ប្រធានាធិបតីស្តីទី៖ រដ្ឋាភិបាលកូរ៉េខាងត្បូង នឹងបន្តដំណើរការប្រព័ន្ធត្រួតពិនិត្យទីផ្សារ ២៤ ម៉ោងរបស់ខ្លួន ចំពេលមានផែនការដំឡើងពន្ធរបស់អាមេរិក
សេអ៊ូល៖ ប្រធានាធិបតីស្តីទីបានឲ្យដឹងថា រដ្ឋាភិបាលកូរ៉េខាងត្បូង នឹងបន្តដំណើរការប្រព័ន្ធត្រួតពិនិត្យទីផ្សារ ២៤ ម៉ោងរបស់ខ្លួន ចំពេលមានផែនការដំឡើងពន្ធ “ទៅវិញទៅមក” ដោយរដ្ឋបាលរបស់ប្រធានាធិបតីអាមេរិក លោក ដូណាល់ ត្រាំ និងការកែសម្រួលគោលនយោបាយរូបិយវត្ថុ ដែលអាចធ្វើទៅបានដោយប្រទេសសេដ្ឋកិច្ចធំៗ។
ប្រធានាធិបតីស្តីទី កូរ៉េខាងត្បូងលោក Choi Sang-mok បានធ្វើការ កត់សម្គាល់ នៅក្នុងកិច្ចប្រជុំ ស្តីពីលក្ខខណ្ឌ ទីផ្សារសេដ្ឋកិច្ច និងហិរញ្ញវត្ថុដែលបានធ្វើឡើង ត្រឹមតែប៉ុន្មានម៉ោង បន្ទាប់ពីធនាគារកណ្តាល សហរដ្ឋអាមេរិក បានរក្សាអត្រាការប្រាក់គោល របស់ខ្លួនមិនផ្លាស់ប្តូរនៅចន្លោះពី ៤.២៥ ទៅ ៤.៥០ ភាគរយ។
កិច្ចប្រជុំនេះមានការចូលរួមពីអភិបាលធនាគារកូរ៉េលោក Rhee Chang-yong និងលោក Lee Bok-hyun ទេសាភិបាលនៃសេវា ត្រួតពិនិត្យហិរញ្ញវត្ថុ ព្រមទាំងមន្ត្រីដទៃទៀត នេះបើយោងតាមការ ចុះផ្សាយរបស់ទីភ្នាក់ងារ សារព័ត៌មានយុនហាប់។
អ្នកចូលរួមកិច្ចប្រជុំបានកត់សម្គាល់ថា ការសម្រេចចិត្តលើអត្រាការប្រាក់ ចុងក្រោយរបស់សហរដ្ឋអាមេរិក មានផលប៉ះពាល់ តិចតួចលើទីផ្សារ ហិរញ្ញវត្ថុពេញ មួយយប់ ប៉ុន្តែរដ្ឋាភិបាលត្រូវបន្តការ ប្រុងប្រយ័ត្ន ចំពោះកត្តាហានិភ័យផ្សេងៗ ដូចជាការគ្រោងដាក់ពន្ធគយទៅវិញទៅមកដោយសហរដ្ឋអាមេរិកនៅថ្ងៃទី ២ ខែមេសា វិបត្តិវិបត្តិសេដ្ឋកិច្ចសំខាន់ៗ ភាពតានតឹងភូមិសាស្ត្រ នយោបាយនៅមជ្ឈិមបូព៌ា និងអ៊ុយក្រែន និងការផ្លាស់ប្តូរសំខាន់ៗ នៃគោលនយោបាយរូបិយវត្ថុ។
លោក Choi បានស្នើឱ្យក្រសួងពាក់ព័ន្ធបន្ត “ធ្វើការត្រួតពិនិត្យ ទីផ្សាររយៈពេល ២៤ ម៉ោង និងពិនិត្យមើលការ ផ្លាស់ប្តូរគោលនយោបាយសំខាន់ៗ របស់សហរដ្ឋអាមេរិក និងប្រទេសធំៗផ្សេងទៀត និងផលប៉ះពាល់ ដែលអាចកើតមាន លើសេដ្ឋកិច្ចកូរ៉េខាងត្បូង” ។
លោកក៏បានអំពាវនាវ ឱ្យមានការខិតខំប្រឹងប្រែង ដើម្បីរក្សាជំហរឥណទាន របស់កូរ៉េខាងត្បូង ដោយកត់សម្គាល់លើ អ្នកវាយតម្លៃឥណទាន សកលលោក Fitch Ratings ថ្មីៗនេះបានអះអាងជាថ្មី នូវការវាយតម្លៃ អធិបតេយ្យភាព របស់ប្រទេសនៅ “AA-” ជាមួយនឹងទស្សនវិស័យស្ថិរភាព។
តាមការគ្រោងទុក នៃការលក់ភាគហ៊ុនឡើងវិញ ដែលគ្រោងនឹងធ្វើឡើងនៅថ្ងៃទី ៣១ ខែមីនា ប្រធានស្តីទីបានគូស បញ្ជាក់ពីតម្រូវការ ដើម្បីគាំទ្រ ដល់ការបន្តដំណើរការ ជួញដូរដោយរលូន ទន្ទឹមនឹងនោះក៏អំពាវនាវ ឱ្យមានការគាំទ្រ សម្រាប់វេទិកា ជួញដូរភាគហ៊ុនជំនួស ដំបូងរបស់ប្រទេស ដែលបានចាប់ផ្តើមនៅដើមខែនេះ៕
