(បរទេស)÷ ថ្ងៃសុក្រ ទី០៤ ខែកក្កដា ឆ្នាំ២០២៥ ជាង ២០នាក់ រួមមានមន្រ្តីប៉ូលីស ៩នាក់ និងមន្រ្តីពន្លត់អគ្គិភ័យ ១នាក់ បានរងរបួសក្រោយមានការផ្ទុះយ៉ាងខ្លាំងនៅស្ថានីយ៍លក់ប្រេងឥន្ធនៈមួយ នៅក្នុងតំបន់ Prenestino ក្នុងទីក្រុងRome នៅពេលព្រឹកថ្ងៃសុក្រ។ នេះបើយោងតាមការចេញផ្សាយរបស់សារព័ត៌មាន Reuters
ការផ្ទុះនេះកើតឡើងបន្ទាប់ពីរថយន្តដឹកទំនិញមួយបុកលូផ្កាប់បំពង់ប្រេង បណ្ដាលឲ្យអគ្គិភ័យរីករាលដាលនិងធ្វើឲ្យធុងប្រេងមួយផ្ទុះ។ អគ្គិភ័យបានរាលដាលទៅដល់ឃ្លាំងជិតខាង ខណៈដែលរលកនៃការផ្ទុះបានបំផ្លាញអគារជុំវិញ។
ក្នុងចំណោមអ្នករងរបួស មានជនស៊ីវិល ១៦នាក់ រួមទាំងអ្នកគ្រប់គ្រងស្ថានីយ៍ និងមានអ្នក ៥នាក់ត្រូវបានដឹកទៅមន្ទីរពេទ្យ ដោយរងរបួសស្រាល និងបំផ្លាញដោយកញ្ចក់។ មិនមាននរណាដែលស្ថិតក្នុងស្ថានភាពគំរាមកំហែងដល់ជីវិតទេ។
អាជ្ញាធរពន្លត់អគ្គិភ័យ និងសង្គ្រោះបឋមបានមកដល់ទីតាំងមុនពេលការផ្ទុះកើតឡើង។ មជ្ឈមណ្ឌលកីឡាសំរាប់យុវជនដែលនៅជិត ត្រូវបានសម្រេចអន្តរាគមន៍សង្គ្រោះភ្លាមៗ។ ព្រះសង្ឃLeoទី ១៤ បានសម្ដែងការព្រួយបារម្ភ និងនាយករដ្ឋមន្រ្តី Giorgia Meloni កំពុងតាមដានស្ថានភាពនេះយ៉ាងជិតស្និទ្ធ។
អត្ថបទពីកញ្ញា ហេង គីមជូ
