ក្រសួងរៀបចំដែនដី សម្របសម្រួលបញ្ចប់ជាស្ថាពរនូវវិវាទរវាងពលរដ្ឋ ៥៤គ្រួសារ ជាមួយលោក ជៀម ផែន ដែលមានទីតាំងនៅស្រុកស្ទឹងហាវ
ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី១៦ ខែមករា ឆ្នាំ២០២៤ បានសម្របសម្រួលបញ្ចប់ជាស្ថាពរនូវវិវាទរវាងប្រជាពលរដ្ឋ ៥៤ គ្រួសារ ជាមួយលោក ជៀម ផែន ដែលមានទីតាំងស្ថិតនៅភូមិឬទ្ធី២ ឃុំកែវផុស ស្រុកស្ទឹងហាវ ខេត្តព្រះសីហនុ។
សូមជម្រាបថា ករណីវិវាទនេះបានកើតឡើងតាំងពីឆ្នាំ២០០៨ ហើយត្រូវបានដោះស្រាយបញ្ចប់ទាំងស្រុងនៅថ្ងៃនេះ ដោយអនុវត្តតាមការសម្រេចរបស់រាជរដ្ឋាភិបាល តាមរយៈលិខិតលេខ ៧៦៧ សជណ ចុះថ្ងៃទី៣ ខែកក្កដា ឆ្នាំ២០១៨ របស់ទីស្តីការគណៈរដ្ឋមន្រ្តី ដែលតម្រូវឲ្យគ្រប់ភាគី និងស្ថាប័នមានសមត្ថកិច្ច បន្តអនុវត្តតាមនិតិវិធី៕
