**ប្រធានាធិបតីហ្វីលីពីន ថ្លែងអំណរគុណចំពោះរាជរដ្ឋាភិបាលកម្ពុជា ដែលបានយកចិត្តទុកដាក់ចំពោះពលរដ្ឋហ្វីលីពីន ដែលកំពុងធ្វើការ និងរស់នៅក្នុងប្រទេសកម្ពុជា**សម្ដេចធិបតី ហ៊ុន ម៉ាណែត ពិភាក្សាជាមួយប្រធានាធិបតីហ្វីលីពីនអំពីការបង្កើនជើងហោះហើរត្រង់រវាងកម្ពុជា និងហ្វីលីពីន**ឯកឧត្ដម សូ ណារ៉ូ៖ ការអញ្ជើញបំពេញទស្សនកិច្ចរបស់សម្ដេចធិបតីនៅហ្វីលីពីន ជាដំណើរទស្សនកិច្ចលើកដំបូង**ឯកឧត្ដម សូ ណារ៉ូ៖ ប្រធានាធិបតីហ្វីលីពីន ថ្លែងនូវអំណរព្រះគុណព្រះមហាក្សត្រកម្ពុជា ដែលព្រះអង្គព្រះរាជទាននូវការលើកលែងទោសដល់ស្ត្រីហ្វីលីពីនចំនួន ១៣ នាក់ ដែលស៊ីឈ្នួលពពោះជំនួស**ប្រធានព្រឹទ្ធសភាហ្វីលីពីន មានសុទិដ្ឋិនិយមចំពោះ ទំនាក់ទំនងមិត្តភាព និងកិច្ចសហប្រតិបត្តិការរវាងហ្វីលីពីន-កម្ពុជា**ប.ស.ស. ចេញសេចក្តីបំភ្លឺ ស្ដីពីការផ្តល់សេវាព្យាបាល និងថែទាំវេជ្ជសាស្ត្រជូនសមាជិក ប.ស.ស.**ឧបនាយករដ្ឋមន្ត្រី ស សុខា៖ ប្រាសាទបុរាណបន្ទាយឆ្មារ គឺជាសម្បត្តិដ៏មានតម្លៃសម្រាប់ប្រទេសជាតិ**សម្តេចធិបតី ហ៊ុន ម៉ាណែត ដឹកនាំគណៈប្រតិភូ មកដល់កម្ពុជាវិញហើយ ប្រកបដោយសុវត្ថិភាព ក្រោយបញ្ចប់ដំណើរបំពេញទស្សនកិច្ចផ្លូវការ នៅហ្វីលីពីន**ក្រុមហាម៉ាសនិយាយថា ការព្រមានរបស់លោក ដូណាល់ ត្រាំ ឱ្យដោះលែងចំណាប់ខ្មាំងអ៉ីស្រាអែល បង្កភាពស្មុគស្មាញថែមទៀតដល់ដំណើរការ សម្រេចបទឈប់បាញ់សម្រាប់តំបន់ហ្កាហ្សា នៅដំណាក់កាលថ្មី**រដ្ឋមន្ត្រីឧស្សាហកម្មបារាំងលើកឡើងថា អឺរ៉ុបគួរតែឆ្លើយតបយ៉ាងម៉ឺងម៉ាត់ និងរួបរួមចំពោះការដាក់ពន្ធគយចុងក្រោយបង្អស់របស់លោក ដូណាល់ ត្រាំ**លោក ដូណាល់ ត្រាំ៖ ក្រុមហាម៉ាសត្រូវតែដោះលែងចំណាប់ខ្មាំងឱ្យបានមុនថ្ងៃត្រង់ នៅថ្ងៃសៅរ៍ ចុងសប្ដាហ៍ខាងមុខនេះ**និយោជក និងកម្មករនិយោជិត៖ មន្រ្តីអធិការការងារដែលទទួលបាននីតិសម្បទាជានគរបាលយុត្តិធម៌នឹងចូលរួមលើកកម្ពស់នូវសុខដុមនីយកម្មក្នុងទំនាក់ទំនងវិជ្ជាជីវៈនៅតាមរោងចក្រ សហគ្រាស**កម្មករនិយោជិត ប្តេជ្ញាចិត្តចូលរួមយុទ្ធនាការផ្សព្វផ្សាយ ដើម្បីទប់ស្កាត់ជំងឺមិនឆ្លងជូនដល់បងប្អូនកម្មករនិយោជិតនៅតាមសហគ្រាស គ្រឹះស្ថាន**ក្រសួងការងារ រៀបចំសិក្ខាសាលាត្រីភាគីស្តីពី «បច្ចុប្បន្នភាពនីតិវិធីនៃការដោះស្រាយវិវាទការងារ»**យន្តហោះ Boeing 777-300ER ធ្វើដំណើរទៅទីក្រុងមូស្គូ មានអ្នកដំណើរ ចំនួន ៣៤៦នាក់ ចុះចតជាបន្ទាន់ នៅប្រទេសថៃ បន្ទាប់ពីមានបញ្ហាឧបករណ៍ចុះចតខាងមុខ**ប្រធានរដ្ឋសភាហ្វីលីពីន កោតសរសើរការរីកចម្រើនយ៉ាងឆាប់រហ័សរបស់កម្ពុជា**ឧត្តមសេនីយ៍ទោ សោម ស៊ុន ដឹក​នាំ​កង​កម្លាំង​ចម្រុះ​ បង្ក្រាបបទល្មើសនេសាទ នៅតំបន់បឹងទន្លេសាប ឃុំផាត់សណ្តាយ ស្រុកកំពង់ស្វាយ ខេត្តកំពង់ធំ**មន្ទីរអភិវឌ្ឍន៍ជនបទខេត្តបន្ទាយមានជ័យ បើកសិក្ខាសាលាអំពីការអនុវត្តគោលការណ៍ណែនាំ ស្តីពីការផ្ទៀងផ្ទាត់ស្ថានភាពបញ្ចប់ការបន្ទោបង់ពាសវាលពាសកាល**អតីតរដ្ឋមន្ត្រីមហាផ្ទៃកូរ៉េខាងត្បូង បដិសេធថា លោកមិនបានបញ្ជា ឱ្យកាត់ផ្តាច់ភ្លើង និងទឹកដល់ប្រព័ន្ធផ្សព្វផ្សាយសំខាន់ៗ ក្នុងអំឡុងពេលដាក់ច្បាប់អាជ្ញាសឹករយៈពេលខ្លី**ឯកឧត្តម ហែម វណ្ណឌី៖ វិស័យកម្មសិទ្ធិបញ្ញាជាផ្នែកដ៏សំខាន់មួយ សម្រាប់ជំរុញការធ្វើពាណិជ្ជកម្ម លើកទឹកចិត្តឱ្យមានការសិក្សាស្រាវជ្រាវបង្កាត់ពូជដំណាំថ្មីៗ យកមកចុះបញ្ជីការពារសិទិ្ធអ្នកបង្កាត់ពូជដំណាំ

ការធានានិងកែលម្អសុខុមាលភាពរបស់ប្រជាជនចិនគ្មានទីបញ្ចប់ទេ មានតែទីចាប់ផ្តើមថ្មីបន្តគ្នារហូត

