ភ្នំពេញ៖ នារសៀលថ្ងៃទី១៩ ខែធ្នូ ឆ្នាំ២០២៤ ប្រជាពលរដ្ឋមកពីភូមិចំនួន៦ នៃឃុំអូរស្វាយ ស្រុកបុរីអូរស្វាយសែនជ័យ ចំនួន២០០គ្រួសារ ទទួលបានអំណោយជាគ្រឿងឧបភោគ បរិភោគ និងថវិកា ពីសប្បុរសធម៌ក្រុមដំណើរកំសាន្តប្រចាំឆ្នាំរបស់ FORD 2024.។
ឯកឧត្តម សរ សុពុត្រា អភិបាលខេត្តស្ទឹងត្រែង បានអញ្ជើញសំណេះសំណាល សួរសុខទុក្ខ ដល់ប្រជាពលរដ្ឋក្រីក្រ និងងាយរងគ្រោះ ៦ភូមិ មានចំនួន២០០គ្រួសារ នៅឃុំអូរស្វាយ និងបានថ្លែងអំណរគុណដល់ សប្បុរសជនដំណើរកម្សាន្តប្រចាំឆ្នាំរបស់អតិថិជនFORD 2024 បាននាំអំណោយចែកជូនដល់ប្រជាជនមានទុក្ខលំបាក់នៅឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង។
លោក លី មីណា អភិបាល នៃគណៈអភិបាលស្រុកបុរីអូរស្វាយសែនជ័យ បានស្វាគមន៍យ៉ាងកក់ក្តៅ ចំពោះដំណើរកំសាន្តប្រចាំឆ្នាំរបស់អតិថិជនFORD ២០២៤ មានចំនួន២០០គ្រឿង ដឹកនាំដោយលោក សេង វឹង នាយកគ្រប់គ្រងទូទៅផ្នែករថយន្តFORD នៃក្រុមហ៊ុនRMA Cambodia.។
លោកអភិបាលស្រុកបានមានប្រសាសន៍ថា ក្រុមដំណើរកំសាន្តអថិជនFORD មកខេត្តស្ទឹងត្រែងនេះ គឺបានបោះតង់ស្នាក់នៅក្រុងស្ទឹងត្រែង១យប់ និងបន្តដំណើរដល់ប្រទេសឡាវ ។នេះជាដំណើរទស្សកិច្ច និងជាឱកាសទស្សនាទឹកដីខេត្តស្ទឹងត្រែង និងស្រុកបុរីអូរស្វាយសែនជ័យ និងឆ្លៀតឱកាសធ្វើសប្បុរសធម៌ជូនដល់ពុកម៉ែបងប្អូនទាំងអស់ចំនួន២០០គ្រួសារ ដែលរួមចំណែកមួយជាមួយ រាជរដ្ឋាភិបាលកម្ពុជា។
ឯកឧត្តម អភិបាលខេត្ត បានមានប្រសាសន៍ថា ការរួមចំណែកពីសប្បុរសជនដើម្បីជួយដោះស្រាយជូនប្រជាពលរដ្ឋ វាជាការរួមចំណែកយ៉ាងធំធេងជាមួយរាជរដ្ឋាភិបាល ទៅលើទុក្ខលំបាក់របស់ប្រជាពលរដ្ឋ ជាពិសេសប្រជាពលរដ្ឋរងគ្រោះ និងងាយរងគ្រោះដោយធម្មជាតិ។
ឯកឧត្តម អភិបាលខេត្ត បន្តថ្លែងបន្តថា
ការលះបង់របស់គ្រួសារ FORD នាពេលនេះ គឺឈរលើស្មារតីជាតិនិយមពិតប្រាកដ គឺជាអ្នកស្នេហាជាតិ ដែលស្រឡាញ់ប្រជាជន ហើយជាការរួមចំណែកជួយដោះស្រាយជីវភាព និងទុក្ខលំបាក់របស់ប្រជាជន ដែលនេះជាវប្បធម៌ចែករំលែកដែលខ្មែរគ្រប់រូបមានភារៈកិច្ច និងកាតព្វកិច្ចសំរាប់ជាតិមាតុភូមិនិងប្រជាជន ដែលបង្ហាញយ៉ាងច្បាប់នូវស្មារតីជាតិ មនុស្សធម៌ ដើម្បីប្រជាជាតិទាំងមូល។
លោក សេង វឹង បានមានប្រសាសន៍ថា អំណោយដែលបានមកពីបងប្អូនសប្បុរសជន ក្រុមដំណើរកំសាន្ត ធ្វើឡើងនាពេលនេះសំរាប់ចែកប្រជាជននៅខេត្តស្ទឹងត្រែង ។
លោកបានមានប្រសាសន៍បន្តថា អ្វីដែលក្រុមដំណើរកំសាន្តផ្តល់ទៅវិញចំពោះការទស្សនាខេត្តផង និងធ្វើអំណោយជូនប្រជាពលរដ្ឋផង ហើយការធ្វើអាជីវកម្មគឺមិនសំឡឹងឃើញតែប្រាកចំណេញទេ ហើយអ្វីដែលសំខាន់គឺជួយអភិវឌ្ឍន៍សហគមន៍ត្រឡប់ទៅវិញដើម្បីរួមចំណែកជាមួយរាជរដ្ឋាភិបាលក្រោមការដឹកនាំរបស់សម្តេចបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជណាចក្រកម្ពុជា អាណត្តិទី៧នេះ និងបន្តធ្វើឲ្យប្រទេសមានសុខសន្តិភាព និងបានកសាងអភិវឌ្ឍន៍ហេដ្ឋរចនាសម្ព័នលើគ្រប់វិស័យ ព្រមទាំងបានយកចិត្តទុកដាក់គិតគូសុខទុក្ខរបស់ប្រជាពលរដ្ឋទូទាំងប្រទេស គឺមិនឲ្យប្រជាពលរដ្ឋ ខ្វះខាតលំបាកអ្វីឡើយ៕
