ភ្នំពេញ៖ អគ្គមេបញ្ជាការកងទ័ពឥណ្ឌា លោកឧត្តមសេនីយ Upendra Dwivedi បានឲ្យដឹងថា ស្ថានភាពប្រឈមមុខដាក់គ្នានៅតែបន្តកើតមាននៅតាមបណ្តោយបន្ទាត់នៃការគ្រប់គ្រងជាក់ស្តែង (LAC) ដែលជាខ្សែបទឈប់បាញ់ក្រៅផ្លូវការរវាងប្រទេសរបស់លោក និងប្រទេសចិន បើទោះបីជាប្រទេសទាំងពីរបានយល់ព្រមផ្តាច់ខ្លួននៅខែតុលា ឆ្នាំ 2024។
សន្និសីទសារព័ត៌មានកាលពីថ្ងៃចន្ទនៅទីក្រុងញូវដេលី លោកឧត្តមសេនីយ Upendra Dwivedi បានសង្កត់ធ្ងន់ថា ប្រទេសទាំងពីរត្រូវតែ អង្គុយជាមួយគ្នា និងស្តារទំនុកចិត្តឡើងវិញ។
លោកឧត្តមសេនីយ Upendra Dwivedi បានបញ្ជាក់ថា ចាប់តាំងពីការប៉ះទង្គិចគ្នាដ៏សាហាវរវាងកងទ័ពទាំងពីរបានចាប់ផ្តើមនៅឆ្នាំ២០២០ ភាគីទាំងសងខាងបានកែប្រែទីតាំង បង្កើនចំនួនកងទ័ព និងអាវុធស្តុកទុក។
លោកបានកត់សម្គាល់ថា ខណៈដែលពួកគេបានចាត់វិធានការដោះស្រាយស្ថានការណ៍នៅតាមព្រំដែននៅតែបន្តស្រដៀងនឹងការប្រឈមមុខដាក់គ្នា។
ការដាក់ពង្រាយកងទ័ពដោយផ្ទាល់អាស្រ័យលើកត្តាជឿទុកចិត្តរវាងកងទ័ពទាំងពីរ ហើយសមត្ថភាពត្រូវបានបង្កើតឡើងនៅម្ខាងទៀត។ សមត្ថភាពបច្ចុប្បន្ននៅទូទាំងរួមបញ្ចូលទាំងយើងនឹងត្រូវការដើម្បីរក្សាកម្រិតកងទ័ព។ នេះបើយោងតាមលោកឧត្តមសេនីយ Upendra Dwivedi បបានបញ្ជាក់។
លោកបានបន្ថែមថា សម្រាប់ពេលនេះ ក្នុងរដូវរងា យើងមិនកំពុងសម្លឹងមើលការកាត់បន្ថយកម្រិតកងទ័ពតាមខ្សែបន្ទាត់នៃការគ្រប់គ្រងជាក់ស្តែងទេ ដោយបន្ថែមថា ការវាយតម្លៃឡើងវិញអាចត្រូវបានធ្វើឡើងមុនរដូវក្តៅ។
មេទ័ពឥណ្ឌារូបនេះ បានបន្តថា សកម្មភាពល្បាតបានបន្តនៅតំបន់ Depsang និង Demchok ក្នុង Eastern Ladakh តាមបណ្តោយ LAC ដូចការរៀបចំដែលសម្រេចបានកាលពីឆ្នាំមុន។ លោកបានគូសបញ្ជាក់ថា ការល្បាតផ្ទៀងផ្ទាត់ពីរជុំបានធ្វើឡើងមកទល់ពេលនេះ ហើយភាគីទាំងពីរបានពេញចិត្តនឹងដំណើរការនេះ។
ទីក្រុងញូវដែលី និងទីក្រុងប៉េកាំងបានប្រកាសឈានដល់កិច្ចព្រមព្រៀងមួយដើម្បីផ្តាច់ខ្លួននៅតាមបណ្តោយ LAC នៅថ្ងៃទី២១ ខែតុលា មួយថ្ងៃមុនពេលកិច្ចប្រជុំកំពូល BRICS នៅទីក្រុង Kazan ប្រទេសរុស្ស៊ី។ នាយករដ្ឋមន្ត្រីឥណ្ឌា លោក Narendra Modi និងប្រធានាធិបតីចិន លោក Xi Jinping បានជួបប្រជុំទ្វេភាគីដ៏សំខាន់មួយនៅខាងក្រៅកិច្ចប្រជុំកំពូល។
ប្រទេសជិតខាងអាស៊ីទាំងពីរកំពុងស្វែងរកការសហការគ្នា; ការប្រឈមមុខដាក់គ្នាតាមព្រំដែនដែលអូសបន្លាយបានធ្វើឲ្យទំនាក់ទំនងការទូត និងសេដ្ឋកិច្ចកាន់តែតានតឹងខ្លាំង។ ប្រទេសឥណ្ឌាបានអនុវត្តវិធានការសេដ្ឋកិច្ចជាច្រើន រួមទាំងការហាមប្រាមលើកម្មវិធីទូរស័ព្ទរបស់ចិន ការរឹតបន្តឹងការត្រួតពិនិត្យការវិនិយោគរបស់ចិន និងការរឹតបន្តឹងលើការនាំចូលគ្រឿងអេឡិចត្រូនិក។