ជាងពេលណាៗទាំងអស់ក្នុងប្រវត្តិសាស្រ្តរបស់ប្រទេសចិន ក្រោមការដឹកនាំរបស់បក្សកុម្មុយនិស្តចិន ប្រទេសចិនងប្រជាជនចិនក្នុងរយៈពេល៧៥ឆ្នាំនេះស្គាល់នូវភាពរុងរឿងដ៏មហិមា ដែលជាពិសេសក្នុងឱកាសខួប៧៥ឆ្នាំនៃថ្ងៃកំណើតសាធារណរដ្ឋប្រជាមានិតចិន ជាងប្រជាជាតិណាៗទាំងអស់ ប្រជាជនចិនបានយល់យ៉ាងច្បាស់ពីគុណតម្លៃមហាសាលរបស់បក្សកុម្មុយនិស្តចិនដែលតែងបានចាត់ទុកថា «សុខុមាលភាពរបស់ប្រជាជនមិនអាចផ្តាច់ចេញពីជីវភាពរស់នៅប្រចាំថ្ងៃបាននោះទេ។ ជនកុម្មុយនិស្តបានធ្វើការនេះយ៉ាងខ្ជាប់ខ្ជួន ប្រឹងប្រែងធ្វើការជានិច្ចកាលដើម្បីលើកកម្ពស់សុខុមាលភាពរបស់ប្រជាជន។ ក្នុងនាមជាបក្សដឹកនាំប្រទេសចិន បក្សកុម្មុយនិស្តចិនបានទុកលទ្ធភាពដល់រដ្ឋាភិបាលចិន អនុវត្តនូវរាល់គោលនយោបាយដែលខ្លួនបានអនុម័តម្តងមួយឆ្នាំៗ ហើយធ្វើការងារជាក់ស្តែងក្នុងការឆ្លើយតបទៅនឹងការទាមទាររបស់ប្រជាជន មើលឃើញពីវឌ្ឍនភាព និងទទួលអំណរពីផលប្រយោជន៍ទាំងនេះ។ ជាក់ស្តែង កាលពីថ្ងៃទី ២៦ ខែធ្នូ ឆ្នាំ២០២៤ រដ្ឋាភិបាលចិនបានប្រកាសលទ្ធផលនៃការធ្វើជំរឿនសេដ្ឋកិច្ចទូទាំងប្រទេសចិនលើកទី៥ ដោយទិន្នន័យបង្ហាញថា ក្នុងនាមជាប្រទេសដែលទំហំសេដ្ឋកិច្ចសរុបបានជាប់ចំណាត់ថ្នាក់ទី២លើពិភពលោកចាប់តាំងពីឆ្នាំ២០១០មក ដោយGDPរបស់ប្រទេសចិនក្នុងឆ្នាំ២០២៣មានចំនួនជិត១៣០ទ្រីលានយាន់ប្រាក់ចិន ហើយក្នុងរយៈពេល៥ឆ្នាំចុងក្រោយនេះ អត្រារួមចំណែករបស់ចិនចំពោះកំណើនសេដ្ឋកិច្ចពិភពលោកគិតជាមធ្យមគឺ ប្រហែល៣០% ដែលបានក្លាយជាប្រភពកំណើនដ៏ធំបំផុតសម្រាប់ការអភិវឌ្ឍសេដ្ឋកិច្ចសកល។ ស្របនឹងគំនិតនេះ ធនាគារពិភពលោកបានតម្លើងការប៉ាន់ប្រមាណចំពោះកំណើនសេដ្ឋកិច្ចរបស់ចិននៅឆ្នាំ២០២៤ និងការព្យាករណ៍ចំពោះសេដ្ឋកិច្ចចិនក្នុងឆ្នាំ២០២៥ផងដែរ។

ជោគជ័យនៃសេដ្ឋកិច្ចរបស់ប្រទេសចិន គឺជាការរួមចំណែកធានានិងលើកកម្ពស់សុខុមាលភាពរបស់មនុស្សជាតិស្របតាមគុណតម្លៃរួមរបស់អង្គការសហប្រជាជាតិ។ ការកែលម្អស្តង់ដារនៃការរស់នៅគឺមានសារៈសំខាន់ក្នុងការជំរុញការអភិវឌ្ឍ។ ក្នុងរយៈពេល៥ឆ្នាំចុងក្រោយនេះ បរិយាកាសអន្តរជាតិបានកើតមានបម្រែបម្រួលយ៉ាងជ្រាលជ្រៅនិងស្មុគស្មាញ ក្នុងនោះ ក៏បានឆ្លងកាត់ការរីករាលដាលនៃជំងឺកូវីដ-១៩ អស់រយៈពេល៣ឆ្នាំផងដែរ ដោយប្រឈមមុខនឹងការសាកល្បងគ្រប់ប្រភេទ សេដ្ឋកិច្ចចិនបានរក្សាកំណើនដោយនឹងនរជាលំដាប់ដែលបានបង្ហាញពីភាពធន់យ៉ាងខ្លាំងក្លាក្នុងនាមជាអង្គភាពសេដ្ឋកិច្ចធំទីពីរនៅលើពិភពលោក។ ប្រទេសចិនបង្កើនកម្លាំងជំរុញបែបឧស្សាហកម្ម និងគោលនយោបាយជាចាំបាច់ដើម្បីលើកទឹកចិត្តដល់សហគ្រិន និងបង្កើនការងារ ហើយខិតខំបង្កើនប្រាក់ចំណូលរបស់អ្នករស់នៅទីក្រុង និងតាមទីជនបទ ជាក់ស្តែងឧស្សាហកម្មកម្មន្តសាលរបស់ប្រទេសចិនបានស្តារផលិតភាពឡើងវិញយ៉ាងឆាប់រហ័ស ហើយត្រូវបានលើកកម្ពស់យ៉ាងខ្លាំងដែលបានធានាឱ្យខ្សែសង្វាក់ផ្គត់ផ្គង់សកលដំណើរការដោយប្រក្រតី ក៏ដូចជាបានរួមចំណែកយ៉ាងធំធេងក្នុងការលំនឹងសេដ្ឋកិច្ចពិភពលោក ដោយបានគូសបញ្ជាក់ថាសមិទ្ធផលបែបនេះកើតពីបុព្វហេតុនៃគោលនយោបាយគ្រប់គ្រងជាម៉ាក្រូដែលប្រកបដោយវិទ្យាសាស្ត្រនិងប្រសិទ្ធភាពរបស់រដ្ឋាភិបាលចិនដែលបានពន្លឿនការអភិវឌ្ឍសមត្ថភាពផលិតកម្មគុណភាពថ្មី សមស្របនឹងតម្រូវការនៃយុគសម័យដោយបានជំរុញការអភិវឌ្ឍសេដ្ឋកិច្ចប្រកបដោយគុណភាពខ្ពស់។

នៅពេលកំពុងប្រឈមមុខទៅនឹងស្ថានភាពសេដ្ឋកិច្ចក្នុងស្រុកនិងក្រៅស្រុកដ៏ស្មុគស្មាញ រដ្ឋបាភិបាលចិនបន្តធានា និងលើកកម្ពស់សុខុមាលភាពរបស់ប្រជាជន ហើយធ្វើអ្វីៗគ្រប់យ៉ាងដើម្បីរក្សាជីវភាពរស់នៅ ។ ប្រទេសចិនធានាយ៉ាងមុតមាំចំពោះភាពគ្រប់គ្រាន់នៃថវិកាសម្រាប់សុខុមាលភាពសាធារណៈ ដែលមិនត្រូវបានកាត់បន្ថយឡើយ ហើយបែរជាខិតខំបង្កើនថែមទៀតសម្រាប់ការអប់រំ ការថែទាំសុខភាព ប្រាក់ចូលនិវត្តន៍ ដែលត្រូវបានដាក់ចេញនូវគោលនយោបាយ និងវិធានការនានា ព្រមទាំងបានតាមដានការឆ្លើយតបដោយតម្លាភាពនៅក្នុងគោលនយោបាយរបស់ខ្លួន ហើយជំនឿចិត្តបែបនេះកំពុងត្រូវបានបង្កើនថែមមួយកម្រិតទៀត ពោលគឺកាលពីថ្ងៃទី១១ ដល់ថ្ងៃទី១២ ខែធ្នូ ឆ្នាំ២០២៤ ក្នុងកិច្ចប្រជុំអំពីការងារសេដ្ឋកិច្ចមជ្ឈិមចិនបានបើកធ្វើនៅរដ្ឋធានីប៉េកាំង លោក Xi Jinping ប្រធានរដ្ឋចិនបានបូកសរុបដោយគ្រប់ជ្រុងជ្រោយនូវការងារសេដ្ឋកិច្ចឆ្នាំ២០២៤ ធ្វើការវិភាគយ៉ាងស៊ីជម្រៅចំពោះស្ថានការណ៍សេដ្ឋកិច្ចនាពេលបច្ចុប្បន្ន ហើយបានរៀបចំចាត់ចែងជាប្រព័ន្ធនូវការងារសេដ្ឋកិច្ចឆ្នាំ២០២៥ ធានាយ៉ាងជាក់លាក់និងកែលម្អជីវភាពរស់នៅរបស់ប្រជាជន ដោយបានជំរុញការអភិវឌ្ឍប្រកបដោយគុណភាពខ្ពស់ និងកិច្ចកសាងអរិយធម៌អេកូឡូស៊ីនិងការអភិវឌ្ឍបៃតងនិងកាបូនទាប ជាក់ស្តែង បរិមាណផលិតរថយន្តថាមពលថ្មីក្នុងឆ្នាំ២០២៣ បានឡើងដល់៩,៤៥៨,០០០គ្រឿងដែលកើនឡើង ៦.៩ដងបើប្រៀបធៀបនឹងឆ្នាំ២០១៨ ហើយបរិមាណផលិតរថយន្តបានជាប់ចំណាត់ថ្នាក់លេខ១លើពិភពលោកក្នុងរយៈពេល៩ឆ្នាំជាប់ៗគ្នាដែលសមមាត្រមានចំនួនលើសពី ៦០% នៃទូទាំងពិភពលោក។
គោលនយោបាយសេដ្ឋកិច្ចតាមរបែបផែនចិន បានផ្តល់ជាបទពិសោធន៍ដល់ប្រទេសនានាយល់ពីប្រទេសចិនដែលបានធ្វើឲ្យប្រាកដថា មិនមានចំណុចខ្សោយ ភាពចន្លោះប្រហោងបំបាត់ឧបសគ្គលាក់កំបាំងនៅក្នុងកិច្ចការសន្ដិសុខសាធារណៈនោះទេ រដ្ឋាភិបាលចិនតែងយកចិត្តទុកដាក់ចំពោះបញ្ហាសំខាន់ ចំណុចទន់ខ្សោយ ហើយលើកកម្ពស់កម្រិតសន្តិសុខសាធារណៈ ដោយពិភពលោកបានសង្កេតឃើញពីវិជ្ជមានភាពនេះតាមរយៈការថែទាំដល់កុមារ និងមនុស្សចាស់នៅផ្ទះដែលត្រូវការជំនួយក្នុងពេលដែលសមាជិកគ្រួសារផ្សេងទៀតបានទៅធ្វើការនៅតាមទីក្រុង ដោយតាមរយៈយន្តការ និងចាត់វិធានការនានាដើម្បីធ្វើឲ្យប្រសើរឡើងនូវការគ្រប់គ្រង និងសេវាកម្ម ដោយឲ្យប្រជាជនចិនរស់នៅដោយសុខសាន្តក្នុងគ្រួសារដ៏ធំរបស់លទ្ធិសង្គមនិយមតាមបែបផែនចិន ហើយបើតាមរបាយការណ៍សុភមង្គលពិភពលោករបស់អង្គការសហប្រជាជាតិ យើងនៅចាំបានថាកាលពីឆ្នាំ២០២៣កន្លងទៅ សន្ទស្សន៍សុភមង្គលរបស់ប្រទេសចិនមាន៥,៩៧ពិន្ទុ ដែលជាប់ចំណាត់ថ្នាក់ទី៦០ក្នុងចំណោម១៤៣ប្រទេស។ នៅក្នុងបរិបទនៃការកើនឡើងសម្ពាធនៃការធ្លាក់ចុះសេដ្ឋកិច្ច និងការកើនឡើងនៃបញ្ហានិងទំនាស់ក្នុងសង្គម ការធានានូវជីវភាពរស់នៅជាមូលដ្ឋាន និងសុខុមាលភាពរបស់ប្រជាជនពិតជាមានសារៈសំខាន់ណាស់។ ប្រទេសចិនតែងចាត់ទុកបញ្ហាដែលប្រជាពលរដ្ឋចាត់ទុកថាជាបញ្ហាធ្ងន់ធ្ងរបំផុត ដែលអាចមើលឃើញថា មានលក្ខណៈជាបន្ទាន់ ហើយខិតខំបំពេញកិច្ចការរបស់ខ្លួនលើកកម្ពស់សុខុមាលភាពកាន់តែមានគោលដៅ ប្រសិទ្ធភាព និងនិរន្តរភាពច្រើនជាងមុនផងដែរ។ ខណៈពេលដែលប្រទេសចិននៅតែបន្តកំណែទម្រង់រចនាសម្ព័ន្ធខាងផ្នែកផ្គត់ផ្គង់ រួមជាមួយភាពរីកចម្រើននៃបញ្ញាសិប្បនិម្មិត បុគ្គលិកមួយចំនួននឹងត្រូវបញ្ឈប់ការងារ ហើយដូច្នេះរដ្ឋាភិបាលចិនតែងផ្តោតលើការបង្កើតការងារបន្ថែម អនុវត្ត និងកែលម្អវិធានការផ្តល់ជំនួយជួយប្រជាជនស្វែងរកការងារធ្វើ ដែលធានានូវជីវភាពរស់នៅជាមូលដ្ឋានរបស់ប្រជាជន។

ជារួម ប្រទេសចិនក្នុងរយៈពេល៧៥នេះនៃការដឹកនាំរបស់បក្សកុម្មុយនិស្តចិន ប្រទេសចិនតែងយល់ឃើញថា«ឱកាសកម្រនឹងកើតឡើង ពិបាកនឹងចាប់យក ហើយងាយនឹងបាត់បង់» ដូច្នេះប្រទេសចិនតែងផ្តួចផ្តើមនូវគំនិតនិងប្រាជ្ញានានារបស់ខ្លួនដើម្បីឱ្យសេដ្ឋកិច្ចរបស់ប្រទេសចិនចាប់យកបាននូវឱកាសដ៏កម្រដែលផ្តល់ដោយសេដ្ឋកិច្ចសកលភាវូបនីយកម្មដើម្បីភាពធន់នៃសេដ្ឋកិច្ចរបស់ខ្លួន ព្រមទាំងដើម្បីសុខុមាលភាពសាធារណៈរបស់ប្រជាជនចិន ហើយសេដ្ឋកិច្ចរបស់ប្រទេសចិនក៏នឹងផ្តល់កាលានុវត្តភាពដល់សេដ្ឋកិច្ចសកល និងមនុស្សជាតិវិញផងដែរ ជាក់ស្តែងប្រទេសជាច្រើននៅក្នុងពិភពលោកបាននិងកំពុងទន្ទឹងរង់ចាំការវិលត្រឡប់ ឬការអញ្ជើញមកដល់របស់វិនិយោគិនចិនមកបណ្តាក់ទុននៅក្នុងប្រទេសរបស់ខ្លួន៕

ដោយបណ្ឌិត ជា មុនីឫទ្ធិ
សមាជិកគណៈប្រតិបត្តិសមាគមមិត្តភាពកម្ពុជា-ចិន

អត្ថបទដែលជាប់ទាក់ទង