តូក្យូ៖ នាយករដ្ឋមន្ត្រីជប៉ុន លោក Shigeru Ishiba កាលពីថ្ងៃពុធ បានសង្កត់ធ្ងន់ថា ជប៉ុនកំណត់ថវិកាការពារជាតិដោយខ្លួនឯង ដោយច្រានចោលការអំពាវនាវរបស់សហរដ្ឋអាមេរិក ដើម្បីបង្កើនការចំណាយលើវិស័យការពារជាតិ។
ជប៉ុនកំណត់ថវិកាការពារជាតិរបស់ខ្លួន ហើយនឹងមិនផ្អែកលើការសម្រេចចិត្តរបស់ខ្លួនលើទិសដៅនៃប្រទេសណាមួយឡើយ។ សារព័ត៌មានក្យូដូបានដកស្រង់សម្តីលោក Ishiba នៅក្នុងកិច្ចប្រជុំសភា។
ការកត់សម្គាល់នេះបានកើតឡើងបន្ទាប់ពីលោក Elbridge Colby ដែលត្រូវបានតែងតាំងជាអនុរដ្ឋលេខាធិការការពារជាតិសម្រាប់គោលនយោបាយរបស់រដ្ឋបាលលោក Trump បានឲ្យដឹងនៅក្នុងសេចក្តីថ្លែងការណ៍ជាលាយលក្ខណ៍អក្សរថាប្រទេសជប៉ុនគួរតែបង្កើនការចំណាយលើវិស័យការពារជាតិដល់ទៅ ៣ភាគរយនៃ GDP។
ប្រធានខុទ្ទកាល័យជប៉ុន លោក Yoshimasa Hayashi បានបញ្ជាក់ជាថ្មីក្នុងសន្និសីទសារព័ត៌មានកាលពីថ្ងៃពុធថា រដ្ឋាភិបាលជប៉ុនកំពុងធ្វើការឆ្ពោះទៅរកការបង្កើនការចំណាយទាក់ទងនឹងវិស័យការពារជាតិដល់ ២ភាគរយនៃផលិតផលក្នុងស្រុកសរុបនៅឆ្នាំសារពើពន្ធ ២០២៧។
លោកបញ្ជាក់ថា ការផ្តោតលើខ្លឹមសារនៃសមត្ថភាពការពារជាតិជាជាងបរិមាណ។
ប្រទេសជប៉ុនបានកំណត់គោលដៅដែលបានគូសបញ្ជាក់នៅក្នុងយុទ្ធសាស្រ្តសន្តិសុខជាតិឆ្នាំ២០២២ របស់ខ្លួនក្នុងការនាំយកការចំណាយលើវិស័យការពារជាតិដល់ ២ភាគរយនៃផលិតផលក្នុងស្រុកសរុបនៅក្នុងសារពើពន្ធឆ្នាំ២០២៧ បន្ទាប់ពីរក្សាបាននូវកម្រិតក្រៅផ្លូវការប្រហែល ១ភាគរយអស់រយៈពេលជាយូរមកហើយនៅក្រោមរដ្ឋធម្មនុញ្ញដែលបោះបង់ចោលសង្រ្គាម។
