រដ្ឋមន្ត្រីការបរទេសអង់គ្លេស លោក David Lammy នឹងជួបជាមួយបណ្ដាប្រទេសអឺរ៉ុប នៅស្វ៊ីស ដើម្បីចរចាអំពីបញ្ហាថាមពលនុយក្លេអ៊ែរជាមួយអុីរ៉ង់

(បរទេស)÷ ថ្ងៃសុក្រ ទី២០ ខែមិថុនា ឆ្នាំ២០២៥ រដ្ឋមន្ត្រីការបរទេសអង់គ្លេស លោក David Lammy នឹងធ្វើដំណើរទៅកាន់ទីក្រុងហ្សឺណេវ ប្រទេសស្វ៊ីស នៅថ្ងៃសុក្រ ដើម្បីចូលរួមក្នុងកិច្ចពិភាក្សាអំពីកម្មវិធីនុយក្លេអ៊ែរអុីរ៉ង់ ជាមួយបណ្ដាអ្នកដឹកនាំអឺរ៉ុប និងអុីរ៉ង់។ កិច្ចជួបនេះត្រូវបានរៀបចំក្នុងពេលវេលាដែលស្ថានការណ៍មធ្យមប៉ូឡូកំពុងតែតានតឹង ខណៈអុីស្រាអែល និងអុីរ៉ង់បានប្ដូរវាយប្រហារគ្នា។

ការធ្វើដំណើររបស់លោក Lammy កើតឡើងបន្ទាប់ពីលោកបានជួបជាមួយលោក Marco Rubio រដ្ឋលេខាធិការរដ្ឋអាមេរិក និងឯកអង្គការពិសេសរបស់សេតវិមានទាក់ទងនឹងមជ្ឈិមប៉ូឡូ។ លោក Lammy បានថ្លែងថា៖ “យើងសម្រេចចិត្តថា អុីរ៉ង់មិនត្រូវមានអាវុធនុយក្លេអ៊ែរឡើយ។ យើងមានបង្អួចរយៈពេលពីរបីសប្ដាហ៍សម្រាប់ដំណោះស្រាយការទូត។”

កិច្ចពិភាក្សានៅហ្សឺណេវ នឹងរួមមានរដ្ឋមន្ត្រីការបរទេសពីអង់គ្លេស បារាំង អាឡឺម៉ង់ និងអ្នកតំណាងកំពូលអឺរ៉ុប Kaja Kallas ជួបជាមួយរដ្ឋមន្ត្រីការបរទេសអុីរ៉ង់។

លោក Rubio និងលោក Lammy បានយល់ស្របថា អុីរ៉ង់មិនអាចមាន ឬអភិវឌ្ឍអាវុធនុយក្លេអ៊ែរបានឡើយ។ ខណៈអុីស្រាអែលបានប្រកាសថា គោលដៅរបស់ខ្លួនគឺបញ្ឈប់សមត្ថភាពអុីរ៉ង់ក្នុងការផលិតអាវុធសង្គ្រាមនេះ។ អុីរ៉ង់បានបដិសេធថា កម្មវិធីនុយក្លេអ៊ែររបស់ខ្លួនមានគោលបំណងយោធា។

សេតវិមានបានប្រកាសថា ប្រធានាធិបតី Donald Trump នឹងធ្វើការសម្រេចចិត្តនៅក្នុងរយៈពេលពីរបីសប្ដាហ៍ទៀតថា តើអាមេរិកនឹងចូលរួមជាមួយអុីស្រាអែលក្នុងវិវាទនេះឬអត់។

អត្ថបទពីកញ្ញា ហេង គីមជូ