា ប្រចាំភូមិភាគទី៦ ក្នុងការចូលរួមចំណែកជាមួយរាជរដ្ឋាភិបាលក្រោមការដឹកនាំប្រកបដោយ គតិបណ្ឌិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដ្ឋមន្ត្រី នៃព្រះរាជាណាចក្រ កម្ពុជា ក្នុងកិច្ចការឆ្លើយតប និងដោ និងដោះស្រាយចំពោះផលប៉ះពាល់នានា ជាពិសេសគឺប្រក្រតីភាព ជីវភាពរស់នៅរបស់ប្រជាពលរដ្ឋ យុទ្ធជនជួរមុខ និងក្រុមគ្រួសារ ដែលបណ្តាល និងជះឥទ្ធិពល ពីស្ថានភាពជម្លោះរវាងប្រទេសកម្ពុជា និងប្រទេសថៃ នាពេលកន្លងមក។

ឯកឧត្តមបន្ថែមថា សភាពការណ៍ ជារួមនៅក្នុងខេត្តស្វាយរៀងមានដំណើរការជាប្រក្រតីភាពធម្មតា ទាំងនៅក្នុងការធានានិរន្តរ៍ភាព នៃការផ្តល់ សេវាសាធារណៈទាំងសេវាសំណូមពរ និងសេវាតម្រូវការ ការថែរក្សាការពារសន្តិសុខ សុវត្ថិភាព និងសណ្តាប់ធ្នាប់សង្គម ការដោះស្រាយសំណើ សំណូមពរ និងបញ្ហាប្រឈមផ្សេងៗរបស់ ប្រជាពលរដ្ឋ ការកសាងសមិទ្ធផលជារូបវន្តនានា ការធ្វើទំនាក់ទំនង និងសហប្រតិបត្តិការជាមួយ ខេត្តជាប់ព្រំដែន នៃប្រទសជិតខាង និងការផ្លាស់ប្តូរពាណិជ្ជកម្មមានភាពល្អប្រសើរ ហើយ សកម្មភាពវិនិយោគឯកជនក៏នៅតែមានសន្ទុះ និងបោះជំហានទៅមុខ និងមានវឌ្ឍនភាព ជាវិជ្ជមានគួរឲ្យកត់សម្គាល់ផងដែរ៕