បុរស២នាក់នាំគ្នាជិះម៉ូតូដាក់អន្ទាក់កណ្ដុរ ពេលមេឃភ្លៀងឈប់និងខ្ទមក្បែរផ្លូវ ត្រូវរន្ទះបាញ់ស្លាប់ទាំង២នាក់
បន្ទាយមានជ័យ៖ នៅថ្ងៃទី១២ ខែឧសភា ឆ្នាំ ២០២៥វេលាម៉ោង១៥. ៤០នាទី មានភ្លៀងធ្លាក់និងផ្គររន្ទះនៅក្នុងភូមិសាស្រ្ត ឃុំស្លក្រាម.ស្រុក ស្វាយចេក. បន្ទាយមានជ័យហើយមានករណី រន្ទះបាញ់ស្លាប់មនុស្សចំនួន០២នាក់ ស្ថិតនៅចំណុចផ្លូវជាតិ លេខ៥៦អា ភូមិខ្លែងពណ៍ត្បូង.ឃុំស្លក្រាមស្រុក ស្វាយចេកខេត្តបន្ទាយមានជ័យខាងត្បូងការ៉ាសសាំងប្រហែល២០ម៉ែត។
លោកវីរៈសេនីយ៍ឯកជាស្លូញអធិការនគរបាលស្រុកស្វាយចេកបានឲ្យដឹងថា ជនរងគ្រោះមានឈ្មោះ១.អ៊ឹម សុវណ្ណា ភេទប្រុស អាយុ ៣៨ឆ្នាំ ។២.អ៊ឹម វណ្ណឈី ភេទប្រុស អាយុ៣៥ឆ្នាំ ទាំង២នាក់រស់នៅភូមិកំណប់ជាមួយគ្នា, ឃុំស្លក្រាមស្រុកស្វាយចេក ខេត្តបន្ទាយមានជ័យ។
លោកអធិការក៏បានបញ្ជាក់ទៀតថា តាមការសួរបំភ្លឺពីរឈ្មោះ អឿន សុផាន់ណា ភេទស្រី អាយុ ៣៤ឆ្នាំរស់នៅភូមិខ្លែងពណ៍ត្បូង ឃុំស្លក្រាម ស្វាយចេក ខេត្តបន្ទាយមានជ័យ បានរាយការណ៍ថា នៅមុនពេលកើតហេតុនៅចន្លោះម៉ោង១៥: ៤០នាទីដល់ម៉ោង១៦: ១៥មានមនុស្សប្រុស០២នាក់បានជិះម៉ូតូទៅដាក់អន្ទាក់កណ្តុរ ហើយក៍បានឈប់ជ្រកភ្លៀងនៅក្រោមខ្ទមក្បែរផ្លូវជាតិដោយឈ្មោះ អ៊ឹម វណ្ណា ជិះម៉ូតូទ្រីម សេ១០០សេរីចាស់ ពណ៍ក្រហម( គ្នានស្លាកលេខ )បានទៅឈប់ក្បែរខ្ទម នៅចិញ្ចើមផ្លូវខាងកើតហើយក៍ចូលជ្រកភ្លៀងក្រោមខ្ទម។ ២.ឈ្មោះ អ៊ឹម វណ្ណឈី ជិះម៉ូតូវេវសេ១០០ សេរីចាស់ ពណ៍ក្រហម( គ្មានស្លាកលេខ )បានជិះម៉ូតូទៅឈប់ក្បែរខ្ទម នៅចិញ្ចើមផ្លូវខាងលិច រួចហើយក៍ដើរឆ្លងថ្នល់ទៅជ្រកភ្លៀងក្រោមខ្ទមជាមួយគ្នាឈ្មោះ អ៊ឹម វណ្ណា នៅខាងកើតផ្លូវ. បន្ទាប់មកនាងខ្ញុំក៍បានដើរទៅផ្ទះ ពេលទៅដល់ផ្ទះប្រមាណជា១០នាទី ស្រាប់តែលឺសូរន្ទះបាញ់. ក្រោយពីរន្ទះបាញ់រួចហើយនាងខ្ញុំបានជិះម៉ូតូដឹកក្មួយ ទៅអោយគ្រូខ្មែរ ស្តោះបូសពេលមកដល់កន្លែងកើតហេតុស្រាប់តែឃើញមនុស្សដែលជ្រកភ្លៀងស្លាប់ទាំង០២នាក់តែម្តង ពេលនោះនាងខ្ញុំក៏បានខលប្រាប់លោកព្រឿន សុភីជាមេភូមិខ្លែងពណ៍ត្បូងនិងរាយការណ៍ទៅសមត្ថកិច្ច។
លោកអធិការបញ្ជាក់បន្ថែមទៀតថា ក្រោយពីទទួលបានព័ត៌មាននេះ អាជ្ញាធរ និងសមត្ថកិច្ចបានចុះទៅដល់កន្លែងកើតហេតុនិងស្រាវជ្រាវរកសាច់ញាតិអោយយកសាកសពទាំង០២នាក់ទៅធ្វើបុណ្យតាមប្រពៃណី៕
