ព្រឹត្តិការណ៍ភ្លៀងធ្លាក់ប៉ះពាល់ខ្លាំងនៅឥណ្ឌានិងប៉ាគីស្ថាន បណ្តាលឲ្យជនរងគ្រោះរាប់រយនាក់

(បរទេស)÷ ថ្ងៃចន្ទ ទី១៨ ខែសីហា ឆ្នាំ២០២៥ ភ្លៀងធ្លាក់ខ្លាំងក្នុងរយៈពេលខ្លី (Cloudburst) កំពុងបង្កភាពអាណោតដល់តំបន់ភ្នំនៅប្រទេស ឥណ្ឌា និងប៉ាគីស្ថង់។ នៅខេត្ត Buner នៃប៉ាគីស្ថាន ត្រូវបានរាយការណ៍ថា មានមនុស្សជិត ៣០០នាក់ស្លាប់ ដោយសារទឹកជំនន់ ភ្ញាសភ្នំ និងដីរអិល។ នៅរដ្ឋ Uttarakhand របស់ឥណ្ឌាក៏មានការប៉ះពាល់ដូចគ្នា។ នេះបើយោងតាមការចេញផ្សាយរបស់សារព័ត៌មាន AP

Cloudburst គឺជាព្រឹត្តិការណ៍អាកាសធាតុស្មុគស្មាញដែលភ្លៀងធ្លាក់ លើស ១០០ មម ក្នុងរយៈពេលមួយម៉ោង លើតំបន់តូចៗ។ ខ្យល់សើមកើនឡើងតាមភ្នំ បង្កើតពពកធំៗ ហើយពពកទាំងនោះនឹងផ្ទុះចេញពេលមិនអាចស្ទើរកាន់ទឹកបានទៀតទេ។ គេហៅវាថា “គ្រាប់បែកភ្លៀង” (Rain bomb) ដោយសារតែវាធ្វើអោយមានទឹកជំនន់ និងការបំផ្លាញយ៉ាងធ្ងន់ធ្ងរ។

ពិបាកទស្សន៍ទាយ ប៉ុន្តែអាចប្រយ័ត្នបានស្ថាប័នពាក់ព័ន្ធនិយាយថា ព្រឹត្តិការណ៍នេះ ពិបាកទស្សន៍ទាយ ដោយសារវាផុសឡើងលឿន និងនៅតំបន់ចង្អៀត។ ទោះមានប្រព័ន្ធការពារជាមុន ប៉ុន្តែពេលវាធ្លាក់មកវិញគឺលឿនខ្លាំង ដល់មិនអាចជូនដំណឹងបានទាន់ពេល។

អង្គការសហគមន៍ SOST បានផ្ដល់អនុសាសន៍ដូចជា៖ កុំសាងសង់ផ្ទះជិតទន្លេឬភូមិក្នុងរង្វង់ខ្ពស់, ចៀសវាងធ្វើដំណើរទៅតំបន់ភ្នំនៅពេលមានព្យួរភ្លៀង, ត្រៀមឧបករណ៍បន្ទាន់, ធ្វើការដាំដើមឈើ ដើម្បីបន្ថយសម្ពាធទឹក, អាកាសធាតុកំពុងធ្វើឲ្យបញ្ហានេះធ្ងន់ធ្ងរឡើង។

អ្នកជំនាញថា ការប្រែប្រួលអាកាសធាតុ កំពុងធ្វើឲ្យ cloudburst កើតឡើងញឹកញាប់ និងធ្ងន់ធ្ងរជាងមុន។ ខ្យល់ក្តៅកាន់បានសំណើមច្រើនជាងមុន បង្កឲ្យភ្លៀងធ្លាក់ច្រើនក្នុងរយៈពេលខ្លី។ ការរលាយទឹកកក និងបាត់បង់ព្រៃឈើក៏ធ្វើឲ្យដីមិនអាចស្រូបទឹកបានល្អផងដែរ។

“អាកាសធាតុកំពុងបំផ្លាញវដ្តទឹកដោយបង្កើតភ្លៀងខ្លាំង និងមិនទៀងទាត់។” លោក Khalid Khan អតីតអគ្គលេខាធិការរបស់ក្រសួងអាកាសធាតុប៉ាគីស្ថានបាននិយាយ។