សម្តេចធិបតី៖ ការទប់ស្កាត់ការជួញដូរមនុស្ស មិនមែនគ្រាន់តែធ្វើ ដើម្បីបុគ្គល ឬជួយសង្គ្រោះជនរងគ្រោះទេ ប៉ុន្តែក៏ជួយសង្គ្រោះជាតិរបស់យើង
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា ការទប់ស្កាត់ ការជួញដូរមនុស្ស មិនមែនគ្រាន់តែធ្វើដើម្បីជួយដល់បុគ្គល ឬជនរងគ្រោះនោះទេ ប៉ុន្តែក៏ជួយសង្គ្រោះសង្គមជាតិផងដែរ ។
ក្នុងឱកាសអញ្ជើញ ប្រារព្ធទិវាជាតិប្រឆាំងអំពើជួញដូរមនុស្ស ១២ ធ្នូ ឆ្នាំ២០២៤ លើកទី១៨ ក្រោមប្រធានបទ “កម្ពុជាប្រឆាំងដាច់ខាតអំពើជួញដូរមនុស្សគ្រប់ទម្រង់ និងគ្រប់មធ្យោបាយក្នុងយុគសម័យឌីជីថល” នៅថ្ងៃទី១២ ខែធ្នូ ឆ្នាំ២០២៤ សម្តេចធិបតី ហ៊ុន ម៉ាណែត បានបញ្ជាក់ថា «ការជួញដូរមនុស្ស ទប់ស្កាត់មិនមែនគ្រាន់តែធ្វើ ដើម្បីបុគ្គលឬជួយសង្គ្រោះជនរងគ្រោះទេ ប៉ុន្តែជួយសង្គ្រោះជាតិរបស់យើង ហើយក៏រួមចំណែក នៅក្នុងការកាត់បន្ថយទប់ស្កាត់ នៃបណ្តាញជួញដូរមនុស្សពិភពលោក ដែលធ្វើឱ្យប៉ះពាល់ប្រជាពលរដ្ឋទាំងអស់ នៅលើសកលលោក» ។
សម្តេចធិបតី បន្ថែមថា រឿងនេះ មិនមែនជារឿងកម្ពុជា ម្នាក់ឯងនោះទេ គ្រប់យ៉ាងត្រូវការកិច្ចសហការគ្នាបន្តទៀត ព្រោះជាកិច្ចការដែលត្រូវការឆ្លងកាត់ព្រំដែន ៕
