ប្រធានក្រុមប្រឹក្សាខេត្តឧត្តរមានជ័យ ស្នើដល់មន្ត្រីរាជការជានារី ត្រូវជួយផ្តល់យោបល់មតិល្អៗ ចៀសវាងស្ងៀមស្ងាត់រង់ចាំការផ្តល់យោបល់ពីបុរស

ភ្នំពេញ៖ មន្ទីរកិច្ចការីខេត្តឧត្តរមានជ័យ បានប្រារព្ធពិធីអបអរសាទរខួបលើកទី១១៤ទិវាអន្តរជាតិ ៨មីនា ឆ្នាំ២០២៥ ក្រោមប្រធានបទ (សិទ្ធិ សមភាព និងភាពអង់អាច ចំពោះស្រ្តី និងក្មេងស្រីគ្រប់រូប)ដែលពិធីនេះ បានប្រព្រឹត្តិទៅ ក្រោមអធិបតីភាពឯកឧត្តម ស៊ី ប្រាសិទ្ធ ប្រធានក្រុមប្រឹក្សាខេត្តឧត្តរមានជ័យនិងលោកស្រី មុំ ពុទ្ធីតា អភិបាលរងខេត្តនិងជាប្រធានសមាគមន៌នារីខេត្តឧត្តរមានជ័យរួមទាំងមានស្រ្តីៗមកពីតាមបណ្តាលមន្ទីរស្ថាប័នអង្គភាពនានាចូលរួមយ៉ាងច្រើនកុះករនាព្រឹកថ្ងៃទី ៨ មីនា ឆ្នាំ២០២៥។

ជាកិច្ចចាប់ផ្តើម នៃអង្គពិធី លោកស្រីឯក សុភារុំ ប្រធានមន្ទីរកិច្ចការនារីខេត្តឧត្តរមានជ័យបានលើកឡើងនូវរបាយការណ៌មួយចំនួនរួចមក។

លោកស្រី មុំ ពុទ្ធីតា អភិបាលរងខេត្តនិងជាប្រធានសមាគមន៌នារីខេត្ត និងឯកឧត្តម ស៊ី ប្រាសិទ្ធ ប្រធាន ក្រុមប្រឹក្សាខេត្តឧត្តរមានជ័យបានមានប្រសាន៌ ធ្វើការវៃ តម្លៃនិងកោតសរសើរ ខ្ពស់ចំពោះការលើកទឹកចិត្តដល់ មន្រ្តីរាជការទាំងអស់មកពីអង្គភាពមន្ទីរស្ថាប័ននានាដែលជានារីគ្រប់រូបដែលជានិច្ចជាកាលបានខិតខំបំពេញភារកិច្ចស្នូលរបស់ខ្លួន ដើម្បីបម្រើជាតិនិងប្រជាពលរដ្ឋ ក្នុងទឹកចិត្តអង់អាចក្លាហាន ឆន្ទៈ មោះមុត តស៊ូហ៊ានឆ្លងកាត់ រាល់គ្រប់ឧបសគ្គដោយស្មារតីទទួលខុសត្រូវខ្ពស់និងការប្តេជ្ញាចិត្តខ្ពស់ហ៊ានធ្វើពលិកម្មគ្រប់បែបយ៉ាង ក្នុងបុព្វហេតុ រក្សាការពារ សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម បាន ល្អប្រសើរជូន ជាតិមាតុភូមិ។

ឆ្លៀតក្នុងឱកាសនោះ ដែរឯកឧត្តមប្រធានក្រុមប្រឹក្សាខេត្តក៌បានផ្តល់នូវអនុសាសន៍ ល្អៗមួយ ចំនួនបន្ថែមទៀតជូនដល់ថ្នាក់ដឹកនាំដែលជាមន្ត្រីរាជការជានារីទាំងអស់ ត្រូវខិតខំប្រឹង ប្រែង បន្តទៀតក្នុង ការពង្រឹងសមត្ថភាពវិជ្ជាជីវៈរបស់ខ្លួនឱ្យបានខ្លាំងពូកែបន្ថែមទៀត ដើម្បីឱ្យមានលក្ខណៈសម្បតិ្ត សមស្របក្នុង ការ បំពេញតួនាទី និងភារកិច្ចទាំងក្នុងក្របខ័ណ្ឌការងារដឹកនាំ និងការងារជំនាញបច្ចេក ទេសរបស់ ខ្លួនប្រកប ដោយប្រសិទ្ធភាពខ្ពស់។

ឯកឧត្តមប្រធានក្រុមប្រឹក្សាខេត្តក៏ បានស្នើដល់មន្ត្រីរាជការជានារី ត្រូវជួយ ផ្តល់យោបល់មតិដ៏ល្អ ៗទាំងក្នុងអង្គភាពការងារ សង្គម និងក្នុងគ្រួសារ ចៀសវាងការរក្សានៅភាពស្ងៀមស្ងាត់រង់ចាំការផ្តល់យោបល់ពីបុរស ព្រមទាំងបន្តរក្សានៅប្រពៃណីដ៏ថ្លៃថ្នូរ មានមនសិការការងារ និងគោរពវិន័យ ក្រិតក្រមសីលធម៌វិជ្ជាជីវៈ ជាពិសេស រក្សាបាននូវតម្លៃ គុណធម៌ របស់ស្រ្តីឱ្យសាកសម ទៅនឹងកិត្តិនាម របស់ ស្រ្តីដែលជាមាតាពិភពលោកផងដែរ។

ជាមួយគ្នានោះដែរឯកឧត្តមក៏បានផ្តល់នូវការដូវត្ថុអនុស្សាវរីយ៏ជូន ដល់ បងប្អូនជាស្រ្តីដែលចូលរួមក្នុងអង្គពិធីដើម្បីអបអរសាទរក្នុងឳកាសខួបលើកទី១១៤ទិវាទអន្តរជាតិនារី៨មីនាឆ្នាំ២០២៥នេះនិងបន្តដំណើរចុះសួរសុខទុក្ខនិងចែកអំណោយមនុដ្សធម៏ជូនដល់ស្រ្តីដែលកំពុងសម្រាកសម្រាលកូននៅមន្ទីរពេទ្យបង្អែកខេត្តចំនួន១៣នាក់និងគ្រូពេទ្យឆ្មបមួយចំនួនទៀតផងដែរ៕